အခန်း 50- တုန်လှုပ်သွားကြခြင်း
အသင်္ချေ ပန်းကမ္ဘာ။ ကောင်းကင်ရေလကြေးမုံဂိုဏ်း။
"တာအိုပညာရှင်ဟဲယု…. ခင်ဗျားရဲ့ ဆန်းကြယ်အစီအရင်ဂိုဏ်းမှာ ဒီလို အစီအရင် ဝင်္ကပါ ရှိလား…"
" တာအိုပညာရှင်ဟဲယု… တာအိုပညာရှင်ဟဲယု…!"
ကောင်းကင်ရေလကြေးမုံဂိုဏ်းချုပ်မှာ ပုံရိပ်အားကြည့်ကာ မိန်းမောနေဟည့်တာအိုပညာရှင်ဟဲယုကို အကြိမ်အနည်းငယ် အော် ခေါ်ကာ နှိုးလိုက်ရ၏။
ဟဲယုမှာ ရီချန်းဂျီ၏ အစီအရင် ဝင်္ကပါကို အချိန်အတော်ကြာအောင် စောင့်ကြည့်နေခဲ့ပြီးသည့်တိုင် အကြိမ်ပေါင်းများစွာ ထပ်၍ကြည့်ရှုခဲ့သေးသည်။
“ဒီလူဟာ တကယ်ပဲ အင်ပါယာဖြစ်ထိုက်တယ်။ သူဖန်တီးထားတဲ့ အစီအရင်အုတ်မြစ်ကို တစ်ခါမှ မမြင်ဖူးဘူး။"
"ဒါဆို သူလုပ်ဆောင်နေတဲ့ အစီအရင် ကို မင်းမသိနိုင်ဘူးပေါ့။"
“အဲဒါကို ကျုပ် လုံး၀ မခန့်မှန်းနိုင်ဘူး။ ကျုပ် သိတာတစ်ခုက အဲ့ဒါ ကမ္ဘာ့အကာအရံ အစီအရင် ဖြစ်နိုင်တယ်။”
ဂိုဏ်းချုပ်ရွှီယွီမှာ မည်ကဲ့သို့ တုံ့ပြန်ရမည်ကို မသိတော့ပေ။
သူမသည် ထိုအင်ပါယာ၏ အစီအရင်ဝင်္ကပါကို ပူးပေါင်းစုံစမ်းရန် အသင်္ချေပန်ူကမ္ဘာမြစ်ဂိုဏ်း ကို အထူးဖိတ်ကြားခဲ့သော်လည်း ယခုအခါတွင် မည်သို့မျှ မထူးခြားသည့်ပုံပင်။
"အဖိုးကြီး… ခင်ဗျားက ဘာမှ နားမလည်နိုင်ပဲနဲ့ ဘာလို့ ထိုင်ကြည့်နေတာလဲ"
သူ့ဘေးတွင်ထိုင်နေသော ဖြောင့်မတ်သည့်ဂိုဏ်းရှစ်ဂိုဏ်းဟု နာမည်ခံသည့် ဂိုဏ်းရှစ်ဂိုဏ်းမှ တစ်ခုဖြစ်သော ဓာတ်ငါးပါးဂိုဏ်းမှ ပညာရျင် ရှိထျန်းသည် ထိုလူကို မကျေမနပ်နှင့် လှောင်ပြောင်လိုက်၏။
"မင်းဘာသိလို့လဲ… အဲဒီအစီအရင်ဝင်္ကပါအဆင့်က အရမ်းမြင့်မားပြီး သူရဲ့ စွမ်းအားက အရမ်းပြင်းထန်တာက တကယ် သောက်ကျိုးနည်းကြီးဟ…” ဟဲယုမှာ စိတ်များ အလွန်လှုပ်ရှားနေကာ စကာားများပင်း ကြမ်းတမ်းနေတော့သည်။
YOU ARE READING
ငါ့တပည့်တွေရူးနေကြပြီ( Book1)
AventuraTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...