အခန်း 65:အင်ပါယာကို ဂယက်ရိုက်ခြင်း။
ဝမ်လောင်ရှုလည်း သလင်းကျောက်ကို ယူဆောင်ကာ စိတ်လှုပ်ရှားစွာဖြင့် ထွက်လာခဲ့သည်။
ဘိုးဘေးများထံမှ ရသည့်ပစ္စည်းသည် လက်ရှိ ရင်ဆိုင်နေရသည့် အကျပ်အတည်းကို ဖြေရှင်းနိုင်ရုံသာမက ဆေးဝါးမျှော်စင်၏ အခြေခံအုတ်မြစ်သည် သူထင်ထားသည်ထက် ပိုမိုခိုင်မာသည်ကို သက်သေပြလိုက်ခြင်းလည်းဖြစ်သည်။
ဆေးဝါးမျှော်စင်သည် အပြင်လောကမှ ကောင်းကင်နတ်ဆိုးများ ထိန်းချုပ်ထားသော ဂိုဏ်းများစွာကို ဖျက်ဆီးပစ်နိုင်ခဲ့မည်ဟု သူမထင်ထားခဲ့ပေ။
ထိုသို့ဖြင့် သူတို့သည် ပြင်ပလောကမှ အရာများစွာကိုပင် ရရှိထားခဲ့သည်။
ကောင်းကင်နတ်ဆိုးများသည် အခြားကမ္ဘာကို ကျူးကျော်ရန်စလေ့ ရှိသည်။
ဤသလင်းကျောက်သည် ဤကမ္ဘာမှ အရာတစ်ခု မဟုတ်သည်ကတော့ သေချာပေသည်။
မဟာမိတ်ဂိုဏ်းရှစ်ခုသည် အခြားကမ္ဘာမှ အင်ပါယာကို ချောင်းမြောင်းကြည့်ရှုလေ့လာနိုင်သည်။
သူတို့၏ ဆေးဝါးမျှော်စင်သည်လည်း အခြားကမ္ဘာများမှ ရတနာများကိုအခြေခံအုတ်မြစ်အဖြစ် ရယူနိုင်ပေသည်။
"ဟီး ဟီး... မဟာမိတ်ဂိုဏ်းရှစ်ခုလား.... ဒီအချိန်မှာ ဘယ်သူက အသာရမယ်ဆိုတာ ပြောဖို့ခက်ပါသေးတယ်....”
ဝမ်လောင်ရှုလည်း အချိန်မဖြုန်းနေဘဲ လျှို့ဝှက်ခန်းကို တတ်နိုင်သမျှ အမြန်ရောက်သွားခဲ့သည်။
ဆေးဝါးမျှော်စင်သည် အလွန်ကြွယ်ဝပြီး အားကောင်းသည်။ မကြာမီတွင် ဘိုးဘေးများ မှာကြားလိုက်သော သလင်းကျောက်ကို စတင်အသုံးပြုရန် လိုအပ်သော အရင်းအမြစ်များသည် အဆင်သင့်ဖြစ်နေပြီဖြစ်သည်။
သူ့လက်ထဲတွင် ထူးဆန်းသော သလင်းကျောက်ကို ကိုင်ထားရင်း ဝမ်လောင်ရှု တစ်ယောက် သူ့တစ်ကိုယ်လုံးတွင် စွမ်းအားများပြည့်နေသလို ခံစားနေရလေသည်။
သူ၏ခန္ဓာကိုယ်ရှိ ဝိညာဉ်စွမ်းအင်များနှင့် သလင်းကျောက်လုံးသည် လျင်မြန်စွာ ရောယှက်နေပြီး တစ်ခုနှင့်တစ်ခု ပေါင်းစပ်ကာ ပဲ့တင်ထပ်နေလေသည်။
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...