قصة زواج متقـــف الفصــــل الثاني(التتمة)

bart 305

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  305💀

صفارت و خضارت و دراغون بحالا فهم من رد فعلها اشنو كاين...رجع تكاها فبلاصتها و خرج من جيبو رزمة الفلوس كثيرة غا الزرقات...كايلعب بيهم بين يدو قبالة عينيها الجامدين بالصدمة...

لما لا و هو يكون ماشي بعيد عارف لي دارت فالحمام و حتى علاش لا لي دارت فدربو ملكيتو...

قطع الصمت بصوتو الجامد كايشوف فيها...

دراغون:يوم من ورى يوم كاتأكدي لي راني مزوج بلفعة بسبعة وجوه...

ساريتا:أرغد..أنا..أنا[السكات كان من جيهتها..ما عندها ما تقول]

دراغون:هاد التصرفات كانسميهم عندي تبرهيش..[تنهد مدوز يدو على وجهو كايحاول يبقى مبرد على حساب حالتها]ما يطيحش على البال بلي سباب الخصومات و المدابزة فالسيكتور من وراه نتي يا اللفعة...

ساريتا:ما غانكرش لي قلتي[سحبات نفس و قلبات وجهها للجيهة لاخرى كاتميق فيه]حينت أنا عمرني حاسبتك على خدمتك لي حرام و قتلك للناس...ما منحقش تحاسبني أ أرغد على لي كاندير...

دراغون:[حط صباعو تحت ذقنها و دور وجهها حتى تقابل مع وجهو ناطق بهدوء كايلعب فراحة يدها]ما غانحاسبكش...لدابا و فهاد الوقت ما غانحاسبكش و لكن ما غاندوزهاش ليك...جاتك صعيبة طلبي مني الفلوس..همم؟...[صغر عينيه فيها بتشكيك]و لا كانت نيتك تجمعيهم باش ديري بيهم شي حاجة سرية؟...

ساريتا:[حسات بالبرودة طالعة معاها من اخر جملة قال..بصعوبة تحكمات فنبرة صوتها خصوصا و انه مركز مع ردة فعلها بعد كلامو]بطبعي كانبغي نستافد من الحوايج لي كانتميز بيهم و عارفة ليهم...ما نكذبش و نقول بلي باغا نحقق ذاتي و نبين بلي قادرة ندير شي حاجة...و نجمع فلوس بلا مساعدة راجلي...

دراغون:[عوج عنقو بتفكير قبل ما يشوف فيها]خدوج على هاد الحساب كنتي ورى لي وقع ليها؟...

ساريتا:[قطبات حواجبها مزيرة غلى يدو حتى تغرسو ظفارها]بقات فيك ياك؟..لا و عارف سميتها من الفوق..

دراغون:[بتاسم بجنب]يعني من كلامك ثبتي لي شكوكي...

ساريتا:سبق و قلت ليك يا راجلي راني ما ننكرش شي حاجة درتها[مزيرة على فمها]و بلا شك غاتكوني  عرفتي علاش درتها...

دراغون:[لهب انفاسو على وجهها]على هاد الحساب أناكوندتي كاطلق سمها فكل وحدة كاتقرب لراجلها...

ساريتا:ها نتا قلتيها... راجلي...ملكي و ديالي...و لي شافت فيك غير شوفة غانجبد عينيها و نحطهم حداها...

ختمات كلامها بعضة لفمو بجنونية كأنها كاثتبت صحة كلامها و معناها...خلاتو يستاغل الوضع و يجر راسها قبل ما تبعد...غاطس معاها بقبلة جامحة عنيفة كيف عادتهم...

هي كاتحاسبو على لي قال ليها ..و هو كايحاسبها على الفعايل لي كا دير كأنها ما محسوباش عليه...

           ___________

الليل..

فجيهة أخرى..كان حيدر جالس فوق كرسي مقشر كايضرب رجليه ضريبات خفاف مع الأرض...حتى سمع صوت الباب تحل على غفلة خلاتو ينهض من بلاصتو بخوف و ملاميحو متغيرة..سحاب غايكون دراغون لقاه و لكن كان غا داك الراجل خدام عندو...

الراجل:[باستغراب لحالو]سي حيدر ماالك...كاتبان خايف ياكما جا البزناز لهنا و عرف فين كاين...

قرب لعندو حيدر بالخف عاطيه ضربة للوجه حتى دار للجيهة الأخرى...

حيدر:يا الزا•مل جاي تسلت ما عارفش تدير الحس...