ငါက သူရဲကောင်းဖြစ်ချင်ရုံပါ
V4 Chapter 30 - နိုင်ငံရေး
အမေရိကန် အိမ်ဖြူတော်ရှေ့တွင် လူအများစုဝေးနေကြသည်။
သေချာကြည့်မည်ဆိုပါက အုပ်စုနှစ်စုကွဲနေကြပြီး တစ်အုပ်စုက အသစ်ပြဌာန်းလိုက်သည့် မြူတန့်ဥပဒေအပေါ် ဆန့်ကျင်နေကြသူများဖြစ်ပြီး အခြားတစ်အုပ်စုကတော့ ဥပဒေသစ်အပေါ် ကြိုဆိုနေကြသူများဖြစ်၏။
တစ်ဖွဲ့က 'အမေရိကန်ပြည်သူများအပေါ် တရားမဝင် ထောက်လှမ်းမှုပြုလုပ်မည့်အစီအစဥ် ချက်ချင်းဖျက်။' 'ဥပဒေသစ်က ကိုယ်ရေးအချက်အလက် လွတ်လပ်ခွင့်ကို ချိုးဖောက်နေ' 'အမေရိကန်က ဖက်ဆစ်တွေအတွက် နေရာမဟုတ်' စသည့်ဆိုင်းဘုတ်များကို ကိုင်ဆောင်ထားပြီး အခြားတစ်ဖွဲ့ကတော့ 'လွတ်လပ်ခွင့်ဆိုတာ လူသားတွေအတွက်' 'မီတာတွေက လူသားမဟုတ်ဘူး။' စသည်ဖြင့် ဆန္ဒပြနေကြခြင်းဖြစ်ကာ ဆူပူမှုများဖြစ်မလာစေရန် ရဲတပ်ဖွဲ့က နှစ်ဖွဲ့လုံး၏အလယ်တွင် နေရာယူထားရသည်။
...
အိမ်ဖြူတော် ပြောခွင့်ရရုံးတွင်တော့ ဂျာနယ်လစ်အများအပြားမှာ ခန်းမအတွင်း နေရာယူထားကြပြီဖြစ်ပြီး ထိုလူအုပ်အတွင်းတွင် သတင်းထောက်ပြန်လုပ်နေပြီဖြစ်သည့် မာဂရပ်လည်းပါသည်။
မာဂရပ်ကို ယခုအခါတွင် နိုင်ငံ၏ဂျာနယ်လစ်များအနက် ထက်မြက်သည့်အမျိုးသမီးဂျာနယ်လစ်တစ်ဦးအဖြစ် ယူဆနိုင်ပြီး Foxမှအလုပ်ဖြုတ်လိုက်သည့်တိုင်အောင် အခြားသတင်းဌာနများစွာက သူ့အားလိုချင်နေကြဆဲဖြစ်ပေသည်။ ယာကူဇာများနှင့်ပတ်သက်သောသတင်းကို တော်ရုံဂျာနယ်လစ်များမှာ အသက်စွန့်ပြီး မလိုက်ရဲကြသဖြင့် သတ္တိကောင်းသော ထိုမိန်းကလေးကို လေးစားကြသည့်သတင်းဌာနများ ရှိနေသည်မှာ ပုံမှန်ပင်ဖြစ်ပေသည်။
သို့သော်လည်း ယခုအထိ လေဒီဘတ်တာဖလိုင်းမှာ မာဂရပ်ဖြစ်ကြောင်း ပြည်သူအများမသိကြသေးပေ။
မာဂရပ်က သူမေးရမည့်အလှည့်သို့ရောက်လာပြီဖြစ်သဖြင့် လက်ထောင်ပြီး အိမ်ဖြူတော်ပြောခွင့်ရ ပုဂ္ဂိုလ်ကို မေးခွန်းထုတ်လိုက်သည်။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
