အခန်း 177- ဆုလာဘ်များ
ရီချန်းဂျီမှ တပည့်သုံးယောက်ကို ပေးလာခဲ့သည့် ပစ္စည်းများမှာ သူတို့ကို တစ်ဖန် အံ့အားသင့်သွားစေ၏။
ယနေ့မှာ သူတို့သုံးယောက်အတွက် တကယ်ကို အိပ်မက်ဆန်သည့် နေ့တစ်နေ့ပင် ဖြစ်နေတော့သည်။
ပထမဦးစွာ သူတို့သည် လျှို့ဝှက်အစွန်အဖျားဂိုဏ်းသို့ ရောက်ရှိလာပြီး လျှို့ဝှက်အစွန်အဖျားဂိုဏ်းအင်ပါယာ၏ အကြီးဆုံးတပည့် ဟဲရှူရှင်းသည် တပည့်လက်ခံခြင်း အခမ်းအနားကို ကြည့်ရှုနေသည်ကို မတော်တဆ တွေ့ရှိခဲ့ကြသည်။
ပုံမှန်အားဖြင့် မီးသစ်တောတောင်ထိပ်သည် ဤသို့သောအခမ်းအနားတွင် ပါဝင်ရန် မည်သူကိုမျှ စေလွှတ်မည်မဟုတ်ကြောင်း သူတို့ သိထားခဲ့ကြသည်။
ဒုတိယအနေနှင့် သူတို့၏ ပြိုင်ပွဲရလဒ်များ မထွက်ခင်မှာပင် ဟဲရှူရှင်းမှ သူတို့သုံးယောက်ကို လျှို့ဝှက်အစွန်အဖျားဂိုဏ်းအင်ပါယာရှေ့သို့ ခေါ်ဆောင်ရောက်ရှိလာခဲ့သည်။
ယခုအချိန်တွင်အင်ပါယာ၏ တပည့်ဖြစ်လာရခြင်းသည် သူတို့ခန့်မှန်းထားသည့် အချိန်မတိုင်ခင် ပန်းတိုင်ကို ရောက်ရှိသွားခဲ့သလိုပင် ဖြစ်သည်။
ရီချန်းဂျီ ပေးခဲ့သည့် ကျင့်စဉ်နှင့် နတ်ဘုရားလက်နက်တို့မှာ သူတို့သုံးယောက်ကို တကယ်ပင် အံ့အားသင့်နေစေခဲ့သည်။
'အင်ပါယာက ငါတို့ရဲ့ သက်ဆိုင်ရာကျင့်စဥ်တွေနဲ့ ငါတို့နဲ့လိုက်ဖက်တဲ့ လက်နက်သုံးခုကို အဆင့်သင့်ထုတ်ပေးနိုင်တာက တိုက်ဆိုင်မှုဟုတ်ပါ့မလား....'
ထိုမေးခွန်းမှာ ဝူယွမ်ဖေး ထုတ်မပြောရဲသော မေးခွန်းတစ်ခုအဖြစ်ရှိနေလေသည်။
သူ့ဆရာကိုသာ ကျေးဇူးတင်စွာ အရိုအသေပြုလိုက်ပြီး သူ့ထံရောက်ရှိလာသော ဝင်္ကပါတစ်သောင်း၏မူလအစကျင့်စဥ်ကို လှန်လှောကြည့်လိုက်သည်။ စာအုပ်ထဲတွင် ဖော်ပြထားသည့် ဝင်္ကပါအစီအရင်များမှာ ချက်ချင်းပင် သူ့ကို စွဲလန်းသွားစေတော့သည်။
ကျန်သည့် နှစ်ယောက်လည်း ထိုသို့သာ ဖြစ်သည်။
"ဒါ.. ဒါ.. ဒါက... လျှို့ဝှက်ဝင်္ကပါပညာလက်စွဲစာအုပ်... ဒါက ဘယ်အဆင့်လဲ..."
YOU ARE READING
ငါ့တပည့်တွေရူးနေကြပြီ( Book1)
AventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...