ဂန္တဝင်ဂိုဏ်းချုပ် အတွဲ(၅) End (Unicode)

၁၃၇၁ မှ ၁၃၇၅

စာစဥ် ၇၁ : အပိုင်း ၁

အပိုင်း ၁၃၇၁ : တစ်ဒင်္ဂသာ လင်းလက်တောက်ပသော အသွင်သဏ္ဌာန်

လင်းဖုန်းနှင့် ရှောင်ယန်တို့သည် စေ့စပ်ပွဲတွင် ရှိနေစရာ မလိုပေ။ သို့သော်လည်း သူတို့က ဤမျှအထိ ကြီးကြီးကျယ်ကျယ် လုပ်ထားပြီး အားလုံးတို့အား သူတို့က စေ့စပ်ပွဲသို့ လာမည်ဟု ပြောထားခဲ့သောကြောင့် ယခုအချိန်တွင် အနည်းငယ် ကသိကအောက် ဖြစ်စရာ ဖြစ်နေခဲ့သည်။

ဂူကျွန်းသည် ဇူရီ၊ ဝမ်လင်းနှင့် ကျန်သောသူများထံသို့ အာရုံပြောင်းလိုက်သည်။ ဝမ်လင်း၏ အမူအရာသည် မပြောင်းလဲခဲ့သော်လည်း ဇူရီက ဂူကျွန်းအား ခေါင်းအနည်းငယ် ညိတ်ပြလိုက်သည်။ သူသည် သူ့အား စိတ်ဆက်ရှည်ပေးရန် အချက်ပြခဲ့ခြင်း ဖြစ်သည်။

ဂူကျွန်းသည် သူ၏အကြည့်အား ရုပ်သိမ်းလိုက်ကာ အခြားတစ်ဘက်သို့ ကြည့်လိုက်သည်။ ထိုနေရာတွင် သက်လတ်ပိုင်း လူကြီးတစ်ယောက် ရှိနေသည်။ သူ၏ လက်များအား နောက်ကျောတွင် ပစ်ထားကာ သူ၏ တစ်ကိုယ်လုံးသည် ဣန္ဒြေရစွာဖြင့် ရှိနေသည်။ သူ့ထံမှနေ၍ အားကောင်းလှသော ဓားအရှိန်အဝါ တစ်ခု ထွက်ပေါ်နေသည်။

အမှန်အတိုင်း ပြောရလျှင် ရောက်လာကြသော သူများအားလုံးက ဤသက်လတ်ပိုင်း လူကြီးအား စိတ်ဝင်စားနေကြသည်။

အဘယ်ကြောင့်ဆိုသော် ဤလူသည် စူတောင်ဓားဂိုဏ်း၏ လက်ရှိ ဂိုဏ်းခေါင်းဆောင်ဖြစ်သော ကျိဝမ်လွေ ဖြစ်နေသောကြောင့် ဖြစ်သည်။

သူ၏ ပေါ်ပေါက်လာမှုသည် လူအများအား အံ့အားသင့်စေခဲ့သည်။ ဂူအင်ပါယာသည် ထိုသတင်းကို အံ့ဖွယ် ကောင်းကင်ဘုံဂိုဏ်းထံမှ ရခဲ့စဥ်ကလည်း အံ့ဩ မှင်သက်သွားခဲ့သည်။

ကမ္ဘာနှစ်ခု အကြားမှ စစ်ပွဲအပြီးတွင် စူတောင်ဓားဂိုဏ်းသည် သူတို့၏ တောင်ကို ထပ်ဖန်တစ်ခါ ချိပ်ပိတ်ခဲ့သည်။ ဂျူနီယာ တပည့်များကိုပင် တောင်မှထွက်ရန် ခွင့်မပြုခဲ့ပေ။

ကမ္ဘာနှစ်ခု အကြားမှ စစ်ပွဲအတွင်းတွင် ချန်းမင် ဓားမာစတာနှင့် ကျန်သောသူများကြောင့် ဖြစ်ခဲ့သော အတွင်း ပဋိပက္ခအား ကျန်သောသူများ သိသွားကြအပြီးတွင် ခန့်မှန်းချက်များစွာ ထွက်ပေါ်လာခဲ့ကြသော်လည်း စူတောင်ဓားဂိုဏ်းနှင့် အံ့ဖွယ် ကောင်းကင်ဘုံဂိုဏ်းတို့သည် ဤကိစ္စနှင့် ပတ်သတ်၍ ဘာမှ မပြောခဲ့ပေ။