ငါ့တပည့်တွေရူးနေကြပြီ
အခန်း ၂၅: ချီစွမ်းအင်ဓား“ဟာဟား... ခင်ဗျားတို့ လျှို့ဝှက်အစွန်အဖျားဂိုဏ်းက ထူးထူးခြားခြား အစွမ်းထက်တဲ့ပုံပဲ... ခင်ဗျားတို့ရဲ့ဓားတာအို အမွေကလည်း အတော်ထူးခြားတာပဲ... ချီစွမ်းအင် ဓားတစ်ချောင်းတည်းနဲ့ သူတော်စင်တစ်ပိုင်းအဆင့် လုချန်မင် ကို တကယ်ပဲသတ်ပစ်နိုင်တဲ့ ဓားတာအို ကျွမ်းကျင်သူတစ်ယောက် ရှိတယ်လား...”
ချန်းဂျီရန်၏ ဘေးတွင်ထိုင်နေသည့် ရှီဂျန်မှလည်း မတ်တပ်ရပ်လိုက်သည်။
“ကျုပ်တို့ရဲ့ အသင်္ချေဓားဂိုဏ်းဟာ ဓားတာအိုကို အထွတ်အမြတ်ထား ကျင့်ကြံရာနေရာတစ်ခု ဖြစ်ပါတယ်။ ကျုပ်တို့က အန္တိမဓားဆယ်လက်ဂိုဏ်းရဲ့ ဓားတာအို ကို အထင်အမြင် သေးတာမဟုတ်ဘူး... ဒါပေမယ့် သူတို့ရဲ့ ဓားနည်းစနစ်တွေရဲ့ အစွမ်းကို ကျုပ်တို့ လုံးဝ ရှင်းရှင်းလက်းလင်း သိထားတယ်။”လေထုသည် ချက်ချင်းပင် တင်းမာလာခဲ့ လေသည်။
ဂိုဏ်းချုပ်ဒင်၏ မျက်နှာမှာလည်း မည်းမှောင်သွားသည်။
“ခင်ဗျားတိုါ မယုံရင်လည်း ကိစ္စမရှိပါဘူး... ဘယ်လိုပဲဖြသ်ဖြစ်... ကျုပ်တို့ကတော့ ဒီဓားအလင်းကို အခုအချိန်မှာ ထုတ်ပြီး သက်သေမပြနိုင်ဘူး။ ခင်ဗျားတို့ ပြောနေတဲ့ အရာမဟုတ်တာကိုတော့ ကျုပ်တို့အကုန် အာမခံနိုင်တယ်... အားလုံးပဲ ပင်ပန်းသွားကြပြီဆိုတော့ တခြားကိစ္စမရှိရင် ပြန်နိုင်ကြပါပြီ....
ချန်းဂျီရန်မှာ ဂိုဏ်းချုပ်ဒင်သည် သူတို့ကဲ့သို့ မြင့်မြတ်နယ်မြေမှလာသူများကို ထိုကဲ့သို့သောပုံစံဖြင့် အမှန်တကယ်ပြောဝံ့မည်ဟု မထင်ခဲ့ပေ။
လုချန်မင်ကို သတ်ဖြတ်ပြီးနောက် မြင့်မြတ်နယ်မြေများကို မျက်စိထဲထည့်ရန် မလိုအပ်တော့ဟု လျှို့ဝှက်အစွန်အဖျားဂိုဏ်း ထင်နေခဲ့ခြင်းဖြစ်မည်လော။
သူ့နာမည်အတိုင်းပင် ရှီဂျန်၏ ကိုယ်ရည်ကိုယ်သွေးသည် အတော်လေး တည်ငြိမ်သည်။ အခြေအနေများ တဖြည်းဖြည်း တင်းမာလာနေသည်ကို မြင်လျှင် နည်းလမ်းတစ်ခုကို အဆိုပြုလိုက်သည်။
YOU ARE READING
ငါ့တပည့်တွေရူးနေကြပြီ( Book1)
AventuraTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...