قصة زواج متقـــف الفصــــل الثاني(التتمة)

البارت 207

الفـصـــل الثـاني:ما خــلف الأقــعنة🫦🪔
                      ____________
                       𝑩𝒚  𝑺𝒂 𝒓𝒊 𝒕𝒂

      🚬 𝑩 𝒂 𝒓 𝒕  207

ساريتا:كريم؟...كريم مالو أ فاتي ؟...هضري...

فاتي:كريم 3 يام و هو غابر و ما موالفاليهش...حتى من البلاصة لي تحول ليها معارفاهاش...أنا خايفة...خايفة بزاف لا تكون واقعة ليه شي حاجة...

ساريتا:[تخلعات عليه]ما دخليش هاد الافكار فبالك...كريم غايكون بخير أ صاحبتي...ما تخافيش...أكيد غايكون بخير...غاتلقايه شاد شي قنت كايبيع الحشيش كيف موالف...

فاتي:[كاتبكي بغصة فقلبها]قلبي أ ختي ما هانيش...قلبي محروق عليه باغا غا نشوفو...غا نشوفو و نعرف راهو بخير...غير نشوفو بخير و نرتاح...

ساريتا:قلتوها للبوليس هاا؟...لقاو شي حاجة؟..

فاتي:قلناها لخوك و راه كايقلب عليه...ما بغيتش نزيدك مشكيل على مشاكيلك  و لكن لقيت نتي لي غاتعاونيني أ صاحبتي...

ساريتا:واخا قوليلي فاش و انا مستعدة ندير اي حاجة المهم نلقاوه دغيا...

فاتي:[بترجي]واخا طلب صعيب و لكن كانترجاك تهضري مع دراغون يقلب عليه...كانطلبك ا ختي و بمعزتي عندك هضري معاه...هو الوحيد لي غايلقاه دغيا بمعارفو ...

ساريتا:[بلعات ريقها]واخا غانحاول نهضر معاه فالموضوع دبا...

فاتي:لا ماشي دبا...صبري حتى نشوفو واحد الدري صاحبو هضر مع باه يقلب ليه على كريم...الى تعطل و ما لقاهش غانعلمك بلي كاين...

ساريتا:واخا حبيبتي...نتي شدي فراسك و تبثي...ما تنسايش تعلميني بلي كان...

فاتي:واخا ختي تهلاي فراسك...

كان واقف فراس الدرب متكي على السكوتر...و يحرك فرجليه بزربة كايشوف فالساعة و يتسناها حتى شافها كاتجري لعندو...

وقفات كاتسترجع انفاسها و هي كاتلهث...قبل ما تهضر بصوت متقطع...

فاتي:أم..درا وص..لاتك شي خبار؟...

صلاح:ما فهمتش أش قال الواليد مزيان...لي فهمت لقاو شي راس الخيط...

فاتي:[بذهول]بهاد الزربة!!؟...

صلاح:و علاه شنو تسحابي...هادا راه الواليد و حتى حد ما يقد عليه و لا يغلبو...

فاتي:جبتيلي الفضول نعرف هاد باباك...[بفرحة]ما علينا دبا ما بقا والو و نوصلو ليه...

صلاح:شوفي عينيك قريب يتسدو بالنعاس...قلت ليك بلا ما تجي معايا  و لكن راسك قاصح يا لاطيف...[جبد التيليفون لي كايصوني و لقاه عتيق]هادا صاحب الواليد...

فاتي:جاوبو دغيا...أكيد غايكونو لقاو شي حاجة...

صلاح:[جاوب]وا فين أ با عويتق...[شاف ففاتي]لقيتوه!!...ما عليكمش برب...[تقاد فالوقفة مصدوم]كيفاش؟...صافي صافي رسل ليا العنوان هاني جاي...

قطع الخط و تكا على السكوتر بإهمال...حاني راسو و عينو فقنت ساهي...خلا فاتي قلبها يقفز بين ضلوعها خايفة...خايفة تسمع شي حاجة ماشي تا لهيه...

فاتي:[شداتو من دراعو]ص..صلاح أش واقع؟...كريم بخير ياك؟...هو بخير ما وقع ليه والو؟...[كاتململ فيه و هو يابس فبلاصتو]قل شي حاجة...هضر مالك سااااكت؟...

صلاح:[بصعوبة باش خرج الهضرة]كريم...كريم لقاوه غارق فدماياتو...

فاتي:[كانت غاطيح كون ما شدهاش دغيا فآخر اللحظة]ك..كيفاش؟...ما يمكنش توقع ليه ...انا لي خاص يوقع ليا ماشي هو ...أنا السباب أنااااا....

صلاح:ما تصعرينيش الساطة..تمالكي راسك و زيدي نشوفوه راه داوه للسبيطار...

ركب و تسناها حتى طلعات اللور و كسيرا بسرعة كبيرة...ما هامو حتى حاجة من غير يشوف صاحبو و خوه بخير و يطمئن قلبو عليه...