ငါ့တပည့်တွေရူးနေကြပြီ( Book1)

99

အခန်း 99- မြင့်မြတ်နယ်မြေများ၏အစီအမံများ

ထိုသို့ဖြင့်ကောင်းကင်အမွေအနှစ်မျှော်စင်သခင်နှင့် ဝင်္ကပါတာအိုဘုရားကျောင်းသခင်သည် နောက်ဆုံးတွင် သဘောထားမတိုက်ဆိုင်ကြသဖြင့် လက်မတွဲဖြစ်ခဲ့ကြပေ။

နှစ်ပေါင်းများစွာ အတူတကွ လက်တွဲလုပ်ဆောင်ခဲ့သော မြင့်မြတ်နယ်မြေနှစ်ခုသည် ယခုတစ်ကြိမ်တွင် သဘောထားကွဲလွဲမှုများစွာရှိနေခဲ့သည်။

ကောင်းကင်အမွေအနှစ်မျှော်စင်သည် ကောင်းကင်အမွေအနှစ်နာရီစင်မှ ထွက်ပေါ်နေသည့် ပုံရိပ်ကို ဖြတ်တောက်လိုက်သည်။

ထို့နောက် ဝင်္ကပါတာအိုဘုရားကျောင်းမှလူများအားလုံးကို နှင်ထုတ်ခဲ့သည်။

တပည့်များ၏ စိတ်ပျက်အားငယ်မှုအောက်တွင် ချန်ဟဲ ဆုံးဖြတ်ချက်တစ်ခုချခဲ့လိုက်၏။

သူတို့ ဝင်္ကပါဘုရားကျောင်းမှ အရည်အချင်းရှိသော တပည့်များနှင့် အဖိုးတန်ပစ္စည်းများစွာကို လျှို့ဝှက်အစွန်အဖျားဂိုဏ်းသို့ ယူဆောင်လာကာ အင်ပါယာအား အရိုအသေပြုစေခဲ့သည်။

ဂိုဏ်းချုပ်ဒင်မှာ ဝင်္ကပါတာအိုဘုရားကျောင်း၏ လာရောက်လည်ပတ်မှုအား မမျှော်လင့်ထားဘဲ သိလိုက်ရသဖြင့် အလွန်အံ့သြသွားခဲ့ရသည်။

တစ်နေ့နေ့တွင် မြင့်မြတ်နယ်မြေတစ်ခုသည် ဂိုဏ်းသို့ သူ့ဟာသူ ရောက်လာကာ အရိုအသေပြုလာမည်ဟု သူ မမျှော်လင့်ခဲ့ပေ။

၎င်းတို့ရောက်ရှိလာခြင်းသည် လျှို့ဝှက်အစွန်အဖျားဂိုဏ်းမှ တပည့်များစွာကို အနည်းငယ် ထိတ်လန့်စေခဲ့သည်။

အကြီးအကဲချင်ခန်းမှာ ထိုသို့ထိတ်လန့်ကြသည်ဟုသတင်းကြားလျှင် အတော်ပင် ဒေါသထွက်ကာ ဆူပူနေခဲ့လသည်။

ယခုအချိန်တွင် သူတို့၏ လျှို့ဝှက်အစွန်အဖျားဂိုဏ်းသည် ကောင်းကင်ဘုံလူသားကမ္ဘာတစ်ခုလုံးတွင် အင်အားအကြီးဆုံးဂိုဏ်းဖြစ်သည်။

လျှို့ဝှက်အစွန်အဖျားဂိုဏ်းမှာ သူတို့ကိုယ်သူတို့ မြင့်မြတ်နယ်မြေဟု မခေါ်လျှင် တခြားဂိုဏ်းများလည်း သူတို့ကိုယ်သူတို့ မြင့်မြတ်နယ်မြေဟု ခေါ်ဆိုခွင့်မရှိပေ။