စာစဥ် ၇၆ : အပိုင်း ၁၄
အပိုင်း ၁၄၈၄ : တစ်ကမ္ဘာလုံး၏ ဆရာ
ကမ္ဘာကြီး၏ ကြမ္မာပန်းတိုင်သည် အချိန် ကုန်ဆုံးလာသည်နှင့် အမျှ အဆက်မပြတ် ပြောင်းလဲနေကာ ဘဝ၏ အတက်အကျ၊ အနိမ့်အမြင့်များကလည်း ပြောင်းလဲနေသည်။ အံ့ဖွယ် ကောင်းကင်ဘုံဂိုဏ်း ခေါင်းဆောင်၏ ပထမ သင်ခန်းစာ ပို့ချချက်သည် နှစ်ပေါင်းများစွာ ရှိပြီ ဖြစ်ကာ နတ်ဘုရား နယ်မြေနှင့် မဟာလွင်တီးခေါင် ကုန်းမြေတို့ တစ်ခုတည်း အဖြစ် ပေါင်းစည်းသွားခဲ့သည်မှာလည်း အချိန် အတော် ကြာသွားခဲ့ပြီ ဖြစ်သည်။
မဟာကမ္ဘာ အတွင်းမှ မျိုးဆက်အသစ်များသည် ကမ္ဘာကြီးက နှစ်ပိုင်း ပိုင်းခဲ့ဖူးသည့် အခြေအနေကို မသိကြတော့ပဲ ဒဏ္ဍာရီများ အတွင်းသို့သာ ရောက်သွားခဲ့ပြီ ဖြစ်သည်။
အတိတ်ကာလမှ ဒဏ္ဍာရီများက ပျောက်ကွယ်သွားခဲ့ကာ ဆက်လက် လည်ပတ်နေသေးသည့် တစ်ခုတည်းသော ဒဏ္ဍာရီမှာ အံ့ဖွယ် ကောင်းကင်ဘုံဂိုဏ်းသာ ဖြစ်သည်။ သူတို့သည် ဝိညာဥ်ပင်လယ် တိုက်ပွဲမှစ၍ မူလကောင်းကင် ကမ္ဘာ၏ ထိပ်ဆုံးတွင် ရပ်တည်နိုင်ခဲ့ကာ ထာဝရ ဒဏ္ဍာရီ ဖြစ်သွားခဲ့ပြီ ဖြစ်သည်။
ဒုတိယ မျိုးဆက် ဂိုဏ်းခေါင်းဆောင် ဖြစ်သော ငရဲကမ္ဘာ ပင်လယ်၏ အုပ်ချုပ်သူ ငရဲမီး ဧကရာဇ် ရှောင်ယန်သည် ရွှမ်ဆန်းအား အမှောင်ထုအတွင်းသို့ ပြန်ပို့အပြီးတွင် မဟူရာ ပင်လယ်ထံမှ ပြန်လာခဲ့သည်။ ပြီးတာနှင့် သူသည် ဂိုဏ်းခေါင်းဆောင် ရာထူးအား သူ၏ တပည့်ဖြစ်သော တန်ကျွင်းအား တတိယ မျိုးဆက် ဂိုဏ်းခေါင်းဆောင် အဖြစ် လွှဲပြောင်း ပေးအပ်ခဲ့သည်။ ထိုအချိန်မှစ၍ နှစ်ပေါင်းများစွာ ကုန်လွန်သွားခဲ့ပြီ ဖြစ်သည်။
ရှောင်ယန်သည် သူ၏ ရာထူးကို လွှဲပြောင်းပေးပြီးသည်နှင့် ကောင်းကင်ပေါ်မှ တောင်မှ ထွက်လာခဲ့ကာ ငရဲမီး ဧကရာဇ် မြို့တော်မှ ငရဲမီး ချောက်ကမ်းပါးထံသို့ ပြန်လာခဲ့သည်။
အချိန်သည် ဆက်လက်၍ ပျံသန်းနေခဲ့ပြီး အံ့ဖွယ် ကောင်းကင်ဘုံဂိုဏ်း ခေါင်းဆောင် သို့မဟုတ် ရှောင်ယန်၊ ဇူရီနှင့် ကျန်သောသူများသည် ဒဏ္ဍာရီ အစိတ်အပိုင်းများ ဖြစ်သွားခဲ့ပြီ ဖြစ်သည်။
ВЫ ЧИТАЕТЕ
ဂန္တဝင်ဂိုဏ်းချုပ် အတွဲ(၅) End (Unicode)
Приключения✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
