ဂန္တဝင်ဂိုဏ်းချုပ် အတွဲ(၅) End (Unicode)

အပိုင်း ၁၁၄၃ - ၁၁၄၄

စာစဥ် ၅၉ : အပိုင်း ၁၃

အပိုင်း ၁၁၄၃ : အံ့ဖွယ် ကောင်းကင်ဘုံဂိုဏ်းကလည်း ဒုက္ခရောက်နေတာလား

ရွှမ်းမင်နှင့် ကျန်းလိပ်များနှင့် အတူ လည်ပတ်နေသော လိပ်များသည် ရွှမ်းဝူ၏ မသန့်စင်သော မျိုးဆက်များ ဖြစ်ကြသည်။ မျိုးဆက်များစွာ ဆင်းသက်လာ အပြီးတွင် သူတို့သည် သန့်စင်သော သွေးမျိုးဆက် ရွှမ်းဝူများနှင့် များစွာ ကွဲပြားခြားနား သွားကြသည်။ တစ်ချိန်တည်းတွင်် သူတို့သည် သူတို့၏ ကိုယ်ပိုင် ထူးခြားသော စွမ်းရည်များကို တီထွင်နိုင်ကြသည်။

လည်ပတ်နေသောလိပ် မျိုးနွယ်စုသည် ကောင်းကင်ကျက်သရေ မဟာပဏ္ဍိတအား အညံ့ခံထားကြခြင်း ဖြစ်သည်။ လက်ရှိ လည်ပတ်နေသောလိပ် မဟာပဏ္ဍိတသည် အသက်အကြီးဆုံး ဖြစ်ကာ ကျင့်ကြံမှု သက်တမ်းအနေဖြင့် မဟာလွင်တီးခေါင် ကုန်းမြေ အတွင်းတွင် သူ့အား ယှဥ်နိုင်သည်သူ အနည်းငယ်သာ ရှိသည်။

လည်ပတ်နေသောလိပ် မဟာပဏ္ဍိတသည် မသေဝိညာဥ် တတိယ အဆင့်တွင် ရှိနေပြီး ကောင်းကင်ကျက်သရေ မဟာပဏ္ဍိတကလည်း သူ့အား အတော်အသင့် လေးစားရသည်။ သို့သော်လည်း သူသည် လှုပ်ရှားရသည်ကို မနှစ်သက်ပဲ ငြိမ်သက်သော ပတ်ဝန်းကျင်ကိုသာ အလိုရှိသည်။

ထို့ကြောင့် သူသည် အပြင်ထွက်လေ့ သိပ်မရှိချေ။ သို့သော်လည်း မဟာလွင်တီးခေါင် ကုန်းမြေနှင့် နတ်ဘုရားနယ်မြေတို့ နှစ်ခုစလုံးသည် သူ၏ တည်ရှိနေမှုကို လျှော့မတွက်ရဲကြပေ။

လည်ပတ်နေသော လိပ်များသည် အပျင်းထူကြသော်လည်း လောဘ ကြီးကြသည်။ ပုံမှန်တွင် သူတို့သည် ဘာမှ မလှုပ်ရှားသော်လည်း သူတို့က လှုပ်ရှားခဲ့လျှင် ကြီးကြီးမားမား လှုပ်ရှားတတ်ကြသည်။ သူတို့ လိုချင်နေသော ရတနာများက သူတို့၏ လက်အတွင်းမှ လွတ်သွားသည်မှာ ရှားပါးသည်။

လည်ပတ်နေသောလိပ် မဟာပဏ္ဍိတသည် အကောင်းဆုံး ဥပမာ တစ်ခုဖြစ်သည်။ သူ့ကိုယ်သူ ဖော်ပြလေ့ သိပ်မရှိသော်လည်း မူလကောင်းကင် ကမ္ဘာ အတွင်းမှ လူတိုင်းက သူ့အကြောင်းကို သိထားကြသည်။ လူငယ်မျိုးဆက် လူသား ကျင့်ကြံသူများနှင့် မိစ္ဆာများကသာ သူ့အကြောင်းကို သိပ်မသိကြချေ။