قصة زواج متقـــف الفصــــل الثاني(التتمة)

bart 256

الفـصـــل الثـاني:ما خــلف الأقــعنة🫦🪔
                ______

      🚬 𝑩 𝒂 𝒓 𝒕  256

ياسر:[كايمسح الدم من فمو و ينهج]ما عندكش الحق تغوت عليها كاتسمع..فهم راسك بلي ما باغاكش...

محمد:غاتبغيني بزز منها و نتا[عطاه ضربة برجلو لكرشو حتى طاح للأرض]غانقتلك اليوم كاتسمع يا الكلب غانقتلك..

دغيا باغي يطير عليه حتى شدوه الناس جارينو من عليه...و هو يغوت بحر جهدو و عروقاتو خارجين..لي زاد جننو كثر و هو شوفتها غادة لعندو كاتجري و الخوف ماليها...

لا و عاوناتو حتى ناض كاتمسح ليه فالدم...هاد الاهتمام فعوض ما ديرو مع راجلها دايراه مع براني...ما حس براسو و الا هو كايتنتر كثر من اللول خصوصا و هي معاوناه حتى ركب فطموبيلتو...

دفع الناس و مشا يجري لناحيتهم الغضب مالي عينيه...و هي وسعات عينيها بذعر ملي شافتو تم قاصدها..

قبل ما تركب كان جمع معاها بتصرفيقة قاصحة حتى دار وجهها...شادها من دراعها جارها و هي كاتغوت عليهم يعتقوها...خايفة منو لا يدير ليها شي حاجة و حالو ما عاجباهاش...

ركبها فطموبيلتو بزز و مشا لبلاصتو ركب...كسيرا بسرعة لدارو بلا ما يهضر و لكن اكيد مخلي الهضرة ملي يوصل...عاد غايتفاهم معاها...

                _____________

بوجه مصفر شاحب...حوايجها باقيين عليها هادي ربعيام ما قدرات تبدلهم...كاتحس بيديها فاشلين عليها بالسيف باش ناضت تقضي حاجتها...

تحنات غسلات وجهها بتعب واضح عليها...تمعنات راسها فإنعكاسها..ما قدراتش تكمل فيه الشوفة من ضعفها الباين فيها..هادشي علاش ما وصلهاش؟..تكون وصلاتو خبار حالتها و نفر منها؟...

هادو كانو تساؤلات كايدورو فدماغها...حايرة و عاطية اهتمام لأجوبة تساؤلاتها..يمكن حينت رجل ماشي بحال الرجال لي تعرفات عليهم فالفراش...عاملها بلطف و بصورة حسساتها بأنوثتها..داكشي علاش ولفاتو...

خرجات من الحمام كاتنشف وجهها حتى تلقات صفعة حارة على وجهها خلاتها طيح للأرض قبل ما تستاوعب...

دورات راسها دغيا و لقات أمامها لينا لمثابة باطرونة ليها و لݣاع بنات الليل...

لينا:[معصبة]على السلامة ملي الأميرة الصغيرة فاقت..واقيلا نعيط ليهم يجيبو ليك الفطور!!...

نجلاء:ما كاتشوفينيش مريضة...

لينا:مريضة سيري لداركم[طلعات و نزلات فيها]عفوا نسيت بلي أصلا ما بقات عندكم دار..

نجلاء:[بلعات الغصة فحلقها و نطقات]من اللخر قوليلي علاش جايا تال عندي ها؟..اشنو باغا؟..ياك خدمتي كانديرها؟

لينا:[تحنات لمستواها كارزة على شعرها]على اينا كاتهضري هاا؟..بسبابك ولينا نرجعو الكليان  لي كان ناوي ينعس معاك..يا غاتجمعي راسك معايا و ترجعي الكليان لي بدا ينقص و لا كانحلف ليك حتى نرميك للزنقة و هاد الخدمة المرفحة عمرك غاتعيشيها مزال...

نجلاء:راني مريضة..مرررريضة..ما قادرة نحرك حتى صبع كيفاش غانقدر نمتعهم..

لينا:هادي مشكيلتك نتي...غانعطيك وقت من هنا لغدا فحين الكليان تشكا منك غاندمك مزيان ديك الساع...[نترات يدها من شعرها و ساست يديها بكل برود من زغياتها اللاصقين]شوفي حتى من زغبك الموسخ و لا يتعلق فاليدين..نوضي غسلي حالتك..ريحة الزفورية كاتعطعط منك...

دفلات حداها مقززة و خرجات من الغرفة خلاتها جامعة يدبها على شكل قبضة و دموع نازلين على خدها..مقهورة..حايرة..و وحيدة..كاتحس براسها مقيدة و عاجزة مخلية لي جا يمسح فيها رجليه...

مسكات خصلات شعرها بين يديها مزيرة عليهم عاضة على سنانها..

نجلاء:علاش كايوقع ليا هاكا علااااااش..علاااااااااش...علا

وقفات بدون رغبة منها عينيها مكوانسيين فجيهة وحدة...بصعوبة نزلات يديها المكورين أمام أعينها الحمراء بالدموع النازلين...حلاتهم و تلقائيا يديها بداو يترعدو ملي شافت شعرها عالق بين أصابعها...

لو كانو خصلة و لا جوج كان عادي عندها و لكن لا...هاد المرة كانت كومة من الزغب..ما صدقاتش لي شافتو..عقلها ما ستاوعبش...عاودات مسات شعرها و لقات زغبات كثار تعلقو فيدها...