رواية : و إن جابة الطاري بقول كان يهمني و مازال .

٨٨+

سبحان الله و بحمده سبحان الله العظيم
—
ليَـان - نفس اليوم - ما بعد فترة العشاء
سوت اظافرها بالصالون عبال ما جُمـانة رجعت لبيتها تلم اغراضها قبل سفر اهلها و قبل ما يقفلون البيت ... كلمت ابوها عن كلام اريَـاف و قال تم بيدبرون لهم طلعه قريب يخرجون فيها خلال هالاسبوع

خلصت و وقفت بتحاسب و كأنها تشوف المصروف زايد بشنطتها ... اكيد انه من مَنـاف و رِحـاب اخته اللي حطته و يحسبونها ما بتدري

هي عارفه ان مَنـاف يقدر يجيب حسابها البنكي لو يبي لكنه ما يبي يفسد متعتها بكل مرة ترمي عليه المصروف او حتى متعته في انه يشوف تعابير النفور على محياها و هو يذكرها بكل مرة انه مسؤول عنها حتى لو ما تبي ... بالنهاية ما عاده يهمها حتى لو ذلها على الفلوس بعدين دامها قاعده تدلع نفسها فيها و كل اسبوع بالصالون تروق فيه

صورت اظافرها قدام المراية ثم عدلت عبايتها و نفسها قبل تطلع لأن فَـاروق احتمال يفجر جوالها من كثر الاتصالات و انه تأخر على جُمـانة بس هو كذاب يبي يلحق مسلسله الهندي اللي حلقاته ما تنعرض الا باسوء الاوقات ... ركبت و هي تقول لفَـاروق ينتبه للطريق دام الحلقة ١٠٩ باقي على عرضها ساعة ماله داعي الاستعجال ذا كله

ارسلت لجُمـانة انهم قريب ثم حطت يدها على خدها و هي تطالع مع شباك السيارة و تنتظر ... دقايق بعد ما وقفت السيارة ثم نزل فَـاروق يحمل الاغراض و يساعد

ليَـان التفتت وراها مستغربه : جُمـانة ايش ذا ؟ اللي يشوفك يقول مهاجره وش هالعفش كله ! .
جُمـانة جلست بتشرب مويه و تاخذ انفاسها : خفت احتاج شيء ابوي كان يلمح انهم مطولين و انا خفت الصدق لأنه عيا يعطيني مفاتيح البيت يقولي اقعدي مع البنات ببيت جدكم عباله اني بسكن بالبيت لوحدي لا سافر هو و عمتي .
ليَـان زمت شفايفها : والله ما ينلام يبنت حيكم يخوف و الصدق اخاف تسوينها تتهاوشين مع احد من البنات و ترجعين البيت هنا لحالك ... خليك معنا .
جُمـانة تنهدت : فاضية انتِ عشان تفكرين اني اسويها ؟ ، عموماً ترا جبت كل شيء احتياط معي سواء ملابس ثقيلة او خفيفة عشان لو بنروح البحر مثلاً .
ليَـان لفت عليها و هي تشهق : امانة جد بنروح البحر ؟ تكفين من زمان عنه ابي اروح .
جُمـانة هزت راسها : مهوب اكيد انا بس اقول ، لا تنسين اعمامي معنا بعدين فكينا نروح البحر وش نسوي والله ان يخلونك بالعباية حتى سباحة ما يسوى عليك انا اقول يارب يحجزون لنا شالية او مخيم ابي اتنفس تعبت و انا من بيت للثاني .
ليَـان زمت شفايفها : صح صادقه ما تسوى علينا .

انهت كلامها و هي تطلع جوالها تقلب فيه لين يوصلون ... نص ساعة ثم دخلوا البيت مستغربين صحبات اريَـاف و رِحـاب باقي موجودين من العصر