ငါက သူရဲကောင်း ဖြစ်ချင်ရုံပါ
V4 Chapter 50 - ဥရောပကျူးကျော်ခံရပြီ
မက်ထရစ်နန်းတော်မှာတော့ စပိန်ရဲ့လက်ရှိဦးလျှောင် သရဖူပြည့်ရှင် ဂါဘီလီ ၁ တစ်ယောက် စိတ်ညစ်လွန်းလို့ ကိုယ့်ခေါင်းကိုယ် ဆုပ်ကိုင်ထားမိလေရဲ့။
"ဘာလို့ ငါ့လက်ထက်ကျမှ ဒါမျိုးတွေဖြစ်နေရတာလဲ။" စပိန်ပိုင်နက်အတွင်း တဖြည်းဖြည်းချင်းကပ်လာနေတဲ့ အမေရိကန်စစ်သင်္ဘောတွေကြောင့် စပိန်တစ်နိုင်ငံလုံး အုတ်အော်သောင်းနင်းဖြစ်နေပါပြီ။
စပိန်ဝန်ကြီးချုပ်က အရေးအပေါ်အစည်းအဝေးလုပ်ဖို့အတွက် ဇာဇွယ်လာနန်းတော်မှာ ဧကရီဘုရင်မကြီး လီယိုနော်နဲ့စံမြန်းနေတဲ့ ကြင်ယာတော် ဘုရင် ဂါဘီလီကို ဆင့်ခေါ်လာတာပါ။
ဂါဘီလီ ၁ က တော်ဝင်မျိုးလည်းမဟုတ် မူးမတ်မျိုးရိုးလည်းမဟုတ်တဲ့ သာမန်ပြည်သူဖွား နိုင်ငံကိုယ်စားပြု အားကစားသမားဟောင်းဖြစ်ပြီးတော့ စပိန်အိမ်ရှေ့စံမင်းသမီးနဲ့ လက်ထပ်ပြီးအတန်ကြာတဲ့အထိ တိုင်းပြည်အုပ်ချုပ်ရေးအကြောင်း ဘာမှမသိပါဘူး။
ဒါပေမဲ့ အရင်ဘုရင်ကြီး နတ်ရွာစံသွားပြီးတဲ့နောက် သူ့ရဲ့နတ်သမီးပုံပြင်ထဲက မင်းသမီးလေးဟာ ပလ္လင်ကို ဆက်ခံပါတယ်။ ဥရောပမှာ ဘုရင်မတွေမရှားပါဘူး။ ဒါပေမဲ့ လီယိုနော်မင်းသမီးက တိုင်းပြည်ကို အုပ်ချုပ်ဖို့ နည်းနည်းလေးမှ စိတ်မဝင်စားတာကြောင့် ကြင်ယာတော်မင်းသား ဂါဘီလီကို ကိုယ်စားအုပ်ချုပ်ခွင့် ပေးခဲ့တာပါ။ ဒါပေမဲ့ ဂါဘီလီကိုယ်တိုင်ကလည်း ဒီလိုနေရာမျိုးမှာမတော်ပါဘူး။
နောက်ဆုံးတော့ ဒီစပိန်ဦးလျှောင်နှစ်ပါးဟာ လွှတ်တော်အတွင်း ဝင်ရောက်စွတ်ဖက်မှုမပြုတော့ဘဲ ဝန်ကြီးချုပ်အစိုးရကိုသာ အာဏာကုန်လွှဲအပ်တဲ့အထိ ဖြစ်လာပါတယ်။
ကမ္ဘာပေါ်မှာ သက်ဦးဆံပိုင်စနစ်နဲ့အုပ်ချုပ်တဲ့ နိုင်ငံပေါင်း ၂၃ နိုင်ငံအနက် စပိန်ဟာ စည်းမျဥ်းခံ ဘုရင်စနစ်နဲ့ အုပ်ချုပ်တဲ့နိုင်ငံပါ။ ဒါပေမဲ့ ဂရိတ်ြဗိတိန်နဲ့ဂျပန်ရဲ့စည်းမျဥ်းခံဘုရင်စနစ်နဲ့မတူတာက စပိန်သက်ဦးဆံပိုင်တွေဟာ နိုင်ငံရေးဩဇာပိုကြီးပါတယ်။ လခစားပြီး အခမ်းအနားတက်ရောက် မိန့်ခွန်းပြောကြားရုံထက် ပိုပါတယ်။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
