I just Wanna be Hero not Heroine

V2 Chapter 20

ငါက သူရဲကောင်းဖြစ်ချင်ရုံပါ
V2 Chapter 20 - ဟာကွက်များနှင့်ဇာတ်ညွန်း၊ SilverKnightအတုကောင်

နယူးယောက်မြို့ကြီးရဲ့လမ်းဆုံတစ်နေရာမှာတော့ သွေးတွေဟာ အိုင်ထွန်းနေခဲ့ပါတယ်။

ငွေရောင်ချပ်ဝတ်ကို ဝတ်ဆင်ထားတဲ့ မြူတန့်တစ်ယောက်ဟာ ​သွေးစွမ်းနေတဲ့ ဇက်သတ္ထုဓားကိုကိုင်ထားပြီး ကျောင်းကားတစ်စီးရဲ့အင်ဂျင်ဖုံးပေါ်မှာ ထိုင်နေပါတယ်။

သတင်းမီဒီယာတွေရဲ့ရဟတ်ယာဥ်တွေလည်း ရောက်ရှိနေပြီဖြစ်ပြီး ဒီသွေးသံရဲရဲဖြစ်ရပ်ကို ရိုက်ကူးနေကြတယ်။ အမေရိကန်မှာ နှစ်နှစ်ဆယ်အတွင်း ဘယ်တုန်းကမှ အခုလိုမြူတန့်တိုက်ခိုက်မှုမျိုး မဖြစ်ခဲ့ဖူးပါဘူး။

ငွေရောင်ချပ်ဝတ်နဲ့သူရဲကောင်းဟာ ကျောင်းကားတစ်စီးကို ပြန်ပေးဆွဲခဲ့ပြီး ကလေးတွေကိုဖမ်းထားကာ အားလုံးကို ခြိမ်းခြောက်နေပါတယ်။ ဒါပေမဲ့ သူ့ရည်မှန်းချက်ကိုတော့ ဘယ်သူမှမသိရဘူး။

C rank ဟီးရိုးနှစ်ယောက်ဖြစ်တဲ့ ရှိခိုးကောင်နဲ့ Musclecutieတို့ဟာ ကလေးတွေကို လိုင်စင်မဲ့ဟီးရိုးဆီကနေ ကယ်တင်ဖို့လုပ်ခဲ့ပေမဲ့ ဒဏ်ရာရခဲ့ပါတယ်။

မက်တယ်ပလာဒင်ဝတ်စုံဝတ်ထားတဲ့ အထူးရဲတွေနဲ့ရဲတပ်ဖွဲ့ဝင်တွေကတော့ စောင့်ကြည့်ရုံပဲ လုပ်နိုင်ကြတယ်။ ဘယ်သူမှ A အဆင့်တွေကို တိုက်ခိုက်နိုင်တဲ့ Silverknightနဲ့ တိုက်ရိုက်မတိုက်ခိုက်ချင်ပါဘူး။

ရဲမှူးကြီးစလေဒင်ကတော့ အသံချဲ့စက်ကိုကိုင်ပြီး လှမ်းအော်နေတယ်။

"ဟီးရိုးSilverKnight... လက်ရှိမင်းလုပ်နေတဲ့ အပြုအမူက ဟီးရိုးတစ်ယောက်ရဲ့အပြုအမူမဟုတ်ဘူး။ မင်းတစ်ခုခုမကျေနပ်တာရှိရင် ငါတို့ဖြေရှင်းလို့ရပါတယ်။ အပြစ်မရှိတဲ့ ကလေးတွေကို လွတ်ပေးလိုက်ပါ။"

ကျောင်းကားပေါ်က ကလေးတွေကတော့ ငိုသူငို ကြောက်လွန်းလို့တုန်တဲ့လူကတုန်နဲ့ ဖြစ်နေတယ်။ အကုန်လုံးက မူလတန်းကလေးတွေဖြစ်
ပြီး SilverKnightကို သဘောကျကြပါတယ်။ ဒါပေမဲ့ သူတို့ရဲ့ဟီးရိုးကြီးက သူတို့ကားကို ကုန်းကျော်တံတားပေါ်ကနေ ဆွဲချပြီးတော့ အကြမ်းဖက်လိမ့်မယ်လို့တော့ ထင်မထားခဲ့ပါဘူး။