အခန်း 195- သဘောတူညီချက်အသစ်
စူးယွဲ့မင်သည် ရီချန်းဂျီ၏ အကြည့်ကို သတိထားမိပြီး ပြုံးလိုက်သည်။
“မျှော်လင့်ထားတဲ့အတိုင်း နတ်ဆိုးဘုရင်ပြောတာမှန်တာပဲ... ရတနာ ပစ္စည်းတွေကို မကြိုက်တဲ့ ပန်းပဲဆရာ မရှိဘူး...”
ရီချန်းဂျီမှာ သတ္တုသေတ္တာငယ်ကိုယူကာ ခေါင်းညိတ်လိုက်သည်။
"အရှေ့ဘက်ဒေသရဲ့ နတ်ဆိုးဘုရင်ကို ကျေးဇူးတင်တယ် လို့ ပြောပေးပါ..."
"နတ်ဆိုးဘုရင်က ဒီနတ်ဆိုးသစ်သီးကို အရှင် အရမ်းသဘောကျမှန်းသိရင် သူလည်း ဝမ်းသာသွားမှာ သေချာပါတယ်..."
"အဲဒါ့အပြင် အရှင့်ရဲ့ အဆင့်အတန်းနဲ့ ခွန်အားအရဆိုရင် အရှင်က နတ်ဆိုးဘုရင်ကို ကုန်းယဲ့မုန်ယွဲ့ ဆိုတဲ့ နာမည်နဲ့ တိုက်ရိုက်ခေါ်ဆိုနိုင်ပါတယ်..." စူးယွဲ့မင်မှ ဆက်ပြော၏။
ထို့နောက် နောက်ထပ်အကြောင်းအရာတစ်ခုကို ဆက်ပြောပြန်၏။
“အရှင်က မှော်ရတနာတွေကို သန့်စင်တာမှာ အတော်လေး ကောင်းမွန်တယ်လို့ ကြားထားပါတယ် စီနီယာ... ကျွန်မကို ဗဟုသုတနည်းနည်းလောက် သင်ပြပေးနိုင်မလားလို့ သိချင်ပါတယ် စီနီယာ...”
၎င်းမှာ ဤနေရာသို့ရောက်လာသော သူမ၏ ရည်ရွယ်ချက်အစစ်အမှန်ဟု ရီချန်းဂျီ သိလိုက်ပေသည်။
"မှန်တယ်... မှော်ရတနာတွေကို ဘယ်လိုဖန်တီးသန့်စင်ရမလဲဆိုတာ ငါ သိတယ်...” သူ တည်ငြိမ်စွာပြောလိုက်သည်။
မြေအောက်ကမ္ဘာနတ်ဆိုးသစ်သီးသုံးလုံးသည် ရီချန်းဂျီအား အရှေ့ပိုင်းဒေသရှိ နတ်ဆိုးဘုရင်အိမ်တော်၏ ဘဏ္ဍာတိုက်ကို အလွန်စိတ်ဝင်စားသွားစေသည်။
သူသည် ယခုအချိန်တွင် သူ့ကိုသူ ပြန်လည်ကုသရန် ပစ္စည်းများစွာ အပူတပြင်းလိုအပ်နေသည်။
သူသန့်စင်ထားသည့် ရတနာများနှင့် အခြားသူလိုအပ်သည့်ပစ္စည်းများကို လဲလှယ်နိုင်လျှင် ပိုကောင်းပေလိမ့်မည်။
သူ၏ လက်ရှိခွန်အားမှာ ယခုအချိန်တွင် သိပ်မလုံလောက်သေးပေ။ သူ ထုတ်လွှတ်နိုင်သည့် စွမ်းအားမှာ အကန့်အသတ်နှင့်သာ ရှိနေ၏။
YOU ARE READING
ငါ့တပည့်တွေရူးနေကြပြီ( Book1)
AdventureTitle - Xianxia: My Disciples are Insane! ငါ့တပည့်တွေရူးနေကြပြီ ဘာသာပြန် - ဟိန်းထက်လှိုင် မိတ်ဆက် ကူးပြောင်းလာခဲ့ပြီး ဆယ်နှစ်ကြာချိန်၌ ရှန်းနန်တွင် တိတ်တတိတ် စာရင်းသွင်းပြီးနောက် စနစ်သည် နောက်ဆုံးတွင် ရီချန်းဂျီအား ပထမဆုံး တာဝန်ဖြစ်သော တပည့်များလက်...
