အခန်း 133- ပြင်ဆင်ခြင်း
"မင်းတို့ရဲ့ ယုံကြည်မှုအတွက် ကျေးဇူးတင်တယ်... အဲဒါဆို ကျုပ် ပစ္စည်းတွေ ပြင်ဆင်တော့မယ်... ကျုပ်တို့ အဆက်အသွယ်လုပ်ရအောင် သတင်းပို့ကျောက်တုံးတွေ ဖလှယ်ထားကြရအောင်။"
ဝူယွမ်ဖေး အနည်းငယ် စိတ်လှုပ်ရှားနေမိသည်။
ထို့နောက်သုံးယောက်သား စကားစမြည်ပြောပြီးသည်နှင့် လမ်းခွဲလိုက်ကြသည်။
ကောင်းကင်ရေလကြေးမုံဂိုဏ်းတွင် ဝင်္ကပါပညာရပ်များ လေ့လာပြီးနောက် ဝူယွမ်ဖေးတွင် အဆက်အသွယ်နှင့် အရင်းအမြစ်များ ပေါများလာခဲ့သည်။
သူ တစ်ခုခုကို လုပ်ချင်လျှင် ရနိုင်သည့် အကူအညီများမှာ သူ ယခင်က တွေးပင်မတွေးမိသော အရာများဖြစ်သည်။
မကြာမီတွင် ကောင်းကင်ရေလကြေးမုံဂိုဏ်းမှ ပန်းပဲပညာရှင်များသည် ဝူယွမ်ဖေး ဟင်းလင်းပြင်ထဲတွင် ပျံသန်းသွားလာနိုင်သော သင်္ဘောသင်္ဘောပျံတစ်စင်း လိုအပ်နေကြောင်း သိလိုက်ကြရသည်။
"ဝူယွမ်ဖေး... မင်းက ဒါကို ဘာအတွက် လိုအပ်တာလဲ... မင်း ကမ္ဘာ့အပြင်ထွက်ပြီး အပြင်ဘက်က ကောင်းကင်နတ်ဆိုးတွေနဲ့ တိုက်ခိုက်ချင်လို့လား..."
“အဲဒါကို မဖြစ်နိုင်တဲ့အရာကြီး.... အဲဒီလိုအရာက ဖန်တီးနိုင်တယ်ဆိုပေမယ့် ပစ္စည်းတွေလည်း အများကြီး လိုအပ်တယ်... တို့ကမ္ဘာကလူတွေအရည်အချင်းနဲ့ အရည်အသွေးကောင်းကောင်းလည်း မရနိုင်ဘူး...”
လူအချို့က သူ့အား လှောင်ပြောင်ကြပြီး အချို့က အကြံပေးကြသည်။
ဝူယွမ်ဖေးသည် ထိုသို့သောအရာကို ရရှိရန် မဖြစ်နိုင်ကြောင်း သူတို့အားလုံး ထင်ကြေးပေးနေခဲ့ကြသည်။
“ကျုပ်မှာ ဒီဇိုင်းတစ်ခုရှိပြီးသား... လေ့လာရေးခရီး တစ်ခုအတွင်းမှာတုန်းက ကျုပ်ရရှိခဲ့တာ...”
ဝူယွမ်ဖေးမှာ သူ့အားဝေဖန်နေသူများကို ပြန်ပြောမနေပေ။ အဝါရောင်တာအိုနန်းတော်အမွေအနှစ်မှ ရရှိခဲ့သော သင်္ဘောပျံ ဒီဇိုင်းပါရှိသော ကျောက်စိမ်းပြားကို ထုတ်ပြလိုက်သည်။
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
