ငါက သူရဲကောင်းဖြစ်ချင်ရုံပါ
V3 Chapter 35 - ဟီးရိုးတွေက ရေနွေးအိုးထဲက ဖားတွေ
CIA မြူတန့်ဌာနစိတ်ကပါဆိုတဲ့နှစ်ယောက်က ရုပ်ရှင်ထဲကလိုပဲ အနက်ရောင်နေကာမျက်မှန်ကို စတိုင်ကျကျတပ်ထားပြီး အနောက်တိုင်းဝတ်စုံဆင်တူနဲ့။ သူတို့နောက်မှာတော့ မက်တယ်ပလာဒင်ချပ်ဝတ်ဝတ်ထားတဲ့ တစ်ဒါဇင်ကျော်သော အထူးတပ်ဖွဲ့ကြီးရပ်နေတယ်။
ဒါ့အပြင် အမေရိကန်ရဲ့စစ်သုံးစက်ရုပ်ကြီးတွေဖြစ်တဲ့ ဂျပ်ဖာဆင် အိုဖိုးနှစ်ရုပ်လည်းပါတယ်။ ဒီစက်ရုပ်တွေက နည်းနည်းခေတ်နောက်ကျနေပြီး အမြောက်တွေသေနတ်တွေတပ်ပေးထားတဲ့ ဘော့စတွန်စက်ရုပ်တွေနဲ့ဆင်တယ်။ လူနှစ်ရပ်လောက်မြင့်ပေမဲ့ လေးလံပြီး ခုခေတ်မှာတကယ်အသုံးမဝင်ဘူး။ နည်းနည်းတော့ လူအထင်ကြီးခံရတာပေါ့။
တိုကျိုအစည်းအရုံးခေါင်းဆောင်ဖြစ်တဲ့ ဥစာကီကတော့ သူတို့အထောက်အထားပြလက်မှတ်တွေအကုန်လုံးကို စစ်ဆေးကြည့်ပြီး မှန်ကန်ကြောင်းခေါင်းညိတ်ပြပေမဲ့ သိပ်တော့ယုံသေးပုံမပေါ်ဘူး။
"ဒါနဲ့၊ ရှင်တို့ရောက်နေတာက ဂျပန်မြေပေါ်မှာနော်။ အခုလိုစစ်ဆင်ရေးကြီးတစ်ခုမှာဝင်ပါဖို့ အစိုးရခွင့်ပြုချက်ရပြီလား။"
အေးဂျင့်ကာတာဆိုတဲ့လူက ဂျပန်ဝန်ကြီးဌာနတံဆိပ်ပါတဲ့ နောက်စာရွက်တစ်ခုကိုထိုးပေးလိုက်တယ်။ ဝန်ကြီးချုပ်ဆီက ခွင့်ပြုလက်မှတ်ပါ။ ဒါကိုမြင်တော့ ဥစာကီလည်း သက်ပြင်းချလိုက်ရပါပြီ။ ကြည့်ရတာ ဒီအရှုပ်ထုတ်တွေကို သူတို့လုပ်ငန်းစဉ်မှာ ဝင်ပါခွင့်ပြုရဦးမယ်ထင်တယ်။
ပထမတော့ မက်ဒါနာတို့တွေက သူတို့ဘာသာတို့ ဌာနကားတွေစီးပြီး စမ်းသပ်ခန်းရှာတွေ့ထားတဲ့နေရာကို တိုက်ရိုက်သွားတော့မလို့ပဲ ဒါပေမဲ့ခေါင်းဆောင်အေးဂျင့်ဖြစ်ပုံပေါ်တဲ့ အေးဂျင့်ကာတာက ငွေရောင်စစ်သည်တော်ချပ်ဝတ်ဝတ်ထားပြီးပြီဖြစ်တဲ့ မက်ဒါနာရှေ့ကိုရောက်လာပြီး လိပ်စာကတ်ကမ်းပေးလိုက်တယ်။
"ခင်ဗျားက နယူးယောက်ရဲ့နာမည်ကြီး SilverKnightမဟုတ်လား။ ကြည့်ရတာ ကမ္ဘာပတ်စွန့်စားရင်း ဂျပန်ကိုပါရောက်လာတဲ့ပုံပဲ။"
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
