Chapter 1093: လက်တစ်သောင်းတစ္ဆေကြိမ်ပင်
ဆူးများစွာ ပါရှိသော သံဆူးကြိုးပမာ ကြိမ်ပင်များသည် ကောင်းကင်ထက်၌ လျှပ်စီးလက်သလို ယိမ်းနွဲ့လှုပ်ရှားနေကြသည်။ ပတ်ဝန်းကျင်ရှိ အရာ၀တ္ထုအများအပြားကို ရိုက်ခတ်ချေမွဖျက်ဆီးကုန်ကြ၏။
မိစ္ဆာကြိမ်ပင်များသည် သေးငယ်သော တောင်တန်းတစ်ခုပမာ ဖြစ်နေကြပြီး ခိုင်ခံ့သည့် နွယ်ပင်များ များစွာပါရှိသည်။ ၎င်းတို့သည် မတူညီသော စွမ်းအားများ၏ တိုက်ခိုက်မှုကို အကြိမ်ကြိမ်ခုခံနိုင်လောက်သည်အထိ မာကြောခိုင်ခံ့ဟန်ပေါ်သည်။ မိန်းကလေး အသုံးပြုသော လျှပ်စီးများက ၎င်းတို့ကို သိပ်မဖျက်ဆီးနိုင်ပါ။
ထိုနွယ်ပင်များ လေထဲတွင် ယိမ်းနွဲ့လှုပ်ရှားကြသောအခါ သူမ သွားလို့ရမည့် လမ်းကြောင်းကို ကျဉ်းမြောင်းသွားစေသည်။ တဖြည်းဖြည်းနဲ့ သူမ ရှောင်တိမ်းစရာ နေရာမရှိတော့ပါ။
နွယ်ပင်များတွင် စူးရှချွန်ထက်သော ဆူးချွန်များ အများအပြားရှိသည်။ ၎င်းတို့က သူမ အနားမှ ဖြတ်သွားကြသောအခါ သူမ၏ ခန္ဓာကိုယ်ကို လွင့်ပါသွားစေနိုင်သည့် ပြင်းထန်သည့် လေကို ခေါ်ဆောင်လာသဖြင့် သူမ ခိုက်ခိုက်တုန်လျှက်ရှိသည်။ ထိုကြိမ်ပင်များက ထူးခြားသော ပစ္စည်းအချို့ဖြင့် ချုပ်ထားသည့် သူမ၏ အပြာရောင်ဝတ်ရုံကို ရိုက်ခတ်ငြိတွယ်ကြသည်။
သူမ၏ အပြာရောင်ဝတ်ရုံရှည် ဆုတ်ဖြဲခံရပြီး သူမ၏ နူးညံ့၍ ဖြူဝင်းသော အသားအရေများ ထွက်ပေါ်လာသည်။
သူမ ပိုပြီး စိုးရိမ်ထိတ်လန့်လာပြီး သူမ အသက်ရှူနှုန်းများလည်း မညီမညာဖြစ်လာသည်။ သူမ၏ ဝိဉာဉ်ယဇ်ပလ္လင်သည် ယောက်ရက်ခတ်သွားသည်။ သူမ၏ လျှပ်စီး နဲ့ ရေခဲစွမ်းအင်အသိတို့၏ မကိုက်ညီမှု ထွက်ပေါ်လာသဖြင့် သူမ၏ တိုက်ခိုက်မှုစွမ်းအားကို လျော့ကျသွားစေသည်။
ပုံမှန်အားဖြင့် မတူညီသော စွမ်းအင်အသိကို ကျင့်ကြံသည့် သိုင်းသမားများသည် သူတို့၏ စွမ်းအားများကို တစ်ခုနဲ့တစ်ခု ထောက်ပံ့ကူညီရန် အသုံးပြုနိုင်ကြသည်။ သို့မဟုတ် ထူးခြားသော နည်းလမ်းတစ်ခုဖြင့် သူတို့၏ စွမ်းအားများကို တစ်ခုတည်းအဖြစ် ပေါင်းစည်းနိုင်ကြသည်။ ထိုသို့ လုပ်ရခြင်းမှာ သူတို့၏ စွမ်းအားများကို ပိုမြင့်သည့် အဆင့်အထိ တက်သွားစေရန်ဖြစ်သည်။ မည်သို့ပင်ဖြစ်စေ ကွဲပြားသည့် အခြေအနေများလည်း ရှိနေသေး၏။
