ငါ့တပည့်တွေရူးနေကြပြီ( Book1)

46

အခန်း 46- ကမ္ဘာ့အကာအရံပြင်ဆင်ခြင်း

ရီချန်းဂျီမှာ ကောင်းကင်မဏ္ဍိုင်ကို ပြုပြင်ရန် နည်းလမ်းကို အသေအချာ စစ်ဆေး နေခဲ့သည်။

၎င်းနည်းလမ်းဖြင့် ပြုပြင်မည်ဆိုလျှင် ပထမဆုံး တတ်နိုင်သမျှ ကျောက်တိုင်ကြီးများ, များစွာ လိုအပ်သည်။

ဒုတိယအနေနှင့် ထိခိုကိပျက်စီးသွားပြီးဖြစ်သည့် ကျောက်တိုင်ကြီး၏ အစိတ်အပိုင်းများ လိုအပ်သည်။

တတိယမှာ သူသည် ကောင်းကင်ဘုံသေမျိုူကမ္ဘာ၏ စိတ်ဆန္ဒနှင့် ဆက်သွယ်ရန် လိုအပ်သည်။ သူက ကြားခံအဖြစ် ဆောင်ရွက်ပြီး ကောင်းကင်မဏ္ဍိုင်နှင့် ကမ္ဘာကြီးကို တစ်ဖန်ပြန်လည် ချိတ်ဆက်နိုင်စေရန် ဆောင်ရွက်ရမည် ဖြစ်သည်။

ရီချန်းဂျီမှာ သူလိုအပ်သည့် ပစ္စည်းများကို ကြည့်ကာ မျက်လုံးများပင် ပြူးချင်လာမိသည်။

ထိူအရာများမှာ ကမ္ဘာတစ်ဝှမ်းလုံးတွင် ပတ်ရှာဖွေရမည်ဖြစ်ပြီး စနစ်သို့လည်း မကြာခဏ ဝင်ရောက်ကာ ဆုလာ်ဘ်များ ရှာဖွေရန် လိုအပ်မည်ဖြစ်သည်။

သို့သော် ယခုတွင် သူ၏ ခွန်အားများလည်း တိုးလာပြီ ဖြစ်သလို သူ၏ တပည့်များသည်လည်း အရွယ်ရောက်လာကြပြီ ဖြစ်ချေသည်။ သူတို့ကိုပါ အပြင်လောကသို့ လွှတ်ကာ ရှာဖွေခိုင်းလို့ ရပေမည်။

အနှစ်ချုပ်ရလျှင် ထိုတာဝန်အတွက် လိုအပ်ချက်အနည်းငယ် ရှိ‌‌နေပေသည်။

ပထမဆုံး ဆောက်လုပ်ရေးတွင်ကူညီရန် အစီအရင်များ ဝင်္ကပါများကို ကျွမ်းကျင် တတ်‌မြောက်သောသူများစွာ လိုအပ်နေသည်။

ဒုတိယအနေနှင့် အဖိုးတန်ပစ္စည်းများ အများကြီး လိုအပ်ပြန်သည်။

တတိယမှာ ကောင်းကင်မဏ္ဍိုင်သည် ကောင်းကင်သေမျိုးကမ္ဘာကြီး၏ စိတ်ဆန္ဒနှင့် ဆက်သွယ်ပြီးဖြစ်ရန် လိုအပ်သည်။

စတုတ္ထအချက်အနေဖြင့် နေရာအမျိုးမျိုးတွင် ထားရှိကာ ဆက်သွယ်ပြောဆိုနိုင်စေရန် အမျိုးမျိုးသောအဖွဲ့များ၏ အခြေခံအုတ်မြစ်များကို လိုအပ်ပေသည်။