စာစဥ် ၆၉ : အပိုင်း ၁၅
အပိုင်း ၁၃၄၅ : အံ့ဖွယ် ကောင်းကင်ဘုံဂိုဏ်း၏ ဒုတိယ မျိုးဆက် အင်မော်တယ် ဝိညာဥ် အဆင့် ကျင့်ကြံသူများ
ကြမ္မာပန်းတိုင် ခေါင်းလောင်းသည် သူ၏ခေါင်းပေါ်တွင် မြည်ဟည်းနေရင်း လင်းဖုန်းသည် ကောင်းကင်စကြာဝဠာ အလင်းတန်းကမ္ဘာ၏ အပြင်ဘက်သို့ ထွက်လာခဲ့သည်။ ဝမ်လင်းသည် အပြင်တွင် သူ့အား စောင့်နေပြီး ဦးညွှတ်၍ နှုတ်ဆက်လိုက်သည်။
"ထျန်းချွမ်ကို ခေါ်လိုက်ပါ" လင်းဖုန်းက ပြောလိုက်သည်။ "သူမရဲ့ အင်မော်တယ် ဝိညာဥ် အဆင့်ကို ရောက်သွားတဲ့ သတင်းကို မင်းပြန်လာအပြီးမှာ ကြေညာမယ်လို့ ရည်ရွယ်ထားတယ်… လျှိုကြီးရဲ့ အဖြစ်အပျက်တွေ ရှိနေပေမဲ့ ငါတို့က သူမရဲ့ စွမ်းဆောင်မှုကို ပြင်ပကို ထုတ်လွှင့်ရမယ်… သူမက လျှိုကြီးနဲ့ ပတ်သတ်ရတာကို မလိုမလားဖြစ်နေမှာကိုတော့ ငါစိတ်ပူမိတယ်"
ဝမ်လင်းက ပြန်ပြောလိုက်သည်။ "စိတ်ပူစရာ မလိုပါဘူး ဆရာ… ထျန်းချွမ်က ဘာမှ စိတ်ထဲထားမှာ မဟုတ်ပါဘူး" သူကလည်း စိတ်ထဲထားနေမည် မဟုတ်ချေ။
လင်းဖုန်းသည် ခေါင်းညိတ်လိုက်ကာ သူ၏ လက်ချောင်းများကို အသာ လှုပ်ရှားလိုက်သည်။ အလင်းတန်း တစ်တန်းသည် ဟင်းလင်းပြင် အတွင်းမှ ထွက်လာ၍ ယုကျင်းတောင်ပေါ်မှတဆင့် ခေါင်းလောင်းသံများနှင့် အတူ နေရာအနှံ့သို့ ပျံ့သွားခဲ့သည်။
သို့သော်လည်း နတ်ဘုရားနယ်မြေ အတွင်းတွင် မငြိမ်းချမ်းနေခဲ့ပေ။
နတ်ဘုရားနယ်မြေ အတွင်းမှ လူသား ကျင့်ကြံမှု ကမ္ဘာအတွင်းတွင် ကောလဟာလ တစ်ခုက တောမီးကဲ့သို့ ပျံ့နှံ့နေခဲ့သည်။ သူသည် အစပိုင်းတွင် နေရာ အနည်းငယ်တွင်သာ ပြောနေခြင်း ဖြစ်သော်လည်း အချိန်တိုလေး အတွင်း၌ နတ်ဘုရားနယ်မြေ တစ်ခုလုံးသို့ ပျံ့သွားခဲ့သည်။
ထိုသတင်းမှာ ဟေးဒီးစ်သားရဲ တစ်ကောင်သည် အံ့ဖွယ် ကောင်းကင်ဘုံဂိုဏ်း အတွင်းတွင် လွတ်လပ်စွာ လှုပ်ရှားသွားလာလျက် ရှိပြီး သူသည် အံ့ဖွယ် ကောင်းကင်ဘုံဂိုဏ်း ခေါင်းဆောင်၏ လမ်းညွှန် သင်ကြားမှုများကိုပင် ရရှိခဲ့ခြင်း ဖြစ်သည်။
ESTÁS LEYENDO
ဂန္တဝင်ဂိုဏ်းချုပ် အတွဲ(၅) End (Unicode)
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
