الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 329💀
فالتحت جالسة سميحة فالصالون جسدها حاضر و عقلها غايب مع كلام لي قال ليها دراغون البارح...خلا الضيم يطيح عليها و الحزن يشدها...ما عارفة لي قال بصح واقع و لا غا قالها هكاك...
⬅️⬅️
كانت غادية نحو بيت ساريتا تشوفها كي بقات حتى وقفات فبلاصتها جامدة ملي سمعات صوت دراغون فبيت أخور كايقول...
"بلا ما نوصيكم..الجثة ديرو ليها مراسيم الدفن تليق بيها"
جملة ترددات صداها فوذنيها و هي غادة و كاتقرب لعندو...حتى سكت و دار لجيهتها بكامل جسدو بعد ما حس بوجود شي حد...
سميحة:[طلعات النفس و نزلاتو بخوف]قولي ماشي خوك...قولي ماشي خوك علاياش كاتهضر أ ولدي...
دراغون:[قرب لعندها بملاميح ممحية]ياك قسمتي بلي ولا عندك غير ولد واحد لهو أنا...ياك تبرأتي منو و مسحتيه من حياتك أشنو طرا دبا؟..تحركات فيك حس الأمومة؟..
سميحة ما صبراتش لطريقة كلامو و رفعات يدها تصرفقو...اه تصرفق ولدها لي من ديما كانت تحتارمو معتابراه كولشي فحياتها...
كانت غاتصرفقو لو لا يدها لي تشدات فاللخر بقبضتو...خلاتو يكشر على سنانو ببحة غليظة خشنة...
دراغون:ما تفوتيش الحد معايا و تسحابيني بحال ولدك الشماتة ندوزها ليك...
سميحة:[دمعو عينيها]قول ليا ما قتلتيش حيدر...قول ليا بلي ما أذيتيهش...
دراغون:[مسح دمعة نازلة]كنتي تفكري فيها من اللول قبل ما تغطي عليه ديك النهار ملي سولتك أشنو طرا...[نقص نبرة صوتو للشر]جيتي معطلة الواليدة معطلة و بزاف...
سميحة:[شافتو غايدوز و يخليها معلقة و هي تشدو من دراعو]ما غاتحركش من هنا قبل ما تقول ليا أشنو درتي فيه..أشنو درتي فخوك...
دراغون:[بلكنة باردة]ديري واجبك كأم و دعي مع المرحوم بالرحمة...
نساحب من حداها ما داريش بالقنبلة لي لاح فوجهها و لكن كانت عقاب على كذبتها لي كذبات باش تستر على ولدها...
خلاها وراه خاويين بيها الرجلين و ففمها كلمات كايتعاودو...ما مصدقاش لي سمعات و لا غاتصدق...
سميحة:ما يمكنش...ما يمكنش يقتل خوه...ما يمكنش يرجع فالوعد لي عطاه ليا و لباه قبل ما يموت...ما يمكنش...
⬅️⬅️
نتافضات من اليد لي تحطات عليها...دورات وجهها ناحية فضيلة لي كاتشوف فيها باستغراب...
فضيلة:مالك يا ختي ساهية و تخممي...شحال و أنا نعيط ليك...واقعة ليك شي حاجة؟...
سميحة:لا ختي أنا بخير...
فضيلة:عليا أنا غاتكذبي...[حطات يدها فوق يد سميحة]نتي صحايبتي و أنا عارفاك...كاتفكري فولدك الثاني ياك؟...
سميحة:[تنهدات بحزن شايفة فيها]ما كذبتيش أ صاحبتي...ضارني قلبي عليه...واخا هو فالماضي دار لي ما يدارش...خلاني نتبرا منو و لكن كايبقى ولدي أ فضيلة...[مسحات دمعتها بالكلينيكس]شحال قدني نصبر و قلبي مشعولة فيه العافية...
فضيلة:اييه حر الكبدة صعيبة و ما يحس بيها غا لي والد...
أنت تقرأ
قصة زواج متقـــف الفصــــل الثاني(التتمة)
Romanceنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
