رواية : و إن جابة الطاري بقول كان يهمني و مازال .

١٥٤+

الله اكبر الله اكبر الله اكبر لا اله الا الله
—
يَـزيـد - بعد شهر - مبنى احدى الوزارات الحكومية - بدايات الصباح
انهى معظم معاملاته ... سدد بعض من اقساطه و ديونه بعد ما صدر حكم بصالحه في بعض قضاياه ضد مُعـتز و جماعته

اخذ حقه الخاص منهم ... و دفعهم على الاضرار المادية و النفسية و الجسدية
كذلك ما ترك اي تفصيلة ما اتهمهم فيها

طول هالمدة كان ساكت على جرأتهم الوقحة ... كان يبي يقاضيهم بعد ما يخلص من سالفة اريَـاف العويصة و قضيتها الخاصة

لكن بعد اخر جلسة محاكمة و كيف شاف يدينها الدامية و الضرب اللي جاها معاه حتى فقد اخر خلية صبر عنده و استعجل بقضاياه المرفوعة على امل ان اذاهم يخف ... مع انه كان يتمنى لو انه صبر اكثر عشان يجمع عليهم تُهم عديدة و ياخذ الفلوس منهم طرق عن خشومهم بعد الخساير اللي تسببوا فيها له

ابتدأ بوالد مُعـتز شخصياً ثم باقي اهله بزوجاتهم اللي ما رحموا اريَـاف و اقاربهم و شيوخ جماعتهم بعيالهم و احفادهم و كل شخص واطي استباح الاذى فيه هو و اريَـاف
ثم رجع على جيرانهم اللي كسروا سياراته و شوهوا سمعته و اللي اتلفوا مكتب محاماته حتى هم ما نسيهم و لأي شخص يَـزيـد تأذى منه بشكل مباشر او غير مباشر و الاكيد ان معظم هذي القضايا ما يقدر يحملها على كتفه لوحده ... عَبـد الرحـمَـن رفيقه العزيز تكفل فيها حتى يعطي المجال للثاني يتنفس فيه و يركز على المشكلة الاساسية

يَـزيـد ما ترك احد ابداً ابداً
خذاهم كلهم واحد ورا ثاني ... و اللي ما قدر يسدده فلوس سجنه و خلاه يبيع املاكه و يدفع له على الاقساط

و بالفلوس اللي جته منهم عدل حاله فيها و بقى الهَم الاكبر ... اريَـاف و قضيتها الخاصة لازم ينهيها عشان يسجن مُعـتز و ياخذ حقه منه دامه حتى هو اعتدى عليه بسلاح غير مرخص و هذي لحالها جريمة يعاقب عليها القانون

اليوم كان يوم مصيري بحت ... اليوم هو اليوم اللي بينطق فيه الحكم اخيراً بعد اربعة اشهر من المعاناة
طالما ان القضية طالت اكثر مما ينبغي ... و كل من ساهم في تعطيلها و استعمال الواسطة ما قدر

لا رشوة ولا انعدام الضمير و خيانة الامانة راح يكون لها مكان في محاكمة اليوم الأخيرة

تم تسليم جميع الادلة كاملة من غير نقصان و سماع شهادة شهود العيان و اخذ بالاعتبار رواية الطرفين

اليوم هي لحظة الحقيقة المنتظرة ... كلمة واحدة من ثغر القاضي راح يكون اثرها عجيب
اثر دائم لا يمكن ان يندثر ، اما براءة و اما ذنب مثبت

ركب يَـزيـد سيارته بعد ما انتهى من تجديد وثائقة الرسمية من احدى الوزارات التابعة للاحوال الشخصية ، توجه لشقته على موعده و اتفاقه مع اريَـاف في الرسالة النصية اللي ارسلها على جوالها من امس و هو يبلغها تتجهز للجلسة الآخيرة