رواية : و إن جابة الطاري بقول كان يهمني و مازال .

١٤٧+

الله اكبر الله اكبر الله اكبر لا اله الا الله
—
يَـزيـد - بعد يومين - فترة بدايات الظهر
كان راجع بسيارته بعد ما خلص مشاويره ... كانت اخر طريقة عشان يقدر يصرف فيها على نفسه و على المصيبة اللي عنده بالشقة

من خرجت اريَـاف من المستشفى و هو ما يعرف شيء اسمه راحة ... على كثر ما هو كارهها على كثر ما هو مو قادر يآذيها
كان يتركها بالشقة لساعات طويلة جداً و لوحدها بالآيام بعد ما يقفل عليها بالمفتاح ... هي تحسبه يحبسها بس الواقع خايف عليها بعمارة كلها عزابية

رايح جاي على المحكمة و متابعة القضية و كمان يدور سلف ... في حياته كلها ما توقع انه بيوصل لتحت خط الفقر

و بلحظة وحده الكل عطاه ظهره ولا كأن جمايل يَـزيـد مغطيتهم ... اللي كان يشوفهم حسبه اخوان جحدوه بأول موقف احتاجهم فيه
و اعمامه جميع قطوا مصيبه اريَـاف براسه و انه هو اللي غرر فيها و كان مواعدها ... صدقوا كلام مُعـتز و جماعته عنه

و عيال عمه مَنـاف ... سَـعـد و حتى طَـلال ما قدر يكلمهم ... ما قدر لأنه خاف انه حتى هم يخذلونه او يورطهم معاه و يسحبهم لمستنقع فضيحته مع اريَـاف

الدنيا كلها كانت ضده و حتى حسابه في البنك انحجر مع املاكه بسبب المخالفات و الديون اللي تراكمت عليه من كل صوب و فوقها موكلينه من قضاياه السابقة اللي انسحبت منه يطالبونه بتعويضات و قضايا كثير انرفعت عليه و اخر شيء كسر ظهره كان القسط حق القرض اللي متسلفه من البنك ولا قدر يسدده

في لحظة انقفلت الدنيا بوجهه ... في لحظة لقى انه خسر كل شيء

سياراته اللي يعتبرها قطع من قلبه باعها كلها باللي فيها عشان يسدد فيها اللي عليه ولا كفت و كل تحويشه عمره من رواتبه في البنك انوخذت منه

اخر شيء توقعه هو ان حلم حياته ينهدم قدامه ... مكتب محاماته اللي شقى عمره عليه عشان يفتحه اضطر يغلقه رسمي و يعرضه للتقبيل او للبيع حتى باللي فيه

يَـزيـد لما يقول ان اريَـاف سلبت منه كل شيء في حياته فهو ما يبالغ ... هي فعلياً ما بقت شيء ما خسرته اياه
كله بس عشان مكاتيب غرامها و حبها الغبي له اللي تسبب بهالدمار كله ... ضاع كل شيء منه بسبتها

يَـزيـد خنقته دنياه لدرجة انه ما عرف يبكي ... وش سوى من ذنب بحياته عشان يتجازى بهالبشاعة ؟

اخر من سانده و آمن فيه و وثق كان صديق العمر عَبـد الرحمَـن ، اعطى يَـزيـد احدى بطاقاته البنكية الفرعية و فيها مبلغ متواضع عشان يصرف ويتصرف منها على نفسه
و حط بيده مفتاح وحده من سياراته بل حتى و انه تكلف و تعب عمره عشان يلقى ليَـزيـد عمارة سكنيه ايجارها رخيص عشان يبات فيها