စာစဥ် ၅၈ : အပိုင်း ၁၃
အပိုင်း ၁၁၂၃ : ကမ္ဘာနှစ်ခု အကြားမှ စစ်ပွဲ စတင်ခြင်း
ဥဒေါင်း မဟာပဏ္ဍိတက ဖြည်းဖြည်းချင်း ပြောလိုက်သည်။ "လွန်ခဲ့တဲ့ နှစ်တွေတုံးက သူက လူဝံတွေဆီက ကြယ်စင်ပင်လယ် ဝင်ပေါက်ကို အားသုံးပြီးမှ လုယူခဲ့တယ်… အံ့ဖွယ် ကောင်းကင်ဘုံဂိုဏ်းဟာ အခုအချိန်မှာ မဟူရာ ပင်လယ်အတွင်းက နဂါးတွေနဲ့ ဟင်းလင်းပြင် ဘုရားကျောင်းရဲ့ တိုက်ပွဲအတွင်းကို ဝင်ပါရင်တောင် သူတို့ကို အနိုင်ယူနိုင်ဖို့ မသေချာဘူး"
"ဒါ့အပြင် သူက ဟင်းလင်းပြင် ဘုရားကျောင်းနဲ့ ဆက်ဆံရေးကောင်းတွေ မရှိဘူး… သူတို့က ကမ္ဘာနှစ်ခု အကြားက ဒီစစ်ပွဲမှာ ပူးပေါင်း ဆောင်ရွက်ချင်မှ ဆောင်ရွက်ကြမှာ"
ရွှေရောင်နတ်ငှက် မဟာပဏ္ဍိတက ပြောလိုက်သည်။ "အစွမ်းထက်တဲ့ ဂိုဏ်းနှစ်ဂိုဏ်း အကြားမှာ ဘယ်သူကမှ ဘယ်သူ့အပေါ်မှာ အညံ့ခံပြီး စကားနားထောင်မှာ မဟုတ်ဘူး… အံ့ဖွယ် ကောင်းကင်ဘုံဂိုဏ်းနဲ့ ဟင်းလင်းပြင် ဘုရားကျောင်းတို့ အတွက် အကောင်းဆုံး အစီအစဥ်က သူတို့ဘာသာ သူတို့ တိုက်ခိုက်ကြခြင်းပဲ"
"ပူးပေါင်းဆောင်ရွက်ရင် ကောင်းကျိုးထက် ဆိုးကျိုး ပိုဖြစ်နိုင်တယ်… နှစ်ဦးနှစ်ဘက်တို့ အကြားက ပဋိပက္ခတွေကြောင့် ဒီလိုမျိုး ပူးပေါင်းမှုက ဖြစ်မလာနိုင်ဘူး"
"လူဝံတွေက သူတို့ရဲ့ ကြယ်စင်ပင်လယ် ဝင်ပေါက်ကို ဆုံးရှုံးသွားပြီ… နဂါးတွေနဲ့ ဟင်းလင်းပြင် ဘုရားကျောင်းတို့ကို ဖယ်ထုတ်လိုက်ရင် ကြယ်စင်ပင်လယ် ဝင်ပေါက် နောက်ဆုံးနှစ်ခုတို့ဟာ ကောင်းကင်ကျက်သရေ မဟာပဏ္ဍိတနဲ့ ငါတို့ရဲ့ လက်ထဲမှာ ရှိနေတယ်"
ရွှေရောင်နတ်ငှက် မဟာပဏ္ဍိတသည် သူ၏ အတောင်များကို ပွတ်သပ်၍ တောင်ပံများကို မြှောက်ကာ ပြောလိုက်သည်။ "အံ့ဖွယ် ကောင်းကင်ဘုံဂိုဏ်းက အခုမှ ပေါ်လာတဲ့သူတွေ ဖြစ်ပြီး ငါတို့နဲ့ ရန်ငြိုးရန်စ မရှိဘူး… ပြီးတော့ လူဝံတွေနဲ့ နဂါးတို့က သူ့ရဲ့ လက်အတွင်းမှာ အတော် ခံစားခဲ့ရတယ်… ငါကလည်း အိချီနဲ့ ကြယ်တာရာကိုးလုံး ကောင်းကင်ချေမှုန်း ဝင်္ကပါကို ဆုံးရှုံးခဲ့ရတယ်… ဒါပေမဲ့ သူကတော့ ဘာမှ နစ်နာမှု မရှိခဲ့ဘူး"
ESTÁS LEYENDO
ဂန္တဝင်ဂိုဏ်းချုပ် အတွဲ(၅) End (Unicode)
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
