ငါက သူရဲကောင်းဖြစ်ချင်ရုံပါ
V2 Chapter 39 - Dejavu
ဟယ်ရီက အရိုးမျက်နှာကို ထိန်းဖို့အတွက် တတ်နိုင်သမျှ အကောင်းဆုံးကြိုးစားတယ်။ သူ့အနားမှာ အက်တမ်မှုန်တွေ ဝန်းရံလာပြီး အမြောက်ဆန်တွေအဖြစ်ကို ချက်ချင်းဖွဲ့စည်းလိုက်တယ်။
လွန်ခဲ့တဲ့ လအနည်းငယ်က သူဖရက်ကို ဒီအကွက်နဲ့ အနိုင်ယူခဲ့ဖူးပေမဲ့ ဒီတစ်ခါကတော့ သေရေးရှင်ရေး ဖြစ်တဲ့အတွက်ကြောင့် အရင်ကထက် အများကြီးပိုအစွမ်းထက်နေတယ်။
အမြောက်ဆန်တွေက တစ်ခုပြီးတစ်ခု အရိုးမျက်နှာဆီ ပြေးဝင်သွားတယ်။ အရိုးမျက်နှာကို အက်တမ်လုံးတွေက ဆက်တိုက်ထိမှန်နေပေမဲ့ သူ့ရဲ့သန်မာလှတဲ့ အရိုးတွေက သူ့ကိုကာကွယ်ပေးထားပါတယ်။
နောက်ဆုံးတော့ အရိုးမျက်နှာက ဟယ်ရီနားကို ကပ်လာနိုင်ပြီး ဟယ်ရီရဲ့ခေါင်းကို သူ့လက်နဲ့ဖမ်းဆုပ်လိုက်တယ်။
"ပွဲပြီးပြီးဟယ်ရီ၊ မင်းမိန်းမနဲ့ကလေးကို တမလွန်မှာ သွားတွေ့သင့်ပြီ။" အရိုးမျက်နှာက အရိုးဓားနဲ့ ဟယ်ရီရဲ့လည်ပင်းကို ထိုးပြီးခေါင်းထဲက ဦးနောက်ကို ဖျက်ဆီးဖို့ စလုပ်တယ်။ ဒါပေမဲ့ အဝါရောင် အလင်းတန်းတစ်ခုက ဟယ်ရီကို အရိုးမျက်နှာလက်ထဲက ဖမ်းဆွဲထုတ်လိုက်တယ်။
အရိုးမျက်နှာ: "....."
ဖားလေးကတော့ သူ့ကိုဆွဲထုတ်သွားတဲ့ လူကိုကြည့်လိုက်တယ်။ သူအခု ဖားအပြည့်ပြောင်းထားတဲ့ ဖားလေးရဲ့ပါးစပ်ထဲမှာ ကိုက်ချီခံထားရတာ။
"ဖားလေး၊ မင်းကိုငါ ထွက်ပြေးခိုင်းထားတာမဟုတ်ဘူးလား။"
ဖားလေးကလည်း ဗလုံးဗထွးနဲ့ ပြန်ဖြေပါတယ်။ "ခင်ဗျားက စေမရိုဖြစ်နေတာရေ၊ ထားသွားစရာရား။" နောက်တော့ ဟယ်ရီကိုယ်တိုင်လည်း ဖားလေး ထူးခြားနေမှန်း သတိထားမိသွားတယ်။ အခုပုံစံက ဖားလေးရဲ့လေးလံနှေးကွေးတဲ့ ဖားပြုတ်ပုံစံ မဟုတ်ပါဘူး။
ပိန်းပါးတဲ့ Slim Body ဖားလေးပါ။ အဝါရောင်ခန္ဓာကိုယ်ပေါ်မှာ အနက်ကျားပါပြီးတော့ ဘော်နီယို ယင်စားဖားမျိုးစိတ်ဆိုတာ အင်မတန်သိသာနေတယ်။ ပြီးတော့ ပုံစံပြောင်းထားရင်းနဲ့ကို စကားပြောနေသေးတာ။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
