قصة زواج متقـــف الفصــــل الثاني(التتمة)

البارت 213

             الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  213

             نمشيو لعند صلاح

دخلو لكلينيك كايجريو..فطريقهم لقاو عتيق كايتسناوهم و معاه جوج رجال...واقفين قدام الغرفة...

صلاح:كريم فين هو...هاا؟...كي بقا؟...

عتيق:لحد الساعة ما عطانا الطبيب حتى معلومة...باقي للداخل مع صاحبك...

فاتي:[دموعها نازلين]ملي لقيتوه كان بخير ياك؟...كان حال عينيه و كايتحرك...ما وقع ليه والو؟...

عتيق:[بأسف ناطق]تمنينا كون لقيناه فوعيو...و لكن كان سخفان و فاقد بزاف ديال الدم...

فاتي حطات يدها على فمها غارقة فبكاها...و قلبها كايتقطع عليه...شافت فصلاح لي لا أقل عنها...خايف توقع لكريم شي حاجة بعد ما لقا فيه خوه الثاني...

بقاو كايتسناو و فاتي حلفات لا ݣلسات...بقات تمشي و تجي على طول الكولوار حتى سمعات شي صوت...جبدات تيليفونها من الصاك...لقات ساريتا لي كاتصوني و دغيا جاوباتها...

فاتي:[بشهقات عالية]كريم أ ساريتا...كريم...

ساريتا:[ناضت من حدى حسناء ناطقة بقلق كبير]م..مالو كريم...هضري الزمر نيشان ما تخلعينيش...

فاتي:كريم لقاوه غارق فدماياتو أ صاحبتي...

ساريتا:[كانت غاطيح على طولها مصدومة كون ما شداتها حسناء]كيفاش...كيفاش هادشي وقع ليه؟..و هو ؟..هو بخير دبا ياك؟...

فاتي:ما عرفتش..دبا حنا فالكلينيك و الطبيب باقي ما خرج من عندو...

ساريتا:اي حاجة وقعات قوليها لي أ فاطمة الزهراء...كون ما دراغون راني شادة راسي بزز ما نجي لعندكم...

فاتي:تبثي فدارك...كانتسناو دبا لعلى و عسى هاد الطبيب يخرج...[بانت ليها الممرضة خارجة]أ ها هي خرجات الممرضة نسولوها...

ساريتا:ما تقطعيش...خليني نسمع اش غاتقوليكم...

فاتي :واخا...

قربات دغيا لعند الممرضة موقفاها...ناطقة بخوف..

فاتي:ختي عفاك قوليلي كي بقا ؟

الممرضة:[مزروبة]صبري أ ختي غايخرج الطبيب و يقول ليك لي واقع...

قالت كلامها و مشات تجري مخلياهم على أعصابهم...

بعد دقيقة كانت جاية تجري للغرفة و لونها مخطوف...قبل ما تهضر معاها فاتي لي زادت تخلعات... كانت دخلات...

فاتي:[بلعات ريقها الناشف]ع...علاش كاتجري...واقعة شي حاجة...[دارت لعند صلاح]متأكدة واقعة شي حاجة ليه...

صلاح:[تنهد برجولية]صبري شي شوية و ما تسبيق الأحداث...[نتابه للطبيب لي خرج جاي باتجاههم]

فاتي:عفاك قولي لينا بلي هو بخير....

صلاح:[حط يدو فوق كتفها ناطق بنبرة آمرة للطبيب]طلق... أش كاين...

الطبيب:[تنهد كايشوف فيهم]تعطلتو باش تجيبوه لهنا...ما عندي ما نخبي عليكم...حالة المريض خطيرة...

فاتي:[ضحكات بسخرية كاتحاول تستاوعب]ك..كيفاش...أش كاتقول نتا؟..هاا؟..[ضرباتو لصدرو و كون ما صلاح شادها كانت غا طير عليه]اش كاتقصدددد بهضرررررتك...

صلاح:[خنزر فيه ناطق على  حروفو مخرجهم بزز]شرح كثر أ سي الطبيب قبل ما نقطع ليك داك اللسان لي ما كايطلق الهضرة دغيا...

الطبيب:[هضر بزربة و هو مرعوب و علاش لا و هو عارف ولد من]المريض فقد بزاف تاع الدم...و دبا محتاج بزاف ليه...يعني خاصو لي يتبرع ليه بالدم فأسرع وقت...و إلا...[سكت للحظة شايف فيهم و كمل]و إلا غايكون معرض للموت...[قال كلامو و مشا مخليهم فحالة صعيبة]

فاطة الزهراء ما قدراتش تستاوعب الهضرة لي قال...خواو بيها الرجلين و طاحت على ركابيها بحزن...بقلب يائس و مجروح...

و فجيهة أخرى كان واقف صلاح بقوة زائفة مزال واقف على رجليه...حاس بقلبو مقسوم على اخوه و رفيق دربو...ما حسش بدمعة ترجمات أحاسيو..نزلات على طول خدو و مسحها بتكبر..لكن ما خفاش الأمر على عتيق لي مراقب الوضع الحساس...