ငါ့တပည့်တွေရူးနေကြပြီ( Book1)

49

အခန်း49- ဝင်္ကပါအစီအရင်မြင့်မြတ်နယ်မြေ

ကောင်းကင်လျှို့ဝှက်ချက်တောင်ကြားတွင် ထိုင်နေသည့် လူနှစ်ယောက်ထဲမှ တစ်ယောက်မှာ ကောင်းကင်လျှို့ဝှက်ချက်တောင်ကြားဂိုဏ်း၏ အကြီးအကဲထျန်ယု ဖြစ်သည်။ သူသည် ကောင်းကင်၏စိတ်ဆန္ဒအလိုကို တွက်ချက်ခြင်းနှင့် ကောင်းကင်လျှို့ဝှက်ချက်များကို စောင့်ကြည့် လေ့လာခြင်း၌ အတော်ပင်ကျွမ်းကျင်လေသည်။

နောက်တစ်ယောက်မှာ ကောင်းကင်ဘုံလူသားကမ္ဘာရှိ ဝင်္ကပါအစီအရင်တာအို၏ မြင့်မြတ်နယ်မြေများထဲမှ တစ်ခုဖြစ်သည့် တာအိုဝင်္ကပါဘုရားကျောင်း၏ လက်ရှိဂိုဏ်းချုပ် ဟဲဝမ် ဖြစ်သည်။

ဂိုဏ်းနှစ်ခုကြားမှ ဆက်ဆံရေးမှာ အလွန်နီးကပ်ပေသည်။ ကောင်းကင်လျှို့ဝှက်ချက် တောင်ကြားသည် ဝင်္ကပါအစီအရင်အမျိုးမျိုးကို တည်ဆောက်ရန် လိုအပ်သည်။ ကောင်းကင်စိတ်ဆန္ဒ၏ တာအိုနှင့် ပတ်သက်သော အစီအရင်များစွာမှာ ဝင်္ကပါအစီအရင် မြင့်မြတ်နယ်‌မြေများမှသာလျှင် တည်ဆောက်နိုင် ပေသည်။

ထို့အတူ ကောင်းကင်အမွေအနှစ်မျှော်စင်သည်လည်း ကျင့်ကြံသူများကို ရတနာများရှာဖွေခြင်း သို့မဟုတ် ကံကြမ္မာဟောခြင်းများအတွက် များစွာအထောက်အကူဖြစ်စေသည့် တွက်ချက်မှု အမျိုးမျိုးကို ပေးစွမ်းနိုင်ပေသည်။

"မကြာသေးခင်ကစပြီး ငါတို့ ကမ္ဘာကြီးက မငြိမ်မးချမ်း ဖြစ်လာနေတယ်…" ဟဲဝမ် ခေါင်းယမ်းကာ ပြောလိုက်သည်။

"ပထမ… မထွက်ပေါ်တာကြာပြီဖြစ်တဲ့ အင်ပါယာတစ်ပါး ထွက်ပေါ်လာတယ်။"

“အဲဒီတုန်းက အင်ပါယာတစ်ပိုင်းအဆင့်က ရှစ်ထောင့်ကျောက်စိမ်းက ကပ်ဘေးကြီးတစ်ခု ရောက်ရှိလာနိုင်ပြီး အင်ပါယာတစ်ပါးတောင် မရပ်တန့်နိုင်လို့ ပြောခဲ့တယ်… အဲဒါကို အင်ပါယာအသစ်ကလည်း မငြင်းဆန်ခဲ့ဘူး…။”

အကြီးအကဲ ထျန်ယု ခေါင်းညိတ်ကာ ဆက်ပြောလိုက်သည်။

“အင်ပါယာတစ်ပိုင်းအဆင့် ရှစ်‌ထောင့်ကျောက်စိမ်း အသတ်ခံရပြီလျှို့ဝှက်အစွန်အဖျားဂိုဏ်းက ကျုပ်တို့ကို မြင့်မြတ်နယ်မြေအဖြစ် ခေါ်ဆိုခွင့်မပြုတော့ဘူး။ အခုတော့ ကောင်းကင်ဘုံ အမွေအနှစ် ခေါင်းလောင်းကြီးက  မတည်မငြိမ်ဖြစ်လာခဲ့ပြီး ကမ္ဘာကြီးမှာလည်းမငြိမ်းချမ်းခြင်း တွေစတင်လာနေပြီ..”