قصة زواج متقـــف الفصــــل الثاني(التتمة)

البارت 239

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  239

                      __________

على وقفتو كان مقابل مع الغرفة متكي على الحيط...فاتي جالسة على الكرسي كاتدعي مع كريم ينوض بالسلامة و  دراغون بعيد عليه بخطوات كايكمي بهدوء...

حتى خرج الطبيب و معاليم الحزن باين فوجهو...بلا ما يهضر فهمو اشنو كاين..فهمو بلي حالتو مزالة على حافة الخطر...

بغا يمشي الطبيب حتى هاد المرة وقفو نبرة صوت دراغون الجدي..

دراغون:أنا غانتبرع..

صلاح و فاتي تصدمو فيه...ما كانوش متوقعينها منو..أنه يفكر يعاون مريض شي نهار..كلامو على عكس شخصيتو و خدمتو..ما غايتيقوش لو ما سمعوش اش قال...

صلاح:[قرب لجيهتو]الواليد نتا متأكد!!..

دراغون:[شاف فيه ببرود]كانظن ما عندكش اعتراض..[شاف فالطبيب]تكلف دير شغلك...

الطبيب:تفضل أ سي دراغون نديرو ليك أول حاجة التحاليل نعرفو اينا فصيلة الدم عندك..

مشا الطبيب و تبعو دراغون بخطواتو الثقال..

بعد دقائق كان باقي فالغرفة لداخل بعد ما خداو الدم منو...كايجغم من العصير لي جابو ليه عتيق...لي هاد الآخير واقف عليه و باين عليه التوتر...و باغي يقول ليه شي حاجة...

دراغون:[علا فيه عينيه]طلق أش واحل ليك فداك الحلق من الصباح...

عتيق:أحم..حتى تكمل كاسك و ندويو...

دراغون:[جغمو كامل دقة وحدة]هضر...بخصوص الخبر الثاني لي قلتي اشنو هو؟؟..

عتيق:[سرط ريقو و جلس حداه]سي دراغون...ما عرفت كيفاش غانقول ليك هادشي و لكن خاصني ضروري نقولها ليك اليوم قبل من غدا...

دراغون:[تقاد فالجلسة مشبك صبعانو]هضر أش كاين..

عتيق:[بلع ريقو]ولدك المتوفي...

دراغون:[نزل حواجبو بجمود مزير على ضروسه]مالو؟..

عتيق:بعد تحريات هادي سنين انا و رجالنا بلا خبارك.. لقيت ولدك باقي حي...ما ميتش كيف كايحساب ليك...

دراغون:[ظهرات معاليم الصدمة عليه..ناض لعندو دغيا خاطبو لصدرو حتى تراجع اللور]أشنو كاتخربق نتا؟كيفاش ولدي مزال حي؟..كييييييفاش...

عتيق:تأكدت أ سي دراغون...عاد جيت قلتها ليك...هو دبا فكازا هنا...

دراغون:[بلع الصدمة بهدوء قاتل كايشوف فيه...حتى جرو من الكول]و جاااي يا الزا•مل من بعد هاد السنين كامة كاتقولها ليا بكل برود...هضضضضضر...مخليني أنا كانتحرق باش نلقاااا جثتو و نتا ساكت...

عتيق:[حدر راسو]سمح ليا أ سي دراغون...ما كنتش باغي نعطيك أمل و يطلع كذوب ..نتا أدرى بأشنو وقع ليك هادي سنين طويلة و شحال من واحد كايكذب باش ياخد الفلوس...هادشي علاش خبيت عليك حتى نتأكد...

دراغون:[وضع يدو ورى عنقو كايماصيه بهدوء قاتل كايشوف فيه]فين هو بالضبط فكازا...

عتيق:آخر ما وصلو ليه رجالنا هو آخر تواجدو هنا..يعني فهاد الكلينيك كاين...

دراغون:[زيرو من عنقو ضاغط عليه و لاخور كاينتر مخنوق]بربي لي خلقني و نلقا واقعة ليه شي حاجة...بربي حتى نذبحك بيدي..غاااااندبحك...اليوم قبل من غدا بغيتك تلقاه و تجيبو لعندي...

عتيق حرك راسو بواخا و رخف منو دراغون قبضتو دافعو كاينهج...بؤبؤ عيونو كايدورو ما ثابتينش فبلاصة وحدة...باغي يبرد هاد العافية لي حيات فقلبو من جديد و تشعل شعيل ما يتطفاش الا ما لقاه...