အခန်း 62- အားကောင်းတဲ့ ဆေးဝါးမျှော်စင်
“ကျုပ်ပြောတာ စိတ်မဝင်စားပါဘူး လို့… တခြားပြောစရာ ရှိသေးလား.."
ထိုကဲ့သို့သောအဖြေမျိုး ရရှိဖို့ သူမ ဘယ်တုန်းကမှ မျှော်လင့်မထားခဲ့ပေ။
ရန်ရှောင်းယွမ် မည်ကဲ့သို့ တုံ့ပြန်ရမည် မသိပေ။
"တခြားဘာများရှိသေးလား... တခြားဘာမှ မရှိဘူးဆိုရင်တော့ ကျုပ် လေ့လာစရာရှိတဲ့ အစီအရင်ဝင်္ကပါ ကို ဆက်လေ့လာပါတော့မယ်။"
ဝင်္ကပါကို လေ့လာမယ်…. ဟုတ်လား…။
သော့ချက်ကို တွေးမိသွားသော ရန်ရှောင်းယွမ်မှလည်း ချက်ချင်း တုံ့ပြန်ခဲ့လေသည်။
“ကျွန်မတို့ ဆေးဝါးမျှော်စင်က အဖွဲ့ဝင်တွေအတွက် အထောက်အပံ့ရင်းမြစ်တွေ အများကြီး ထောက်ပံ့ပေးမှာပါ… ရှင် လုပ်စရာလည်း သိပ်မရှိပါဘူး အတော်ရိုးရှင်းပါတယ်… ဘာလို့ကျွန်မတို့ အဖွဲ့ထဲ မဝင်ချင်တာပါလဲ…"
"ဘာလို့လဲဆိုတော့ ဆေးဝါးမျှော်စင်ရဲ့ကိစ္စတွေက အရမ်းအလုပ်ရှုပ်တယ်... ကျုပ်က အလုပ်များဖို့ အချိန်သိပ်မရှိဘူး… ဝင်္ကပါပညာရပ်ကို လေ့လာရမယ်။"
ထိုကဲ့သို့ ရိုးရှင်းစွာ ငြင်းဆိုမှုကို ထပ်မံကြားလိုက်ရသောအခါ ဆေးမျှော်စင်မှအမျိုးသမီးမှာ သိသိသာသာ ဒေါသထွက်သွားသည်။
"ရှင့်ကို ကျွန်မ တည့်တည့်ပဲမေးမယ်… ရှင်တို့ ရှေးဟောင်းအမွေအနှစ်ကို လေ့လာနေတာ ကျွန်မတို့သိတယ်။ အဲဒီအမွေအနှစ်အကြောင်း အသေးစိတ် အချက်အလက်တွေ သိချင်တယ်… ရှင် ဘာနဲ့ လဲလှယ်ချင်သလဲ”
"ဘာနဲ့လဲချင်တာ… ရှေးဟောင်းအမွေအနှစ်အကြောင်း အသေးစိတ် ဟုတ်လား….”
“ဟုတ်တယ်…”
"မင်းတို့ရဲ့ ဆေးဝါးမျှော်စင်က အရမ်းအားကောင်းတာပဲ… အတိအကျ အခြေအနေကို မစုံစမ်းနိုင်ကြဘူးလား"
"လောလောဆယ်တော့ ရှင့်ဆီက စုံစမ်းရဖို့ ကျွန်မတို့ မျှော်လင့်နေတယ်…"
ဝူယွမ်ဖေး၏ နှုတ်ခမ်းထောင့်များ ကွေးညွတ်သွား၏။
သူ့မှာ ဝင်္ကပါပညာရှင် တစ်ယောက်အနေဖြင့် ဆေးဝါးမျှော်စင်၏ ခွန်အားကို အမြဲတမ်း မကျေမနပ်ဖြစ် နေခဲ့သည်။
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
