စာစဥ် ၅၉ : အပိုင်း ၅
အပိုင်း ၁၁၃၅ : ကောင်းကင်စေတီ
အစောပိုင်းမှ အနက်ရောင် တွင်းနက်ကြီးသည် အောက်မှ တောင်တန်းများကို ဖျက်ဆီးပစ်ခဲ့သည်။ မရေမတွက်နိုင်သော မြေကြီးနှင့် ကျောက်တုံးများက ပျက်စီးသွားကြသည်။ သို့သော်လည်း အများစုမှာ တွင်းနက်အတွင်းသို့ အစုပ်ယူ ခံခဲ့ရ၍ ကောင်းကင်ပေါ်သို့ ပျံတက်သွားကြသည်။ ပြီးတာနှင့် သူတို့သည် အစအနပင် ရှာမရပဲ ပျောက်ကွယ်သွားကြလေ၏။
လင်းဖုန်းသည် ထိုတွင်းနက် အတွင်းသို့ မဝင်ခင်တွင် သူ၏ ရင်အတွင်းမှနေ၍ ဝေဝါးသော အာရုံတစ်ခုကို ရနေခဲ့သည်။ အင်အားစုတစ်ခုက မဟာမိုးကြိုး ကျောင်းတော်၏ အပျက်အစီးများကို ဆွဲယူနေခဲ့သည်ဟု ခံစားနေရခြင်း ဖြစ်သည်။
သို့သော်လည်း ထိုအနက်ရောင် တွင်းနက်ကြီးက အရာအားလုံးကို ဝါးမျိုသွားနေရင်း ထိုစွမ်းအင်ကို ဖုံးကွယ်ထားခဲ့သည်။ လင်းဖုန်းကလည်း အလွယ်တကူဖြင့် အာရုံခံ၍ မရတော့ချေ။ ယခုအချိန်တွင် ကောင်းကင်သို့တိုင်အောင် ထိုးတက်သွားသော ဧရာမ မျှော်စင်ကြီးအား ကြည့်လိုက်ပြီး သူ၏ ယခင်မှ သံသယများကို အတည်ပြုနိုင်ခဲ့သည်။
ခရမ်းရောင် အလင်းတန်းမှ တဆင့် ထိုမျှော်စင်သည် လေးထောင့်ပုံ ဖြစ်နေသည်ဟု သူက တွေ့နိုင်ခဲ့သည်။ သူ၏ လေးဘက်လေးတန်သည် ၄၈၀၀၀ကျန်း ရှည်၍ ၄၈၀၀၀ကျန်း မြင့်မားသည်။
သူ့တွင် အထပ် ခုနစ်ထပ်ရှိ၍ သူသည် ကျောက်စရစ်ခဲများဖြင့် တည်ဆောက်ထားသည်ဟု ထင်နေရသော်လည်း သူ၏ အပျက်အစီး မျက်နှာစာမှနေ၍ ထူးခြားဆန်းကြယ်သော အော်ရာတစ်ခုကို ထုတ်လွှတ်နေသည်။
ထိုမျှော်စင်သည် အပျက်အစီးများဖြင့် တည်ဆောက်ထားသည်ဟု ထင်နေရသော်လည်း လင်းဖုန်းနှင့် ကျန်သောသူများက ထိုအရာသည် ဗုဒ္ဓစေတီ တစ်ဆူဖြစ်သည်ကို ကောင်းကောင်းကြီး တွေ့နိုင်သည်။
အထပ်ခုနစ်ထပ် ရှိသော စေတီသည် ခရမ်းရောင် အလင်းတန်း ပင်လယ်၏ အလယ်တွင် ရပ်နေရင်း သူ့ထံမှ သန့်စင်သော စိတ်ဝိညာဥ် စွမ်းအင်များကို စုပ်ယူနေခဲ့သည်။
ESTÁS LEYENDO
ဂန္တဝင်ဂိုဏ်းချုပ် အတွဲ(၅) End (Unicode)
Aventura✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...
