I just Wanna be Hero not Heroine

Season 2 ထွက်ရှိကြောင်း ကြေညာခြင်း

မက်ဒါနာ Season 2 စတင်နေပါပြီခင်ဗျ။ ကျွန်တော့်အကောင့် Profile ထဲကိုဝင်ပြီး I just wanna be hero not heroine Season 2 ဆိုတာလေးမှာ ဝင်ဖတ်လို့ရပါတယ်။

Season 2 မိတ်ဆက်

မက်ဒါနာ Season 2 စတင်ပါပြီ။

Season 2 ဖြစ်လို့ Season 1 ဖတ်ထားပြီးမှ ဖတ်လို့ရပါမယ်။

S1ရဲ့အဆုံးသတ်မှာ မက်ဒါနာဒဏ်ရာအပြင်းအထန်ရပြီး ကိုမာဝင်သွားတာနဲ့ အဆုံးသတ်ထားခဲ့ပါတယ်။

မက်ဒါနာရဲ့အချိန်တွေက ရပ်တန့်သွားပေမဲ့ လောကကြီးကတော့ ဆက်သွားနေဆဲပါ။ မြူတန့်သိပ္ပံပျက်စီးသွားပေမဲ့ ဗီလိန်အဖွဲ့အစည်းကြီးနှစ်ခုက ပူးတွဲဦးစီးပြီး မြူတန့်မဟာမိတ်ကို ဖွဲ့စည်းကာ ကမ္ဘာကြီးရဲ့အစိတ်အပိုင်းအတော်များများကို ထိန်းချုပ်သွားခဲ့ပါပြီ။

အမေရိကန်ကလည်း မြူတန့်ဆန့်ကျင်ရေးဝါဒီတွေကို ဦးဆောင်ကာ ကမ္ဘာတစ်လွှားက မြူတန့်တွေကို ထိန်းချုပ်ဖို့ လူသားမဟာမိတ်ကို ဖွဲ့စည်းခဲ့ပါတယ်။

ဥရောပနိုင်ငံအများစုကလည်း နေမြဲတိုင်းနေရေးကိုသာ ဦးစားပေးပြီး အခြေအနေကိုထိန်းသိမ်းဖို့ ဥရောပမဟာမိတ်သစ်အဖြစ်နဲ့ ပါဝါဂိမ်းထဲကို ဝင်လာခဲ့တယ်။

မဟာမိတ်သုံးခုရဲ့အာဏာလွန်ဆွဲပွဲကြားမှာပဲ နိုင်ငံငယ်အများအပြား ပျက်စီးကုန်ပါတယ်။ ဆူဗာနာနယ်စားနယ်မြေ ကိုယ်တိုင်လည်း ရုန်းကန်နေရပြီး သူတို့ရဲ့တစ်ခုတည်းသောမျှော်လင့်ချက်က ကိုမာဝင်နေတဲ့ မင်းသမီးလေး မက်ဒါနာပါ။

Artist - Pann Eain

စာရေးသူ၏အမှာစာ

Season 2 ကိုတော့ အခု 1 ထက်စာရင် ပိုပြီး Touch ဖြစ်အောင်ရေးဖို့ ကြိုးစားနေပါတယ်။ အများကြီးလည်း သင်ယူခဲ့ရပြီး ကျွန်တော့်အားနည်းချက်တွေကို ပြင်ယူဖို့အတွက် အတော်ကြိုးစားလေ့ကျင့်ခဲ့ရပါတယ်။

အမှတ်တရတွေနဲ့နောင်တတွေလည်း အများကြီးပါပဲ။ ဘာပဲဖြစ်ဖြစ် အခုအချိန်အထိ အားပေးခဲ့ကြတဲ့အတွက် ကျေးဇူးတင်ပါတယ်။ ဒါနဲ့၊ S1 နဲ့ S2 ကြားထဲမှာ စံရာတောင်ကျွန်းလုံးသူဆိုတဲ့ Spin off လေးလည်းရှိပြီး မြန်မာဟီးရိုးကြီး မဟာသူရိယရာဇာအကြောင်းဖြစ်ပါတယ်ခင်ဗျ။

မူရင်းဇာတ်လမ်းထဲက ဇာတ်ကောင်တွေ မပါပေမဲ့လည်း အဲဒါလေးကိုလည်း ဝင်ဖတ်ပြီးအားပေးလို့ရပါတယ်။ အားလုံးရဲ့Vote တွေက ကျွန်တော့်အတွက် အားပေးတစ်ခွက်ပါပဲခင်ဗျ။