Chapter 1098: လုယူသူများ
ကောင်းကင်ကြီးသည် တဟုန်းဟုန်းထိုးတက်နေသောမီးလျှံများဖြင့် နီစွေးနေသည်။ လက်တစ်သောင်းတစ္ဆေကြိမ်ပင်မှ တဖျစ်ဖျစ်မြည်သံများ လျော့နည်းလာပြီး ရေခဲမျှင်အရေးအကြောင်းများ ပေါ်လွင်လာသည်။
လက်တစ်သောင်းတစ္ဆေကြိမ်ပင်တွင် နွယ်ပင်များ အများအပြားရှိသည်။ ၎င်းတို့သည် သန့်စင်ခံရပြီးနောက် များပြားသည့် အပြာရောင်ရေခဲမျှင်များအဖြစ် ပေါ်လာကြသည်။ ၎င်းတို့သည် ပြောင်လက်တောက်ပသည့် အပြာရောင်ပုံဆောင်ခဲထဲတွင် ရှိနေသာ ခံ့ညားထည်ဝါလှပသည့် ပိုးခြည်မျှင်များ ဖြစ်ကြသည်။ ၎င်းပိုးခြည်မျှင်များသည် ခပ်မှိန်မှိန် ဝိဉာဉ်စွမ်းအင်အတက်အကျကို သယ်ဆောင်ထားကြသည်။ ၎င်းတို့သည် ထူးခြားသော မူလအဆင့် ပစ္စည်းများဖြစ်ကြသည်။
ရှန်းယင်းယွီ၏ မျက်လုံးများ တောက်ပလာသည်။ သူမ မျက်နှာသည် ပျော်ရွှင်မှုနဲ့ ပြည့်နေ၏။ လက်တစ်သောင်းတစ္ဆေကြိမ်ပင်ကို ဆက်လက်လောင်ကျွမ်းစေရင်း မှန်ကူကွက်ပုံသဏ္ဍာန်သလင်းကျောက်များကို ထုတ်ယူလိုက်သည်။
မှန်ကူကွက်ပုံသဏ္ဍာန်သလင်းကျောက်သည် ရှည်လျားကျဉ်းမြောင်းသော မျက်လုံးတစ်စုံနဲ့ တူညီသည်။ ထိုအရာသည် သူမ လက်ထဲမှ ပျံထွက်သွားပြီး လက်တစ်သောင်းတစ္ဆေကြိမ်ပင်ဘက်သို့ ဆင်းကျနေသည်။
မှန်ကူကွက်ပုံသဏ္ဍာန်သလင်းကျောက်သည် တိတ်ဆိတ်စွာ ရွေ့လျားပြီး လက်တစ်သောင်းတစ္ဆေကြိမ်ပင်ကို ရစ်ယူလိုက်သည်။ ပိုးခြည်မျှင်များကို ရစ်လုံးဖြင့် ရစ်ယူတွယ်ဆက်နေသကဲ့သို့ဖြစ်သည်။
ထိုရိပ်သိမ်းရယူနေမှုကိုကြည့်ရင်း ရှန်းယင်းယွီ၏ လှပသော မျက်လုံးများသည် ဝမ်းမြောက်ပျော်ရွှင်မှုများနဲ့ ပြည့်နှက်နေသည်။ သူမကိုယ်သူမ ပြန်ထိန်းလိုက်ပြီး လက်ကျန်နွယ်ပင်များကို ဆက်လက်မီးရှို့ရန် လုပ်လိုက်သည်။
ရှီယန် အချိန်မရွေး ပြန်ရောက်လာနိုင်သည်ကို သိသဖြင့် တဖက်သား၏ လျှပ်တပျက်တိုက်ခိုက်မှုကို ရှောင်ရှားနိုင်ရန် ကြိမ်ပင်အား အလျင်အမြန် သန့်စင်ချင်နေသည်။
