Chapter 1074: ဂရုစိုက်တတ်သူ
လွန်ခဲ့သည့် နှစ်ပေါင်းသုံးဆယ်ကျော်ခန့်က ကျိယောင်သည် နတ်ဘုရားအလင်းဂိုဏ်းသို့ ဝင်ရန် ကြယ်ကြေလွင်ပြင်မှ ထွက်သွားခဲ့သည်။ နတ်ဘုရားအလင်းဂိုဏ်း၏ ခေါင်းဆောင်ကို သူမ ဆရာအဖြစ် လက်ခံခဲ့သည်။ ထိုအချိန်မှစပြီး သူမသည် အလင်းစွမ်းအင်အသိကို စွဲစွဲမြဲမြဲ ကျင့်ကြံခဲ့သည်။
နတ်ဘုရားအလင်းဂိုဏ်းသည် သရဲအရိပ်အကျဉ်းထောင်နယ်နိမိတ်အတွင်း၌ မတည်ရှိပါ။ သို့သော် သရဲအရိပ်အကျဉ်းထောင်နဲလည်း သိပ်မဝေးပေ။ အထူးသဖြင့် ဟင်းလင်းပြင်လမ်းကြောင်းများ စုဝေးနေသည့် ဟင်းလင်းပြင်ဗဟိုမဏ္ဍိုင် နဲ့ အလွန်နီးကပ်၏။ ဤနေရာသည် လျို့ဝှက်နက်နဲ၏။ နတ်ဘုရားအလင်းဂိုဏ်းသည် ဤနေရာကို ခဏခဏ ဖြတ်သွားဖြတ်လာလုပ်ကြသည်ဟုလည်း ကောလဟလ ထွက်ခဲ့သည်။
နတ်ဘုရားအလင်းဂိုဏ်း၏ ခေါင်းဆောင်သည် ကျိယောင်ကို တစ်ချိန်လုံး တံခါးပိတ်မကျင့်ကြံစေချင်ခဲ့ပါ။ ကျိယောင်အား ဟင်းလင်းပြင်ဗဟိုမဏ္ဍိုင်သို့ သူမ သွားခိုင်းခဲ့သည်။ သူမ ကံကောင်းပြီး ပြင်ပဟင်းလင်းပြင်နတ်ဘုရားအလင်း ထွက်ပေါ်ချိန်နှင့် ကြုံကြိုက်စေရန်နှင့် ထိုအလင်း၏ နက်နဲသော အဓိပ္ပါယ်ကို ဆုပ်ကိုင်နိုင်မည်လား ကြိုးစားကြည့်ရန် ဖြစ်သည်။ အကယ်၍ သူမက ဆုပ်ကိုင်နိုင်ခဲ့လျှင် သူမ၏ ကျင့်ကြံခြင်းအဆင့်က မြင့်မားသော တစ်နေရာသို့ ရောက်ရှိသွားမည်ဖြစ်သည်။
နတ်ဘုရားအလင်းဂိုဏ်း၏ အကြီးအကဲအချို့သည် ဟင်းလင်းပြင်အက်ကြောင်းများ ရှိနေသော ဤနေရာသို့ ကျိယောင်ကို ပို့ဆောင်ခဲ့ကြသည်။ သူမ အချိန်အကြာကြီး လှည့်လည်သွားလာနေခဲ့သော်လည်း ပြင်ပဟင်းလင်းပြင်နတ်ဘုရားအလင်းနှင့် မကြုံကြိုက်ခဲ့ပါ။ သို့သော် ဒေါသမီးလျှံကြယ်နယ်မြေနဲ့ ချိတ်ဆက်ထားသော ကျဉ်းမြောင်းသည့် ဟင်းလင်ပြင်အက်ကြောင်းကို သူမ ရှာတွေ့ခဲ့သည်။ နတ်ဘုရားအလင်းဂိုဏ်း သိုင်းပညာရှင်များ၏ ကူညီပေးမှုဖြင့် ထိုဟင်းလင်းပြင်လမ်းကြောင်းမှ ဖြတ်သွားကြပြီး ဒေါသမီးလျှံကြယ်နယ်မြေ၏ သေနေသော ကြယ်နယ်မြေတစ်ခုသို့ ရောက်သွားကြသည်။
