ဂန္တဝင်ဂိုဏ်းချုပ် အတွဲ(၅) End (Unicode)

၁၄၁၉-၁၄၂၀

စာစဥ် ၇၃ : အပိုင်း ၉

အပိုင်း ၁၄၁၉ : ထွက်ပြေးသွားသော ရန်သူများကို လိုက်လံဖမ်းဆီးခြင်း

ရှီထျန်းဟောင်၏ ခန္ဓာကိုယ် တစ်ခုလုံးသည် ဟင်းလင်းပြင် မုန်တိုင်းနှင့် ပေါင်းစည်းသွား အပြီးတွင် သူ၏ ပြိုင်ဘက်ထံသို့ ပြေးဝင်သွားသည်။ ရှောင်ယန်သည်လည်း မြင့်တက်လာသော ပျက်စီးခြင်းအား အသုံးပြုကာ ငရဲကမ္ဘာ ပင်လယ် အတွင်းမှ ကပ်ဆိုးများစွာတို့အား ဆင့်ခေါ်လိုက်၍ ဟင်းလင်းပြင် မုန်တိုင်းနှင့် ပူးပေါင်းသွားသည်။

ဟင်းလင်းပြင် မုန်တိုင်း၏ စွမ်းအားများသည် ကပ်ဘေးအား အမျက်ထွက်လာစေသကဲ့သို့ ပို၍ တောက်ပစွာ လင်းလက်လာစေခဲ့သည်။

ဤအချိန်တွင် ရှောင်ယန်သည် ကပ်ဘေးအပေါ်သို့ သူ၏ စွမ်းအားများကို ထိမ်ချန်ထားခြင်း မရှိပဲ အားလုံး ထုတ်လွှတ်လိုက်သည်။

သေမင်းဧကရာဇ်နှင့် ကျန်သောသူများကပင် တစ်ခုခုက မှားနေပြီဟု ခံစားခဲ့ရကာ ရှောင်ယန်အား ခုခံရုံသာ ခုခံနိုင်ခဲ့သည်။

အနီရင့်ရောင် အလင်းတန်းသည် နေရာတကာ၌ လင်းလက်နေသည်။ သူသည် ရှောင်ယန်နှင့် ငရဲကမ္ဘာ ပင်လယ် အနား၌သာ လင်းလက်နေသည် မဟုတ်ပဲ ဟင်းလင်းပြင် မုန်တိုင်း တစ်ခုလုံးကပါ အနီရင့်ရောင် အလင်းတန်းများဖြင့် လင်းလက်နေခဲ့သည်။

လှိုင်းထနေသော မဟာ လှိုင်းလုံးများသည် သေမင်းဧကရာဇ်နှင့် ရွှေပုစဥ်း ဆရာတော်တို့ အပေါ်သို့ ဆူနာမီ လှိုင်းလုံးများ ပမာ ကျဆင်းလာခဲ့သည်။

ဟင်းလင်းပြင် မုန်တိုင်းသည် အက်ကွဲကြောင်းမှ တဆင့် ဟင်းလင်းပြင် စစ်တလင်း အတွင်းမှ ဝင်လာခဲ့သည်။ သူသည် အဆုံးမဲ့နေကာ သူ၏ စွမ်းအားများသည် မရပ်မနားပဲ တိုးပွားလာသကဲ့သို့ ထင်နေရသည်။

ငရဲကမ္ဘာ အတွင်းမှ ဖျက်ဆီးနိုင်စွမ်း အကောင်းဆုံး စွမ်းအားကလည်း ဖြည်းဖြည်းချင်း ထိန်းချုပ်မှုအောက်မှု ကင်းလွတ်လာသည်။ စွမ်းအား နှစ်မျိုးတို့သည် အချင်းချင်း ရင်ဆိုင်နေကြရင်း ရှောင်ယန်နှင့် ရှီထျန်းဟောင်တို့၏ ထူးခြား ဆန်းကြယ်သော ပေါင်းစည်းမှု အောက်တွင် တစ်ခါမှ မကြုံဖူးသော အရှိန်အဟုန်ဖြင့် ပြင်းထန်လှသော မုန်တိုင်းသည် သေမင်းဧကရာဇ်နှင့် ရွှေပုစဥ်း ဆရာတော်တို့ ထံသို့ ပြေးဝင်လာခဲ့သည်။