ငါ့တပည့်တွေရူးနေကြပြီ( Book1)

61

အခန်း 61- ဆေးဝါးမျှော်စင်နှင့်ဆက်သွယ်ခြင်း

ဆေးဝါးမျှော်စင်တွင် အစည်းအဝေးကို ဆက်လက်လုပ်ဆောင်နေဆဲဖြစ်သည်။

"အခြေအနေက ဘယ်လိုပဲဖြစ်ဖြစ်.... ငါတို့ ဆေးဝါးမျှော်စင်ရဲ့  အနေအထားကတော့ လှုပ်ခတ်လို့ မရဘူး။"

"မှန်တယ်... နံပါတ်တစ် အင်အားက ငါတို့ ဆေးဝါးမျှော်စင်ပဲ ဖြစ်ရမယ်။"

"အခြေအနေ အတိအကျသိဖို့ နည်းလမ်းရှိမလား။ ရှေးဟောင်းအမွေဆိုတာ ဘာလဲ။ မဟာမိတ် ဂိုဏ်းရှစ်ခု ပါဝင်ပတ်သတ်နေသလား။”

အသင်္ချေပန်းကမ္ဘာ၏ တောင်ဝင်ရိုးစွန်း ကာကွယ်ရေး ခံတပ်သည် နှစ်ပေါင်းများစွာ ကြာရှည်ခဲ့ပြီ ဖြစ်သည်။

ဖြောင့်မှန်ခြင်းလမ်းစဉ် မဟာမိတ်ဂိုဏ်းရှစ်ခုကြောင့် သူတို့ကမ္ဘာကို နတ်ဆိုးတို့ ကျူးကျော်ခြင်းမှ တားဆီးနိုင်နေခဲ့ခြင်း ဖြစ်သည်။

ထို့ကြောင့် မဟာမိတ်ဂိုဏ်းရှစ်ခုသည် ဤကမ္ဘာတွင် ထိပ်သီးအင်အားစု, အရေးအကြီးဆုံးအင်အားစုဟု တည်ငြိမ်သော အနေအထားရှိပြီး ပြင်ပလောကနှင့်မသက်ဆိုင်သလို ဖြစ်နေခဲ့သည်။

ယခင်က ဆေးဝါးမျှော်စင်နှင့် မဟာမိတ်ဂိုဏ်းရှစ်ခုအဖွဲ့သည် အတော်ပင်နီးကပ်စွာ အတူတကွ ပူးပေါင်း လုပ်ဆောင်ခဲ့ကြသည်။

ယခုတော့ ၎င်းတို့သည် ပန်းပဲပညာရပ်နှင့် ဝင်္ကပါပညာရပ် အင်အားစုများအတွက် အထောက်အပံ့များ ရုတ်တရက် တိုးမြင့်သွားသောကြောင့် ဆေးဝါးမျှော်စင်သည် အလွန်သိချင်နေခဲ့ကြခြင်း ဖြစ်သည်။

"အဲဒါတော့ ကျုပ်တို့ မသိသေးဘူး... တောင်ဝင်ရိုးစွန်းက အပေါက်ကြီးနဲ့ ဆိုင်တယ်လို့ ကြားတယ်။”

"စုံစမ်းဖို့ နည်းလမ်းရှိလား"

“လောလောဆယ်တော့ မရနိုင်သေးပါဘူး။ ဒါပေမယ့် စုံစမ်းစစ်ဆေးဖို့ အကြီးအကဲတစ်ဦးကို ကျုပ်တို့ စေလွှတ်ထားပြီးပါပြီ။”

“ကျုပ်တို့ ဆေးဝါးမျှော်စင်မှာ အဆက်အသွယ်တွေ ကောင်းကောင်းရှိပါတယ်။ ကျုပ်တို့လည်း ရရှိသင့်တာတွေဆို အမြန် ရယူနိုင်အောင် လုပ်ဆောင်နေပါပြီ...”