الفـصـــل الثـاني:ما خــلف الأقــعنة🫦♟️
______
𝑩 𝒂 𝒓 𝒕 320💀
رقية:[بافتخار]ما شاء الله ما شاء الله على حفيدتي الذكية طلعتي بحالي فياماتي...
ساريتا:[تعالات ضحكاتها]و لكن لا تنساي نتي لفعة سامة قتلتي راجلك قبل الوقت بفعايلك...
رقية:[بادلاتها الضحكة حتى شوية سكتات ملي تفكرات حاجة]اييه و لي فكرشك ما فكرتيش فيه...زعما راه قطعة منك..ماشي ناقصة شوية تغامري بيه...
ساريتا:كنت رادة البال ما نطيحش شي طيحة خايبة و يتأذى[قلبات عينيها بغيض]و لايني نتي عارفة و أنا عارفة بلي من ديما كنت كارهة الولاد الصغار...لو لا راجلي المصون لي منعني ناخد الكينة كنت دبا غانكون مرتاحة ماشي شادة الفراش...
رقية:على هاد الحساب علاش ما طيحتيه من اللول و خليتيه تا بدى يكبر؟...
ساريتا:بدلت رأيي...عرفت من هاد الپيپي غانضمن سلامتي...هو لي غايحميني منو و يزيد يقربني ليه...بهاكا غانكون ستاغنيت على الخوف لفيا جيهتو و ما نفكرش فالهروب ثاني...
رقية:[تفاجئات من مكرها]لا لا فعلا نتي لفعة..و ماشي أي لفعة...نتي أناكوندا هازة فجوفك سم كايقتل...
ساريتا:[جغمات من الحليب حداها بابتسامة صغيرة]مم..يعني هادي معنى أناكوندا لي كان كايدلعني بيها كل نهار مول عينين الزورق...
رقية:[صغرات عينيها فيها]بلا ما تقولي شي حاجة..كولشي واضح قدامي...شكون يقول شي نهار بن داوود طيح فبزناز قد باها...
ساريتا:[همسات ليها بشوية بعشق]و الأسوء من زمان تكون طايحة فيه لدرجة بمسبتها فارقاتو على مرتو اللخرة و خلاتو يطلقها...هادي نسيتي ما تقوليها أ جدتي...و
رقية:[سدات ليها فمها قبل ما تكمل كلامها]ششش..واش تسطيتي..دابا دخل بنتو و تعرف بلي نتي السباب لي فارقتي باها على مها...
ساريتا:[رجعات تكات على الفوطوي بابتسامة لعوبة]و مزال ما نرتاح حتى نبعدها على راجلي و بنتو بصفة نهائية...حسناء ما بقا ليا والو و ناخد بلاصة مها و نخليها بنتي و تحت يدي و نكرهها فمها...و حتى الى عرفات حبيبة باباها أنني انا لي فارقت باباها على ماماها غاتشكرني...حينت درت فيها خير كبير...
رقية:كوني متأكدة الى عرف شي حد هادشي غايزيد يخاف منك...ردي البال لتصرفاتك الجاية راه دراغون هادا و يطيرها فالبلاصة...
ساريتا:[بهوس]أرغد راجلي و ديالي أنا من زمان...نهار طاحت عيني عليه قبل مني بغيتو و حتى حد ما غايفرقني عليه...[دورات الموس بين يدها]و لي غايدخل بيناتنا غانقتلو بدم بارد..
رقية:[بلعات ريقها خلعاتها]اييه و ملي نتي هازة هاد المشاعير كاملة فقلبك علاش ثقفتي راسك باش ما يقدر يقرب منك و يكون العيب منو..علاش لي هربتي منو و الفرصة لي تسنيتيها ديك الساع جات تال بين يديك...
ساريتا:[طلعات النفس و زفراتو]الحب بوحدو ما كافيش أ جدة...ديك الساعة فكرت بعقلي و لقيت الخوف..الخوف لي تحكم فيا من ورى الزواج بيه كيف غايكون...مشاعيري جيهتو ما قدرت نستاوعبها حتى هربت...[بسخرية ابتسمات]عرفتي لي كان معذبني طول السنين لي فاتو ماشي الخوف لا يلقاني كثر ما عذبني قلبي لي كان موحش شوفتو...
بقاو مكملين كلامهم على دراغون و تحولات الهضرة على فاتي لي كان تيليفونها طافي...تشوشات عليها ساريتا و هضرات مع جداتها تمشي تشوف اش كاين..خصوصا و انها عاد تفكرات الكذبة لي قالت لنزار و ما فهماتش السبب...
و هما هاضرين ما ردوش للبال لكاميرة محطوطة فبلاصة خافية الأنظار كاتسجل كولشي...
شدو سراويلكم لي جاي غايكون مصدم ليكم..
أنت تقرأ
قصة زواج متقـــف الفصــــل الثاني(التتمة)
عاطفيةنهار طاحت عين البزناز عليها بغاها و بالزواج تملكها بلا رغبة منها،أشنو أش غايوقع نهار طيح عينو عليها و ينويها الزواج بلا رغبة منها...نهار تهرب ليلة عرسهم و تحط بوجهو للأرض قدام الناس؟....
