ငါက သူရဲကောင်းဖြစ်ချင်ရုံပါ
V2 Chapter 8 - Archmega ရှုံးပြီ
"ငါက တကယ် Archmegaပါဆို။"
"နင်က Archmegaဆိုရင် ငါက MetalPaladin တောင်ဖြစ်နေလောက်ပြီ။"
ဒီရွှေရောင်ဆံပင်နဲ့ အရုပ်မလေးလိုလှတဲ့ မိန်းမငယ်လေးက သူ့ကိုယ်သူ Archmegaအဖြစ် လာပြောနေတာကို မက်ဒါနာအနေနဲ့ ဘယ်လိုလုပ်ယုံမှာလဲ။ အေမီဖျော်ပေးတဲ့ သကြားညိုကိုသောက်ရင်း လေသံနုနုနဲ့ ပြန်အော်ပြောလိုက်တယ်။
Archmegaက အရပ်ရှစ်ပေလောက်ရှိတဲ့ စက်ရုပ်ကြီးပါ။ ဒါကြောင့် မက်ဒါနာလည်း အထဲကပိုင်းလော့က The Rockလိုမျိုး တောင့်တောင့်ဖြောင့်ဖြောင့် ဦးလေးကြီးလို့ ထင်ထားတာပါ။ အခုလိုမျိုး အရပ်ငါးပေတောင် ပြည့်လားမပြည့်လားမသေချာတဲ့ လိုလီအရုပ်မလေး ဘယ်လိုလုပ်ဖြစ်နိုင်မှာလဲ။
မက်ဒါနာက ယုံပုံမပေါ်တော့ ဖရာလီတာလည်း သူ့လက်မှာပတ်ထားတဲ့ Watchclockကိုနှိပ်လိုက်တယ်။ ခဏကြာတော့ ဂျက်အင်ဂျင်သံနဲ့အတူ Archmegaစက်ရုပ်ကြီးက မက်ဒါနာရဲ့ကွန်တိန်နာအိမ်ခေါင်မိုးကို ဖျက်ဆီးပြီးဝင်ချလာတယ်။ ပြောရရင် လိုလီလေးခေါ်လိုက်လို့ Autopilot modeဝင်ပြီး အဝေးကနေ ချက်ချင်းရောက်လာပါ။
အဲဒီဖြစ်ရပ်က အကြီးကြီးဖြစ်ပြီး လူတော်တော်များများ မြင်လိုက်တာကြောင့် ကွန်တိန်နာအိမ်ရာရှိနေတဲ့ လမ်းထဲမှာ ရုတ်ရုတ်သဲသဲဖြစ်ကုန်ပါတော့တယ်။
"နင်ယုံပြီလား...၊ ငါက Archmegaပဲ။ SilverKnightကို ခေါ်ထုတ်ပေး၊ သူနဲ့စာရင်းရှင်းစရာရှိတယ်။"
Archmegaကြီးက လိုလီလေးစကားဆုံးတာနဲ့ စစ်သည်တော်တစ်ယောက်လိုမျိုး ဒူးထောက်ပြီးတော့ ထိုင်ချလိုက်တယ်။ အဲဒီနောက် ရင်ဘတ်ကနေ တံခါးတစ်ချပ်ပွင့်လာပြီး အတွင်းပိုင်းက ပိုင်းလော့ခန်းကို မြင်လိုက်ရလေရဲ့။ တကယ်ပါ၊ ပိုင်းလော့နေရာက ဖရာလီတာလိုကောင်မလေးတစ်ယောက် ကျဥ်းကျဥ်းကျပ်ကျပ် ဝင်ထိုင်ဖို့အတွက်အနေတော်ပဲ။ ထိုင်ခုံလိုသုံးလို့ရမယ့် ဘာတန်းသေးသေးလေးရယ်၊ လက်တွေချေတွေကို ထိန်းချုပ်လို့ရမယ့် လီဗာတချို့ရယ်ကို အတွင်းထဲမှာ နေရာချထားတယ်။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
