အခန်း 178- ဆုလာဘ်များ (၂)
"ဒါက ငါ့ရဲ့ ကာကွယ်ရေးအတွက်ပဲ ဖြစ်ဖြစ် ကောင်းကင်ဘုံလူသားကမ္ဘာရဲ့ ကာကွယ်ရေးအတွက်ပဲ ဖြစ်ဖြစ် နှစ်ခုစလုံးကို ပိုအားကောင်းအောင် လုပ်နိုင်တယ်..."
နောင်တွင် သူကြုံတွေ့ရသော ရန်သူများသည် ပိုမိုအားကောင်းလာမည်ဖြစ်သည်။ ကမ္ဘာ့ခုခံရေးအစီအမံများကို မြှင့်တင်ရန် အလွန်လိုအပ်သည်။
လျှို့ဝှက်အစွန်အဖျားဂိုဏ်းသည် ကောင်းကင်ဥမင်၏ ကာကွယ်မှုဖြင့် အတော်လုံခြုံသည်ဟု ဆိုနိုင်သည်။
"ဒီ မဟာနတ်ဆိုးမီးလျှံက ဘာလဲ..."
ကျေနပ်အားရစွာဖြင့် ရီချန်းဂျီသည် သူ၏ဆုလာဘ်ကို ဆက်လက်စစ်ဆေးနေခဲ့သည်။
ယခုအကြိမ် ဆုလာဘ်များ အများအပြားရရှိခြင်းသည် သူ၏ ခွန်အားကို များစွာ တိုးပွားစေသည်ဟု ဆိုရမည်ဖြစ်သည်။
ရီချန်းဂျီ ခန္ဓာကိုယ်တစ်ဝိုက်တွင် အလွန်ပူပြင်းသော အနက်ရောင်မီးတောက်တစ်ခု ထွက်ပေါ်လာ၏။
၎င်းမှာ သူ့ခန္ဓာကိုယ်တွင် အနက်ရောင် ချပ်ဝတ်တန်ဆာတစ်ခုလိုပင် ဖြစ်နေလေသည်။
ဖောက်ထွင်းမြင်နိုင်သော အနက်ရောင်မီးတောက်သည် အလွန်းအားကောင်းဟန်ရသလို ၎င်းအား မြင်လိုက်သူများကို ထူးဆန်းသောခံစားချက်တစ်ခုကိုလည်း ပေးစွမ်းနိုင်ပေသည်။
“ဒီမီးတောက်က ဘာလောင်စာကိုမှ မသုံးဘဲ တောက်လောင်နေနိုင်ပုံရတယ်...”
ရီချန်းဂျီ၏ အာရုံများအရ မဟာနတ်ဆိုးမီးလျှံသည် အဆိုးမြင်စိတ်ဆန္ဒများကို လောင်စာအဖြစ် အသုံးချနေနိုင်ပုံရပေသည်။
မကြာခင်မှာပင် ထိုမီးတောက်အား ထိန်းချုပ်ရန် နည်းလမ်းတစ်ခုကို သူ တွေ့ရှိခဲ့သည်။ ရီချန်းဂျီသည် မီးတောက်၏ လုပ်ဆောင်ချက်အမျိုးမျိုးကို စတင်စမ်းသပ်နေခဲ့သည်။
မီးတောက်၏ စွမ်းအားသည် ပြင်းထန်သည်ဖြစ်စေ မပြင်းထန်သည်ဖြစ်စေ သူ့အတွေးတစ်ချက်နှင့်အတူ ၎င်းသည် အလွန့် အလွန်ဝေးကွာသော အတိုင်းအတာအထိပင် ဖုံးလွှမ်းနိုင်ပေသည်။
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
