ငါက သူရဲကောင်းဖြစ်ချင်ရုံပါ
V3 Chapter 7 - တကယ့်တိုက်ပွဲက အခုမှာစတယ်
အယ်လိုဟင်နဲ့ အေမီကတော့ ကျောချင်းကပ်ပြီး ရန်သူတွေကို ရင်ဆိုင်နေပါတယ်။ ဒါပေမဲ့ သူတို့ကိုတိုက်ခိုက်နေတဲ့ ရန်သူတွေက သိပ်ပြီးမများပါဘူး။
သူတို့တွေက ရန်သူတွေရဲ့အဓိကပစ်မှတ်မဟုတ်ဘူးလေ။
အယ်လိုဟင်က မြူထဲကနေ ထွက်လာကစပဲရှိသေးတဲ့ ယာကူဇာနှစ်ယောက်ရဲ့ခေါင်းကို ပစ္စတိုသေနတ်နဲ့ပစ်ခွင်းလိုက်တယ်။ တစ်ချိန်တည်းမှာပဲ ရှီနိုဘီတစ်ယောက်က သူ့အနားထိကပ်လာနိုင်ပြီး ခေါင်းကိုဓားနဲ့ဖြတ်ဖို့ လုပ်ခဲ့ပေမဲ့ အယ်လိုဟင်ရဲ့စက်ရုပ်လက်က ဓားသွားကိုဆုပ်ကိုင်လိုက်ပြီး တစ်စစီဖျက်ဆီးပစ်လိုက်တယ်။
အဲဒီနောက်တော့ သူ့မျက်လုံးတစ်ဖက်က အပြာရောင်အလင်းတွေနဲ့တောက်ပလာပြီး မျက်လုံးလေဆာက ရှီနိုဘီရဲ့ခန္ဓာကိုယ်ကို တစ်စစီပြာချပစ်လိုက်တယ်။
"ရုတ်တရက်ပေါ်လာတဲ့ ရှီနိုဘီတွေကို ဂရုစိုက်အရူးမရဲ့၊ တစ်နေရာမှလည်း အသုံးမကျဘူး။"
အယ်လိုဟင်က စက္ကန့်အနည်းငယ်အတွင်း ယာကူဇာခြောက်ယောက်လောက်ကို ပစ်သတ်နိုင်ခဲ့ပေမဲ့ အေမီကတော့ တည့်အောင်မပစ်နိုင်ဘဲ ရန်သူတွေကို ခြောက်ပစ်ရုံလောက်ပဲ ပစ်နိုင်ပါတယ်။
"ဘယ်တတ်နိုင်မလဲ၊ ကျွန်မရဲ့ဆင်ဆာတွေမှာ သူတို့ကို နည်းနည်းလေးမှမထောက်လှမ်းမိဘူး၊ မျက်စိနဲ့မြင်သလောက်ပဲ ပစ်နေရတာ။"
ဟုတ်တယ်၊ မြူတွေက သူတို့ရဲ့နည်းပညာတွေကို ပိတ်ပင်ထားတဲ့အတွက်ကြောင့် သူတို့တိုက်ပွဲစွမ်းအားကလည်း အကြီးအကျယ်ကန့်သတ်ခံလိုက်ရတယ်။ ဒါပေမဲ့ အယ်လိုဟင်အတွက်တော့ အဆင်ပြေနေဆဲပါ။
သေခြင်းရှင်ခြင်းနဲ့ အကြိမ်ကြိမ်ကြုံတွေ့ပြီးတဲ့နောက် ဒီဦးလေးကြီးရဲ့အန္တရာယ်ကိုအာရုံခံနိုင်စွမ်းက သာမန်လူသားတွေထက်ကို ကျော်လွန်နေပါပြီ။
"သတိထား..." အယ်လိုဟင်ရဲ့စက်ရုပ်လက်က ရှည်ထွက်လာပြီး အေမီကိုတွန်းဖယ်လိုက်တယ်။ ရှီနိုဘီတစ်ယောက်ပစ်လိုက်တဲ့ လှံတိုတွေက အေမီရှိနေခဲ့တဲ့နေရာကို ဝင်လာတာကြောင့်ပါ။ အယ်လိုဟင်က လှံတိုတွေကို အသာလေးရှောင်လိုက်ပြီးတဲ့နောက် လှံတိုလာရာလမ်းကြောင်းဆီကို သေနတ်နဲ့နှစ်ချက်ဆင့်ပစ်လိုက်တယ်။
YOU ARE READING
I just Wanna be Hero not Heroine
Teen Fiction"ဘုရားသခင် ငါ့ရှေ့ကိုလာခဲ့စမ်းပါ။ ငါမင်းကို နုပ်နုပ်စင်းပစ်ချင်လို့ပါ။ ငါက သိပ်လှတဲ့ ချစ်သူလိုချင်တာဟ။ သိပ်လှတဲ့ ကောင်မလေးဖြစ်ချင်တာမဟုတ်ဘူး။" မင်းလွင်ဟာ အမြဲတမ်း စူပါဟီးရိုးဇာတ်ကားတွေထဲကလို အစွမ်းရှိဟီးရိုးတစ်ယောက် ဖြစ်ချင်သူပေါ့။ ဒါပေမဲ့ စိတ်ကူးက...
