قصة زواج متقـــف الفصــــل الثاني(التتمة)

بارت 354

الفـصـــل الثـاني:ما خــلف الأقــعنة🫦♟️
                ______

      𝑩 𝒂 𝒓 𝒕  354🚬

سميحة:فهميني أ بنتي الله يرضي عليك ربي لي عالم بيا...ما عرفت ولدي واش حي و لا ميت بغيت غير نشوفو و نشم  ريحتو...راني فكرت حتى عييت و ما لقيت شي حد نتيق فيه يعاونني قدك أ بنتي...

ساريتا:[دوراتها فدماغها مزيان...و لقات مساعدتها ليها غاتنفعها بزاف مستقبلا و غاتضمن عكوزتها فصفها ديما]و يا خالتي الحبيبة ما يهون عليا نخليك غاطسة وحدك فهاد الدوامة...حتى أنا قريب نولي أم و حاسة بيك ما نقدر نصبر الى وقعات شي حاجة لولدي و لا بنتي...و على راسي و عيني نوقف معاك و نعاونك حتى تلاقاي مع ولدك....

سميحة:[فرحات من كلامها و عزات عليها كثر من تصرفها]سيري أ بنتي الله يرضي عليك و يفكك على خير...
↖️↖️

زفرات نفس طويل كاتدورها فدماغها...عيات ما تجسس عليه و لحد الساعة ما عندها حتى معلومة كافية...

سمعات الدقان فالباب...سدات الرواية و مشات حلات الباب...لقات ديك المرا هي لي جات...

•••:صباح الخير لالة...ياكما تعطلت عليكم...

ساريتا:لا جيتي فوقتك..و بلا لالة أ خالتي غير سميتي كافية..[لمحات العياء فوجهها]أمدرا كي بقيتي شوية؟...

•••:الحمد لله أ بنتي..الطبيبة خرجات ليا واحد الدوا نفعني للنعاس...وليت نشربو و نطيح بالنعاس فالبلاصة...

ساريتا:[بتاسمات ليها]داكشي لي بغيت ليك...الأرق صعيب أ خالتي...الله يشافي كل واحد منو...

دخلو للداخل و هضرة تجيب هضرة كايجمعو...دغيا نساجمو فالهضرة...

                   مـــــــــــكان آخــــــر 

خارج بلاد المغرب...في أمريكا...

فديبو كبير...محاط بديور مهجورين...

سلاسل غلاظ مكبلين كل يد و رجل مع الحديدة...و خطوط حمراء منها الجديدة و القديمة سايلة بالدم مطبعة لحمو حتال أغمس رجليه....

كان مايل براسو للجنب مغمض عينيه حتى تهز جسدو اثر الماء...

كايحاول يحل عينيه المنفوخين بالضرب...ما قدرش يشوف فوسط الضبابة لي عامية ليه عينيه...حتى سمع صوت رجولي...

•••:ما تفورصيش على راسك أ سي يعقوب...

يعقوب:[بصوت ضعيف مبحوح بالكاد خرج]شكون نتا؟...

•••:حنا معاك أ سي يعقوب الأسعدي حتى تاخد بثارك من عدوك دراغون....

رسم يعقوب ابتسامة جانبية...و طاح للأرض فور ما فكو ليه يديه و رجليه...

شار داك الراجل بعينيه لدوك جوج رجال لي حداه...تعاونو مع بعضهم و هزو يعقوب مخرجينو وسط جثت مرمية فالأرض غارقة فدماياتها...

دور الراجل عيونو فالمكان و هز تيليفونو مدوز مكالمة لشخص مجهول...

الراجل:بلا ما تضيعو الوقت فتقلاب على سي حيدر...خودو الطريق لسلا فين كاين دراغون مع مراتو و تسناو من عندي الاشارة...

                   نرجعو للمغرب

داز شهر...وقت طويل بدقائقو و ساعاتو دازت و جروح بداو يتداواو...و جو العروبية والمها...

كانت متكية على شجرة كاتاكل من العنب..دايرة ليكيت كاتهضر مع آية...

فاطمة الزهراء:الحاجة المزيانة ملي داها سافر بيها لسلا...شحال قدها تصبر ياختي فداك الدرب و المشاكيل...

آية:غا سكتي لهلا يوريك الترعيدة لي شداتني ديك النهار ملي شفت الدرب فين ما دوري وجهك تلقاي دراري هازين مواس قد السيف...أختي ما نصبرش فداك الدرب و كل مرة سامعين مدابزات و القتيلة...

رقية:[شدات من عندها التليفون مطيراه ليها خلاتها غا كاتشوف]الله يقلل حياكم يا السلݣوطات البنت مع راجلها و ما وقرتوها...حاضيين غا التبرݣيك...

فاطمة الزهراء:[ضحكات]الله يهديك أ الميمة هضرة جابت هضرة حتى لقينا راسها كانهضرو على ساريتا....

رقية:و ها هي صاحبتك دبا الراس فالراس مع راجلها...نتي ما ناوياش ديري العقد دغيا أش كاتسناي...

فاطمة الزهراء:[ناضت كاتمشى ناحية الدار]هاويلي...كولشي جا على غفلة و انا ما مزال ما عارفة بزاف ديال الحوايج على الراجل...و بغيتيني نزرب بالزواج بيه...

رقية:و مالو يا بنيتي هاد الراجل ناقصاه يد و لا رجل...ياك بدارو و طموبيلتو و زيدي عليها عايش برا و لاباس عليه...

فاطمة الزهراء:أ الميمة ما هامنيش الراجل واش لاباس عليه و لا لا قد ما كانشوف أخلاقو و واش غايطلع معايا راجل و شماتة لا كيف قبلو[فآخر الكلمات فتاعلو ملاميحها للانزعاج]

آية:[خدات التيليفون من رقية]الله يهديك أ خالتي...خلي البنت عليك منها لخطيبها بينها و بينو...[وجهات كلامها لفاتي]و نتي أ الزين تهلاي ليا فراسك...و سلمي ليا على عمي و خالتي نسرين...

توادعات معاها فاطمة الزهراء...و خشات تيليفونها فجيب بيجامتها كاتمشى على راحتها...