ဂန္တဝင်ဂိုဏ်းချုပ် အတွဲ(၅) End (Unicode)

အပိုင်း ၁၄၅၉ : ဖျက်ဆီး၍ မရနိုင်သော လောက၏ အပေါ်

စာစဥ် ၇၅ : အပိုင်း ၉

အပိုင်း ၁၄၅၉ : ဖျက်ဆီး၍ မရနိုင်သော လောက၏ အပေါ်

ဗုဒ္ဓ၏ လက်ဝါးက ကျဆင်းလာသော အခါ လင်းဖုန်း၏ ကမ္ဘာသည် ပြောင်းပြန် လှန်သွားခဲ့သည်။

အစ ပထမတွင် သူ၏ လက်ဝါးသည် ဗုဒ္ဓအပေါ်သို့ ကျဆင်းလာခဲ့ခြင်း ဖြစ်သော်လည်း ဗုဒ္ဓ အလင်းတန်းများ လင်းလက်လာ၍ အရာဝတ္ထု အားလုံးတို့က အဖျက်ဆီးခံခဲ့ရသော အခါ အခြေအနေက ပြောင်းပြန် ဖြစ်သွားခဲ့သည်။

လေဟာနယ်၏ သဘောတရား၊ အထူးသဖြင့် ထိပ်ပိုင်းနှင့် အောက်ပိုင်းတို့သည် သူတို့၏ မူလ အဓိပ္ပာယ်များ ပျောက်ဆုံးသွားခဲ့ကာ သာမန် အဓိပ္ပာယ်များဖြင့် စဥ်းစား၍ မရနိုင်တော့ပေ။

(အတိတ်ကာလ ထိုင်ခုံတွင် ထိုင်နေသည့်) သကျမုနိသည် တိုက်ခိုက်လိုက်သော အခါ (ပစ္စုပ္ပုန် ထိုင်ခုံတွင် ထိုင်နေသည့်) စကြာဝဠာ စကျင်ဗုဒ္ဓနှင့် (အနာဂတ် ထိုင်ခုံတွင် ထိုင်နေသည့်) အလင်းတန်း ပုံရိပ်ယောင် တို့သည် သူတို့၏ စွမ်းအားများဖြင့် ကောင်းကင်စေတီအား ထောက်ပံ့ခဲ့ကြကာ သကျမုနိ လက်ဝါးနှင့် အတူ လင်းဖုန်းအပေါ်သို့ ကျဆင်းလာခဲ့လေသည်။

လင်းဖုန်းသည် သူ၏ မျက်ခုံးများကို အနည်းငယ် ပင့်လိုက်ပြီး သဘောကျနေသည့်ပုံ ပေါက်သွားသည်။ သူသည် တစ်စုံတစ်ခုကို တွေးလိုက်သော အခါ လူသားပုံရိပ် တစ်ခု သူ့ဘေးတွင် ပေါ်လာသည်။ သူသည် ကြမ္မာပန်းတိုင် ကောင်လေးပင် ဖြစ်သည်။

ကြမ္မာပန်းတိုင် ကောင်လေးသည် ပြိုလဲခြင်း စာအုပ်ကို ကိုင်ဆောင်ထားကာ စာရွက်များကို ဖြည်းဖြည်းချင်း လှန်လိုက်သော အခါ ဖျက်ဆီးမှု ဓာတ်ငွေ့များ တစ်တန်းပြီး တစ်တန်း ထွက်လာခဲ့သည်။

သူတို့သည် စီးဆင်းနေသော အနက်ရောင် ဓာတ်ငွေ့များ အဖြစ်သို့ ဖြည်းဖြည်းချင်း ပြောင်းသွားခဲ့ပြီး ဖျက်ဆီးနိုင်သော ဗုဒ္ဓ အလင်းတန်းများကို ခုခံခဲ့ကြသည်။

စီးဆင်းနေသော ဓာတ်ငွေ့များသည် ကျယ်ပြန့်သော နယ်မြေအား ဖုံးလွှမ်းနေပြီး မဟာကမ္ဘာ တစ်ခုလုံးအား ယိုယွင်းနေသော အခြေအနေ တစ်ခုသို့ ဝင်ရောက်စေခဲ့သည်။