Chapter 1134: ကြီးလေးစွာ တာ၀န်ယူခြင်း
ရှီယန် မတ်တပ်ထရပ်လိုက်သည်။ ခေါင်းမော့၍ ဘာမှမရှိသည့် မိုးကုတ်စက်ဝိုင်းကြီးကို ကြည့်ပြီး မျက်လုံးမှိတ်၍ ခဏအာရုံခံလိုက်သည်။ အသက်ပြင်းပြင်းရှူထုတ်ပြီးမှ မော့ဖူ ၊ ရှန်းယင်းယွီ နဲ့ တခြားသူများ စုစည်းသည့် နေရာသို့ သွားလိုက်သည်။
ပိုင်ဟောက်တို့အဖွဲ့၏ ကီအနှစ်သာရများကို စစ်ထုတ်သန့်စင်ပြီးဖြစ်သည်။ ထိုအရာအားလုံးကို သူ့ရှေးဟောင်းသစ်ပင်သို့ သွန်းထည့်ထားသည်။ ထိုကဲ့သို့သော စွမ်းအားမျိုးကို သန့်စင်ပြီးနောက် ၎င်းက သူ့အတွက် အကျိုးအမြတ်အများကြီး ရစေနိုင်သည်။ သို့သော် လွတ်မြောက်နတ်ဘုရား ဒုတိယအဆင့် အထွတ်အထိပ်သို့ ရောက်နိုင်အောင်ထိ သူ့ရှေးဟောင်းသစ်ပင်ကို ဖြည့်ပေးရန် မလုံလောက်ခဲ့ပါ။
ကျင့်ကြံခြင်းအဆင့်အသစ်သို့ ရောက်ပြီးနောက် ထိုအဆင့်က စွမ်းအားပမာဏ နှစ်ဆ နဲ့ သူ့ကျင့်ကြံခြင်းအဆင့်ကို နှစ်ဆပိုပြီး နားလည်ဖို့ လိုအပ်ကြောင်း သူ တွေ့ရှိသဘောပေါက်သွားသည်။
ပိုင်ဟောက်တို့အဖွဲ့ နှင့် အန်ဒို တို့၏ ကီအနှစ်သာရများကို စစ်ထုတ်သန့်စင်ပြီးနောက် ဆယ်ပုံတစ်ပုံပင် မကျန်ခဲ့ပါ။ ဤသန့်စင်ခြင်းလုပ်ငန်း၏ ဆုံးရှုံးမှုသည် အလွန်အံ့အားသင့်ဖွယ်ရာပင်။ ရရှိသည့် ထိုပမာဏက သူ့ကို လွတ်မြောက်နတ်ဘုရား ဒုတိယအဆင့် အထွတ်အထိပ်သို့ ရောက်အောင် မလုပ်ပေးနိုင်ပါ။
တစ်ဟုန်ထိုးပြေးနေရင်း ရှီယန် မျက်နှာထားသည် လေးလံဖိစီးပြီး သူ့မျက်ခုံးများကို ကြုတ်ထားသည်။
ဟိုင် ဟု ခေါ်သည့် နတ်ဘုရားကလန်ဝင်က သူ့ကို အန္တရာယ်ရောက်လာတော့မယ့်ပမာ ခံစားရစေသည်။ သူကဲ့သို့ ထိုလူသည်လည်း ဤရှေးဟောင်းကုန်းမြေ၌ ကန့်သတ်မခံရပါ။ သူသည်လည်း ဤဂြိုဟ်ပေါ်ရှိ သိပ်သည်းသည့် မြေကြီးနဲ့ကောင်းကင်စွမ်းအင်ကို အသုံးပြုနိုင်သည်။ ထို့အပြင် သူသည် ရှီယန်ထက် ကျင့်ကြံခြင်းအဆင့်တစ်ဆင့် ပိုမြင့်သည်။ သူသည် လွတ်မြောက်နတ်ဘုရား တတိယအဆင့် အထွတ်အထိပ်ကို ရောက်နေသည်။
