رواية : و إن جابة الطاري بقول كان يهمني و مازال .

١١٥ +

استغفر الله و الله اكبر ولا اله الا الله ، سبحان الله و بحمده سبحان الله العظيم
—
جُمـانة - بعد يومين - بيت والدها سَـالم
على جوالها بالمطبخ و هي تسوي لها اكل و تكلم اريَـاف عن اخر مستجدات خطبة رِحـاب و اللي صار دام توهم الثنتين يفضون

جُمـانة لفت الكاميرا على وجهها و هي توصف لأريَـاف : واضح انه مدرس صدق حتى اول كلمة قالها " ترا محنا بقاعة اختبار " مصروع وربي بدال ما يهديها زاد توترها لو تشوفين تعابير رِحـاب و هي تقلده كلها اشمئزاز .
اريَـاف تقلبت على بطنها و هي تضحك بسريرها : لو منها بموت ضحك بس دكتور بالجامعة ما تلومينه اكيد اسلوبه بيكون جاف كذا هذاك تذكرين دكتوراتنا بالجامعة لو بس تبتسمين لها رسبتك .
جُمـانة قامت تخلط الاكل بصحنها و هي ترد : ايه بس يعني مفروض يفصل بين شغله و حياته على كذا بينفر البنت منه وش ذا الاسلوب لو منها رفضته فوق ان اهله شايفين انفسهم علينا و اخلاقه الزفت الا انه بعد حاط عينه على وحده من طالباته ودي انه استحى على نفسه .
اريَـاف قربت و رفعت يدها عند الكاميرا : حبيبتي لا تخافين على رِحـاب ما اقول الا مالت علي و عليك هذي اللي صدق فازت بالدنيا بتاخذ الشهادة و المعرس وجه واحد و انتِ اقعدي حشي باهله .

جُمـانة سكتت تفكر شوي : اي والله صادقه وشوله ترفض ، تعرس عليه و تضمن نجاحها دامه بيدفها بالدرجات و اذا قد الشهادة بيدها تسحب عليه .
اريَـاف ضحكت : يا اختي عليها حظ ما شاء الله شوفي العريس متى جاها بأكثر وقت هي تحتاجه ولا بعد مفصل على كيفها مو هي اللي دايم تقول ابي واحد مثقف و معه شهايد قد الدنيا ؟ .
جُمـانة تنهدت : الله ييسر يبنت اساساً ما قد ردوا خبر لاهل الولد اذا موافقين ولا لا بس الصدق اني خلاص تعبت من سالفة الزواجات تعبت من التجهيز ولا اقدر اقول شيء لأنها المناسبة الوحيدة اللي اقدر اتنفس فيها و اطلع من البيت حتى لو هي تعب .
اريَـاف سكتت لفترة قبل تكمل : ما بسوي زواج تطمني .
جُمـانة وقفت تاكل ثم بحيرة قامت تبرر : ايش ؟ لا والله مو قصدي ... انتظري وش فهمتي ؟ اريَـ... .
قاطعتها الثانية و هي تشرح : ادري حبوبي ، بس ما قلت لأحد للحين ... اساساً ما فيه شيء يسوى عشان اسوي حفلة زواج ولا تحسبين ان مُعـتز مقصر او ظروفه صعبة .
لفت الكاميرا توريها الهدايا اللي ملت الغرفة مع تجهيزات زواجها و كملت : بس المقصد اني ما ابيه يتخسر و يدفع و انا صدق هالشيء مو بخاطري ... اذا مرة بسوي حفلة مختصرة جداً في بيتنا بحضوركم انتوا و خالاتي بس و اهله ثم انزف على بيته و ابي اعجل بالزواج لي شهرين مِملكه و ابوي و عماني مسافرين باقي عيت تخلص ذا السفرة الغبية .
جُمـانة عضت على شفايفها : اي والله خلاص زودوها قدهم لازم يرجعون بس تطمني انا ابوي سمعته يكلم عمتي هِيلـة قايل لها انهم بالطريق و اذا طولوا فهذا بسبب انهم راجعين برّ بالسيارة مع سَـعـد اخوي دامهم قريب و ما يبون يستعجلون بالرجعة .