ငါက သူရဲကောင်းဖြစ်ချင်ရုံပါ
V2 Chapter 30 - Tempest Siren
နယူးယောက်၊ မက်ဟန်တန်အောက်ပိုင်းရှိ တရုတ်တန်းတစ်နေရာ။
အစိမ်းရောင်ဟော်ဒီလက်ရှည်ကိုဝတ်ထားတဲ့ဖားလေးက B rank ဟီးရိုးဟယ်ရီနောက်က လိုက်လာတယ်။ ဟယ်ရီကတော့ ခါတိုင်းလိုပဲ အနက်ရောင်ဂျာကင်ရှည်ကို ဝတ်ဆင်ထားပေမဲ့ ထူးခြားချက်တစ်ခုအနေနဲ့ သူနဲ့အတူလက်ဆွဲသေတ္တာအနက်ကလေးကို ယူလာတယ်။ မသိရင် သူတို့နှစ်ယောက်က တရားမဝင်ကုန်သွယ်တော့မယ့် ဂိုဏ်းစတားတွေနဲ့တောင် တူနေသေးတယ်။
"ဆာ... ကျွန်တော်တို့အခုဘာလုပ်ကြမှာလဲ။" သူတို့ဆေးရုံကနေ ထွက်လာတော့ မနက်မိုးလင်းနေပြီ။ ဟယ်ရီက ဖားလေးကိုခေါ်ပြီး သူ့တိုက်ခန်းကို အရင်ပြန်သွားပြီး အရေးကြီးပုံရတဲ့ ဒီလက်ဆွဲသေတ္တာလေးကို ယူလာတာပါ။
လီမိသားစု လက်နက်အရောင်းဆိုင်ရှေ့ကိုရောက်တော့ ဟယ်ရီက ဖားလေးကိုအချက်ပြလိုက်ပြီး ဝင်လိုက်တယ်။ အတွင်းထဲမှာ Tuxedo ဝတ်ထားတဲ့ အမျိုးသားတစ်ယောက်နဲ့အမျိုးသမီးတစ်ယောက်က စမတ်ကျကျရပ်နေကြပြီး ကောင်တာတစ်ခုစီကို တာဝန်ယူထားကြတယ်။
"လီမိသားစု လက်နက်အရောင်းဆိုင်ကနေ ကြိုဆိုပါတယ်။ ဖောက်သည်တစ်ယောက်ချင်းစီအတွက် အကောင်းဆုံးဝန်ဆောင်မှုပေးနေပါတယ်။ တစ်ခုခုများ လိုအပ်ပါသလားရှင်။"
ဖားလေးကတော့ မျက်လုံးကို အပေါ်လှန်ကြည့်လိုက်ပြီး ဟယ်ရီကိုပြောလိုက်တယ်။ "ကောင်းရော၊ ခင်ဗျားက ၁၈နှစ်မပြည့်သေးတဲ့ လူငယ်တစ်ယောက်ကို လက်နက်ဆိုင်ထဲခေါ်လာတာလား။ ကျောင်းတွင်းအကြမ်းဖက်မှုဖြစ်ရင် ခင်ဗျားကြံရာပါနော်။"
အမေရိကန်ရဲ့ကျောင်းတွင်းအကြမ်းဖက်မှုစံချိန်က နှစ်များစွာကြာပြီးတာတောင် မြင့်မားလျက်ရှိနေဆဲပါ။ Mad doctor နယူးယောက်ကိုဝင်တိုက်တုန်းက အထက်တန်းကျောင်းလေးတစ်ခုမှာ အုပ်စုလိုက်သတ်ပွဲကြီး ဖြစ်ခဲ့သေးတယ်လေ။ အစကနေအဆုံးအထိ ဟယ်ရီက ဖားလေးကို စကားတစ်ခွန်းပဲပြန်ပြောခဲ့တယ်။
"ငါတို့ အမဲလိုက်ကြမလို့လေ။"
ဟယ်ရီက လီဖေးဖေးရပ်နေတဲ့ ကောင်တာဆီကိုသွားပြီး ရှေ့မှာရပ်လိုက်တော့ လီဖေးဖေးက ကျွမ်းကျင်သူဆန်ဆန် ပြုံးပြပြီး မေးလိုက်တယ်။ ဟယ်ရီကတော့ သူ့အိတ်ထဲကနေ အနက်ရောင်နဲ့ငွေရောင် စပ်ထားတဲ့ အိုင်ဒီကတ်လေးတစ်ခုကို ထုတ်ပေးတယ်။ ဟီးရိုးမှတ်ပုံတင်ကတ်ပါ။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
