ငါ့တပည့်တွေရူးနေကြပြီ( Book1)

180

အခန်း 180-  နတ်ဘုရားအဆင့်တစ်ဦး‌ ရောက်လာခြင်း

ရီချန်းဂျီသည် ကောင်းကင်မဏ္ဍိုင်ကြီးကို သင်ခန်းစာတစ်ခု စတင်သင်ကြားပေးနေခဲ့သည်။

ဤနှစ်များအတွင်း ရရှိခဲ့သည့်အမြတ်အစွန်းများထဲမှ သူ့ကိုယ်ပိုင် ထိုးထွင်းရလာသောဥာဏ်အလင်းများ ရှိနေပြီဖြစ်သဖြင့် ယခုကဲ့သို့ သင်ကြားရာတွင် စနစ်မှ ဆုလာဘ်များကို အသုံးမပြုတော့ပေ။

အဘွားချင် ပြောခဲ့သည့်အတိုင်းသာဆိုလျှင် ကောင်းကင်မဏ္ဍိုင်သည် ကောင်းကင်ဘုံလူသားကမ္ဘာတွင်သာ မွေးဖွားလာခဲ့သည့် သဘာဝအံ့ဖွယ်ဖြစ်ကြောင်း ထင်ထင်ရှားရှား သိသာနေပြီဖြစ်သည်။

ကောင်းကင်ဘုံလူသားကမ္ဘာတွင် လက်ရှိနှစ်ဦးတည်းသာရှိသော နတ်ဘုရားအဆင့်များအနေဖြင့် သူတို့နှစ်ဦးသည် အန္တရာယ်မကျရောက်မီတွင် သူတို့၏ခွန်အားကို အမြန်မြှင့်တင်ရမည်ဖြစ်သည်။

"နတ်ဘုရားအဆင့်အထက်မှာ ကောင်းကင်ဥမင်ဖန်တီးခြင်းအဆင့်၊ အချိန်နယ်ပယ်နဲ့ ဖန်ဆင်းခြင်းနယ်ပယ်တို့ရှိသေးတယ်..."

ရီချန်းဂျီရှင်းပြနေရင်း ဖျောက်ကွယ်ထားသော ကောင်းကင်ဥမင်၏ အစိတ်အပိုင်းတစ်ခုကို လှစ်ဟပြလိုက်သည်။

ကောင်းကင်မဏ္ဍိုင်သည် နယ်ပယ်သုံးရပ်၏ ပြောင်းလဲမှုများကို နားလည်ရန် ကောင်းကင်ဥမင်ကို အသုံးပြုကာ ၎င်း၏ ခွန်အားကို ဖြည်းဖြည်းချင်း တိုးတက်လာနေစေခဲ့သည်။

ရီချန်းဂျီ ရှင်းပြနေရင်းမှပင် ကောင်းကင်မဏ္ဍိုင်၏ အပြောင်းအလဲများကို ဖြည်းညှင်းစွာ ခံစားလိုက်ရသည်။

“ကမ္ဘာပေါ်က တစ်ခုတည်းသော ထူးဆန်းတဲ့ အရာတစ်ခုဆိုတဲ့အတိုင်းပဲ....  ဒီလို မြင့်မားတဲ့ အလားအလာနဲ့ နားလည်နိုင်မှုစွမ်းရည်ကလည်း အားကောင်းလွန်းတယ်...”

ကောင်းကင်ဘုံလူသားကမ္ဘာ၏ ထူးဆန်းသည့် နေရာတစ်ခုတွင်...။

ကောင်းကင်မဏ္ဍိုင်သည် ထိုနေရာတွင် တိတ်တဆိတ် ကျင့်ကြံနေလျှက်ရှိ၏။

ရီချန်းဂျီ၏ ရှင်းလင်းချက်များပြီးနောက် ထူးဆန်းသောအလင်းအလွှာများသည် ၎င်း၏ခန္ဓာကိုယ်ပေါ်တွင် ထွက်ပေါ်လာနေခဲ့သည်။