အခန်း 152- ကောင်းကင်နှင့်မြေကြီး၏ဆုံးဖြတ်ချက်
အင်အားစုငယ်များက သဘောမတူဟန် ပြသလိုကြသော်လည်း စစ်မာလဲ့မှ အစည်းအဝေးအား ဆက်လက်ကျင်းပခဲ့၏။
"ကျုပ်တို့ရဲ့ လက်ရှိအစီအစဉ်တွေနဲ့ တိုးတက်မှုအတွက် အဓိက အပိုင်းနှစ်ပိုင်းရှိတယ်..."
“ပထမ.... ကောင်းကင်ဘုံလူသားကမ္ဘာရဲ့ လျှို့ဝှက်အစွန်အဖျားဂိုဏ်းအင်ပါယာက အရင်က ကျုပ်တို့ပြောခဲ့တဲ့ အမည်မဲ့အင်ပါယာဖြစ်တာကို လူတိုင်းသိလောက်ပြီ... သူက ကောင်းကင်ဘုံလူသားကမ္ဘာမှာ ကမ္ဘာ့အကာအရံကို အောင်အောင်မြင်မြင်တည်ဆောက်နိုင်ခဲ့တယ်...”
“အဲဒီ အစီအရင်ဝင်္ကပါဟာ ငါမြင်ဖူးသမျှထဲမှာ အားအကောင်းဆုံး အစီအရင်ဝင်္ကပါပဲ... ငါ့အမြင်အရတော့ လုံးဝပြီးပြည့်စုံလုနီးပါးအဆင့်မှာ ရှိတယ်...”
" အစီအရင်ဝင်္ကပါနဲ့ပတ်သက်ရင်တော့ ငါတို့ရဲ့ အစီအရင်ဝင်္ကပါကလည်း အဲဒီအစီအရင်နဲ့ အတော်လေးတူအောင် တည်ဆောက်ထားတယ်...."
“အဲဒီတော့ ပထမဆုံးအနေနဲ့ ငါတို့ အစီအရင်အူတိုင်တစ်ခု လိုအပ်တယ်... အဲဒီကောင်းကင်ဘုံလူသားကမ္ဘာကြီးမှာက နတ်ဘုရားအဆင့်ရှိတဲ့ ကောင်းကင်မဏ္ဍိုင်ကြီးတစ်ခု ရှိတယ်... အဲဒါက ငါတို့အသင်္ချေပန်းကမ္ဘာမှာ မရှိတဲ့အရာပဲ...."
"ကံကောင်းထောက်မစွာနဲ့ ငါတို့လုပ်ရမှာက သဘာဝကမ္ဘာအကာအရံရဲ့ အပေါက်ကို ပြုပြင်ဖို့ပဲ.... ကမ္ဘာ့အကာအရံတစ်ခုလုံးကြီးကို ဖန်တီးမှာ မဟုတ်ဘူး..."
“အဲဒီတော့ ကျုပ်တို့ရဲ့ ဝင်္ကပါရဲ့ အဓိကအချက်အနေနဲ့ ပန်းပဲပညာရှင်အစည်းအရုံးရဲ့ ပူးပေါင်းဆောင်ရွက်မှု လိုအပ်တယ်... လိုအပ်ချက်တွေနဲ့ ပုံစံအသေးစိတ်တွေကို နောက်မှ ကျုပ် အသေးစိတ်ပို့ပေးမယ်..."
ပန်းပဲပညာရှင်အစည်းအရုံး၏ ခေါင်းဆောင် ဖူရှောင်ထျန်က ခေါင်းညိတ်ပြလိုက်သည်။
ထိပ်တန်း ပန်းပဲပညာရှင်တစ်ယောက်အနေနှင့် သူ့အဆင့်အတန်းမှာ ဤနေရာတွင် အခြားသူများထက် ပိုမိုမြင့်မားပေသည်။ သူသည်ကျင့်ကြံခြင်းတွင်လည်း မြင့်မားသည့်အဆင့်တစ်ခုရောက်နေပြီဖြစ်သလို ပန်းပဲပညာတွင်လည်း ထိပ်တန်းပင်ဖြစ်သည်။
YOU ARE READING
ငါ့တပည့်တွေရူးနေကြပြီ( Book1)
AventurăTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...