အခန်း 124- ပုယီကျန်းရန်ထံမှသတင်း
လျှို့ဝှက်အစွန်အဖျားဂိုဏ်း ပင်မတောင်ထိပ်...။
ဂိုဏ်းချုပ်ဒင်သည် သူ့လက်ထဲရှိ ကျောက်စိမ်းပြားလေးကို လေးနက်သော အမူအရာဖြင့် ကြည့်နေလေသည်။
ထိုကျောက်စိမ်းပြားကို ပုရီကျန်းရန်ထံမှပေးပို့လာခဲ့ကြောင်း သတင်းပို့လာသူ တပည့်ထံမှ သိရ၏။
လက်ရှိ လျှို့ဝှက်အစွန်အဖျားဂိုဏ်းအတွက် ပုရီကျန်းရန်သည် အလွန်အရေးကြီးသော တည်ရှိမှုတစ်ခု ဖြစ်သည်။
သူသည် လျှို့ဝှက်အစွန်အဖျားဂိုဏ်းအင်ပါယာ ရီချန်းဂျီ၏ ဆရာသခင်ဖြစ်သည်။ ထို့ကြောင့် သူ့အဆင့်အတန်းမှာ ပုံမှန်အတိုင်း မြင့်မားလာသည်သာ ဖြစ်၏။
"စီနီယာ... ဒီဂျူနီယာက ဒီကမ္ဘာတစ်ခုလုံးကို ခရီးပတ်ထွက်နေခဲ့တာက ကမ္ဘာကြီးပေါ်မှာ ကွယ်ဝှက်ထားတဲ့ ထူးဆန်းတဲ့ စွမ်းအားတစ်ခုကို ရှာဖွေနေခဲ့တာ... သူတို့ရဲ့ ရည်ရွယ်ချက်ကို အခုထိ မသိရသေးပေမယ့် ဆက်လက် စုံစမ်းနေဆဲပါပဲ....”
(ဂိုဏ်းချုပ်ဒင်ရှင်းပိုမှာ ရီချန်းဂျီဆရာ ပုရီကျန်းရန်နှင့် မျိုးဆက်တစ်ခုတည်းဖြစ်ပြီး ဒင်ရှင်းပိုမှာ ပိုတည်ငြိမ်ကာ ရင့်ကျက်သဖြင့် ဂိုဏ်းချုပ်တာဝန်ကို ရရှိခဲ့ခြင်းဖြစ်ကြောင်း ဖော်ပြခဲ့ပြီး... ဝါစဥ်အရဆိုလျှင် ဂိုဏ်းချုပ်ဒင်မှာ ရီချန်းဂျီ၏ ဆရာဦးလေးဖြစ်သည်.... ဤကားစကားချပ်။)
"ငါ့ရဲ့ စုံစမ်းမှုတွေအရ အောက်က အချက်တွေကို ရှာဖွေတွေ့ရှိခဲ့တယ်..."
“ပထမအချက်... အရှေ့ပိုင်းဒေသ အပြင်ဘက်မှာ လျှို့ဝှက်အစွန်အဖျားဂိုဏ်းကို ပစ်မှတ်ထားနေတဲ့ အင်အားစုတွေရှိတယ်... သူတို့ရဲ့ ရည်ရွယ်ချက်ကို တိတိကျကျ မသိရသေးပေမယ့် သတိထားဖို့တော့ လိုတယ်...”
"ငါ စုံစမ်းလို့ ရသလောက်က ဒီအင်အားစုက လွန်ခဲ့တဲ့ ထောင်စုနှစ်အနည်းငယ်က ငါတို့ဂိုဏ်းရဲ့ ရန်သူတော်ဖြစ်လာတဲ့ အသူရာတစ္ဆေဒေသနဲ့ ဆက်စပ်နေတယ်...."
"ရက်အနည်းငယ်ကြာအောင် စုံစမ်းပြီးမှ သူတို့ရဲ့ ရည်ရွယ်ချက်ဟာ အသက်ရှင်ကျန်ရှိနေသေးတဲ့ မြေအောက်မျိုးနွယ်စုနဲ့ ဆက်စပ်နေတယ်ဆိုတာ ငါ တွေ့ရှိခဲ့ရတယ်..."
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
