I just Wanna be Hero not Heroine

V2 Chapter 7

ငါက သူရဲကောင်းဖြစ်ချင်ရုံပါ
V2 Chapter 7 - လာနောက်နေကြတာလားဟင်

ဖရာလီတာ ပန်ဒရာဂွန်ဟာ မက်ဒါနာလိုပဲ နည်းပညာမြူတန့်တစ်ယောက်ပါ။ သူ့မှာTechnotelekinesis မရှိပေမဲ့ တစ်မြို့လုံးက CCTV တွေကို အသုံးပြုဖို့အတွက် အထူးနည်းလမ်းတွေအများကြီးရှိတယ်။

ပြီးတော့ SilverKnightဟာ ကွင်းစ်မြို့ခံဟီးရိုးဖြစ်မှန်း လူတိုင်းသိကြပါတယ်။ ဒါကြောင့် နယူးယောက်မြို့နယ်တစ်ခုလုံးကို စစ်ဆေးဖို့မလိုအပ်ခဲ့ဘဲ ကွင်းစ်မြို့ကိုသာ စစ်ဆေးဖို့လိုအပ်ခဲ့တယ်။

နံနက်ဆယ်နာရီလေးဆယ့်ငါးမိနစ်အချိန်မှာတော့ မျက်နှာဖုံးတပ်ထားတဲ့ ဦးလေးကြီးအယ်လိုဟင်ကို ဆွဲခေါ်ပြီးတော့ Archmegaဟာ ကွင်းစ်မြို့ဆီကို ပျံသန်းလာခဲ့ပါပြီ။ သတင်းထောက် ရဟတ်ယာဥ်တစ်စင်း သူတို့နောက်ကိုလိုက်လာခဲ့ပေမဲ့ တိုက်တာတွေကြားထဲ ကွေ့ပတ်မောင်းနှင်ပြီး ခြေရာဖျောက်သွားတဲ့အတွက် ဆက်မလိုက်နိုင်တော့ပါဘူး။

ကွင်းစ်မြို့အဝင်ဝက တိုက်တစ်ခုဘေးမှာရပ်ထားတဲ့ ​​ဘန်ဒလေတံဆိပ် ဂန္တဝင်ကားအနက်လေးတစ်စီးကိုတော့ ဘယ်သူမှသတိမထားမိခဲ့ဘူး။

ကားနောက်ခန်းမှာထိုင်နေတဲ့ ဖရာလီတာကတော့ Tabletတစ်လုံးကို လက်ထဲမှာကိုင်ထားရင်း ဒေါသတွေ အလိပ်လိုက်ထွက်နေပါတယ်။ သူ့ကိုခြေရာခံလို့ မရစေဖို့အတွက် Archmegaဝတ်စုံထဲကနေ ကွင်းစ်မြို့အဝင်ဝမှာထွက်၊ ကားထဲဝင်ပြီး ဝတ်စုံကြီးကို မောင်းသူမဲ့စနစ်နဲ့ တခြားနေရာပျံသွားခိုင်းတာဟာ သူလုပ်နေကျအလုပ်ပါ။ လောလောဆယ်တော့ Archmegaဟာ ကွင်းစ်မြို့ကိုကျော်သွားပြီး တခြားတစ်နေရာဆီ ထွက်ခွာသွားပါပြီ။ ဒါကြောင့် စစ်တပ်သုံးရေဒါတွေက သူ့ကိုထောက်လှမ်းမိခဲ့ရင်တောင်မှ ဒီလိုလီလေးကို သံသယဝင်စရာမရှိတော့ဘူး။

"သောက်ရူး...SilverKnight၊ နင့်ကိုငါရအောင်ရှာမယ်။"

ဖရာလီတာဟာ ဒေါသထွက်ထွက်နဲ့ လက်သီးကိုဆုပ်ထားတဲ့အတွက် လက်သီးဆုပ်သေးသေးလေးဟာ သွေးနီရောင်သန်းနေတယ်။ ဒရိုက်ဘာခုံမှာ ဒရိုက်ဘာဦးထုပ်ဆောင်းထားပြီး ကားဆီရာတိုင်ပေါ်လက်တင်ထားတဲ့ အယ်လိုဟင်ကတော့ ကလေးမလေးကို ကားမှန်ကနေ လှမ်းကြည့်ရင်းပြောလိုက်တယ်။