အခန်း 52- လျှို့ဝှက်အစွန်အဖျားဂိုဏ်း၏ အခမ်းအနား
လျှို့ဝှက်အစွန်အဖျားဂိုဏ်း ပင်မဂိုဏ်းရင်ပြင်...။
ဂိုဏ်းချုပ်ဒင်မှာ တည်ကြည်လေးနက်ဟန်ဆောင်နေသော်လည်း သူ၏စိတ်လှုပ်ရှားမှုကို မဖုံးကွယ်နိုင်ပေ။ ဂိုဏ်းချုပ်ဒင်မှာ ပင်မခန်းမရှေ့ရှိ အမြင့်ဆုံး စင်မြင့်ပေါ်တွင် ငြိမ်သက်စွာ ရပ်နေ လေသည်။
သူ့ပတ်ဝန်းကျင်တွင် အခြားတောင်ထိပ်ခေါင်းဆောင်တို့အတွက် ထိုင်ခုံခုနစ်လုံးနှင့် လီရှန်းရီအတွက် တစ်လုံး ရှိနေ၏။
အခြားအကြီးအကဲများလည်း ၎င်းတို့၏ စိတ်လှုပ်ရှားမှုများကို ဖုံးကွယ်၍ မရနိုင်ပေ။
လီရှန်းယီသည်သာ တည်ကြည်ငြိမ်သက်စွာ ရှိနေလေသည်။
ရီချန်းဂျီ၏ဆန္ဒမှာ အစစ်အမှန်သူတော်စင် အဆင့်ဖြစ်ကြောင်း သူသိထားသည်။ အင်ပါယာ အဆင့်သည် သူ့ဆရာ၏ ရည်မှန်းချက်မဟုတ်ပေ။
လူသားတစ်ဦးအနေနှင့် ပုံမှန်အတိုင်း တိုးတက်လာမည် ဆိုပါက သူသည် အင်ပါယာအဆင့်သို့ ရောက်ရှိသွားမည် ဖြစ်သည်။
သူ့အတွက်မှာလည်း ရီချန်းဂျီ၏တပည့်ဖြစ်လာခြင်းသည်လည်း သူ၏ကန့်သတ်ချက်မဟုတ်ပေ။
ယခုလက်ရှိ ရင်ပြင်တွင် ရောက်ရှိနေသည့်အထဲမှ လူအများအပြားမှာ လျှို့ဝှက်အစွန်အဖျားဂိုဏ်း သို့ ဆက်သွယ်ရန် အဖွဲ့မျိုးစုံမှ စေလွှတ်ခဲ့သူများ ဖြစ်သည်။
အများစုမှာ အလယ်ပိုင်းဒေသ၏ မြင့်မြတ်နယ်မြေများမှ ဖြစ်ကြလေသည်။
၎င်းတို့သည် လျှို့ဝှက်အစွန်အဖျားဂိုဏ်းနှင့် တချိန်မဟုတ် တချိန် ထိတွေ့ဆက်ဆံရမည်မှာ မလွဲမသွေပင်ဖြစ်သည်။
တစ်ဖက်တွင်လည်း သူတို့အပေါ် ရီချန်းဂျီ၏သဘောထားကို စမ်းသပ်ကြည့်လိုကြသည်။
အင်ပါယာမရှိသည့် မည်သည့်အဖွဲ့ကိုမျှ မြင့်မြတ်နယ်မြေဟု ခေါ်ဆိုခွင့်မပြုကြောင်း ရီချန်းဂျီမှ တားမြစ်ခဲ့သည်။
ထိုအချိန်မှစ လျှို့ဝှက်အစွန်အဖျားဂိုဏ်းမှာ ကမ္ဘာကြီး၏ တစ်ခုတည်းသော မြင့်မြတ်နယ်မြေဟု ခေါ်ဆိုလာခဲ့ကြသည်ာ
YOU ARE READING
ငါ့တပည့်တွေရူးနေကြပြီ( Book1)
PrzygodoweTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...